Бүген бездә Әлифба бәйрәме үтте.  Балаларның барысы да укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнделәр. Киләчәктә алар туган тел һәм татар теле китаплары ярдәмендә белемнәрен тагын да баетырлар. Кичә бик күңелле узды.

Яз җитүгә, һава торышы үзгәрү белән бәйле булган бәхетсезлек очраклары аеруча арта. Сулыклар янында куркынычсызлык кагыйдәләрен үтәмәү кеше тормышында зур бәхетсезлекләр китереп чыгарырга мөмкин. Бүгенге тәрбия сәгатебезнең максаты — укучыларыбызның хәтерләрендә  язгы чорда куркынычсызлык кагыйдәләрен яңарту, аларны үтәргә кирәклеген тагын бер кат искәртү. Укучыларга су буйларына төшмәскә, бозның калын булуына ышанып, боз өстенә кермәскә, әти-әниләренең рөхсәтеннән башка өйдән чыгып китмәскә, бозлавык вакытында, егылып, имгәнүләрдән сакланырга кирәклеге турында сөйләшенде.

Росприроднадзор "Экология – һәркем эше" Халыкара балалар-яшүсмерләр премиясенә старт бирде. Премия яшьләрнең экологик культурасын һәм аңлылыгын күтәрүгә, балаларны һәм яшүсмерләрне, мавыктыргыч һәм аңлаешлы форматлардан файдаланып, табигатьне саклау тәртибенә җәлеп итүгә юнәлтелгән.
Премиянең төп бурычлары арасында – экологик агарту, табигать ресурсларына җаваплы караш культурасын популярлаштыру, яшьләр арасында иҗтимагый активлыкны арттыру, шул исәптән «яшел» волонтёрлык ярдәмендә, шулай ук балалар һәм яшүсмерләрнең талантларын ачу.
Катнашучылар өчен номинацияләр арасында түбәндәгеләр бар: «Планетаны бергә саклыйк», «Минем эко-гаилә – минем команда», «Яшь эко-блогер», «Эко-трендлар», «Эко-мәктәп», «Эко-рәсем», «Эко-фокус», «Эко-мультфильм», «Эко-волонтёр», «Яшь эко-журналист», «Экология дөньяда» («Ecology in the world»).
Әлеге проектта безнең укучыларыбыз да актив катнашты.

«У войны не женское лицо» "Сугышның йөзе хатын-кызныкы түгел" Бүгенге дәресебез Совет хатын-кызларының Бөек Ватан сугышы елларындагы батырлыгына багышланды.

Бүген мәктәпләрдә  мөһим     сөйләшүләр,  класс сәгатләре, ” Россиядә массакүләм спорт ” темасына багышлап  үткәрелде. Массакүләм спортны үстерү ул-сәламәтлекнең  һәм уңышлы булуның нигезе,  җәмгыятьне киләчәк чакыруларын җиңәргә әзер итеп тәрбияләү, шулай ук һәр кешенең һәм бөтен милләтнең сәламәтлеген кайгыртуга                         озак вакытларга җитәрлек өлеш кертү булып тора. Спорт- үз-үзеңне камилләштерү һәм кешене социальләштерү юлларының берсе, аның шәхес сыйфатлары һәм кешеләр белән үзара мөнәсәбәтләре формалашу. Россиядә, массакүләм спорт белән төрле буын кешеләре дә шөгылләнә алсын өчен зур мөмкинлекләр тудырылган. Шуңа күрә спорт - Россия мәдәниятенең һәм традицияләренең бер өлеше.

Сабыр, изге күңелле, нигезебезнең кояшы булган хатын-кызларыбыз! Сезне матур бәйрәмегез - Халыкара хатын-кызлар көне белән чын йөрәктән тәбрик итәбез. Алдагы тормышыгызда сәламәтлек, җан тынычлыгы белән балаларыгызның, оныкларыгызның, туганнарыгызның янәшәсендә куанычлы, бәрәкәтле гомер итүегезне телибез. Туачак таңнарыгыз һәрвакыт нурлы, күк йөзегез һәрвакыт аяз булсын. Һәрвакыт елмаеп, кешеләрне сөендереп яшәгез!

Бүген мәктәптә, өлкән сыйныф укучылары өчен, «Финанс куркынычсызлыгы» Бөтенроссия тематик дәресе үткәрелде. Дәреснең максаты — мәктәп укучыларында финанс алдашуының төрле төрләре һәм финанс куркынычсызлыгының төп кагыйдәләре турында күзаллауларын формалаштыру.

Хатын-кызлар бәйрәме - иң матур бәйрәмнәрнең берсе. Бу көнне әниләргә бүләкләр бирү гадәткә кергән. Ул әниләребезгә булган  игътибар һәм яратуны аңлата. Укучыларыбыз нәни куллары белән бүләкләр ясадылар. Әниләребез канәгать калыр дип уйлыйбыз, чөнки чын күңелдән тырыштык һәм аларны шатландырырга теләдек. Иң яхшы бүләк - үз кулларың белән ясаган бүләк. Дөрестән дә шулай.

Бөтендөнья гражданнар оборонасы көне уңаеннан, бүген «Ватанны саклау һәм иминлек нигезләре» (ОБЗР)дәресендә ачык дәресләр утте.
ОБЗР укытучысы иминлекне сакларга, кая гына булуга карамастан экстремаль һәм гадәттән тыш хәлләрдә үз-үзеңне куркынычсыз тоту, саклану тәртибен аңлатты. Үз эшенен белгече буларак фельдшер егетебез Ильназ һәм Хәкимова Фәйрүзә беренче ярдәм курсәтү ысулларына өйрәттеләр.