Бүген әдәбият сөюче укучылар Фатих Кәримне искә алдылар. Быел фронтовик шагыйрьгә 110 ел тула. Аның тормыш юлы, иҗаты, сугышта күрсәткән батырлыклары турында файдалы мәгълүмат алдылар. "Илең турында уйласаң, гомерең озын була..." Әлеге шигырь юллары халык телендә мәкаль булып яңгырый. Әлеге чара әдәбиятка, туган илгә карата укучыларда патриотик хис тәрбияләде. Шагыйрь мирасын өйрәнүгә кызыксыну уятты.

    Мәктәбебездә укучыларның дәрестән тыш вакытлары бик күңелле, файдалы үтә. Шөгыльләр һәрдаим төрләнедерелә. Башлангыч класс укучылары да татар халкының җырлы-биюле уеннары белән таныштылар. ”Гөлбану”, “Кәрия-Зәкәрия”, “Чума үрдәк, чума каз “ уеннарын бик теләп уйнадылар.

    27 январьдә Ленинград камалышын өзүгә 75 ел тула. Шушы вакыйга уңаеннан, бүген мәктәбебездә 5-9 сыйныф укучылары белән тәрбия сәгатьләре үтте. Ил тарихына җуелмас хәрефләр белән язылган бу 900 көн һәм төн барлык заманнарда да һәр буын өчен чиксез батырлык, чыдамлылык һәм корычтай ныклы рух билгесе дә ул.
    Сабыйлар тыныч йокласын,
    Кан түгелмәсен!
    Безнең аналар яңадан
    Хәсрәт күрмәсен! Теләмибез сугышны без!
    Без тынычлык телибез!
    Безнең якты тормышыбыз
    Мәңге балкысын дибез! 

    Бүген башлангыч класс укучылары белән Бөек Ватан сугышының бер ноктасы -Ленинград блокадасы турында класс сәгате үткәрелде.

    Бөек Ватан сугышының беренче көннәреннән үк Ленинградта сугышчан эш кайный башлый. Зур әһәмияткә ия объектларны, һәйкәлләрне каплыйлар, күп кенә завод-фабрикаларны, музей кыйммәтләрен илнең көнчыгышына озаталар. Сугыш башланып, бер атна үтүгә, ун эшелонда 235 мең бала шәһәрдән чыгарыла. Июль – август айларында эвакуацияләнгән халык саны 1 миллионга якынлаша. Шулай булса да, шәһәрдә 2,5 миллион кеше торып кала. Алар шәһәр оборонасын ныгыту эшләрендә катнаша: танкка каршы 625 километр озынлыгындагы чокыр, 400 километр эскарп, меңләгән дот һәм дзот, шәһәр эчендә 35 километр баррикада төзиләр. Июль башыннан Гитлер Ленинградны алу өчен 300 мең солдат һәм офицер, 600 орудие, 5 000 миномет, 1 000 танк, 1 000 самолет җибәрә. Август азагында немецлар өлкәнең күп өлешен басып алалар һәм шәһәргә якынлашалар. Сентябрь башында Шлиссельбургны (хәзерге Петрокрепость) алып, ил белән бәйли торган коры җир юлларын кисәләр. Бердәнбер булып Ладога күле өстендәге су юлы гына кала.1941 елның 4 сентябре көнне гитлерчылар Ленинградны артиллерия утына тоталар. Шул көннән 900 көнлек Ленинградны саклау эпопеясе башлана...

    19 нчы гыйнвар көнне, Арча районының Яңа Кенәр мәктәбендә милли көрәш буенча район башлыгы призына ярыш оештырылды. Көрәшкә бик күп мәктәпләрдән укучылар төрле авырлыкта көч сынашырга килделәр. Бу бәйгедә безнең мәктәбебездән Шерматов Рәйхан катнашып, үз үлчәү авырлыгында призлы урын яулап кыйммәтле бүләккә лаек булды. Афәрин Рәйхан! 

    Мәктәбебезнең 8нче сыйныф укучысы Хәбибуллина И. талантлар Университеты җитәкчелегендә оештырылган өч көнлек семинарда катнашып, укып кайтты. Шулай ук укытучыларыбыз да "Талантлар белән эшләү стратегиясе" программасы кысаларында белем күтәрделәр.

    Укучыларыбыз проект эшләрен бик теләп башкаралар. Әйләнә-тирә фәне дәресеннән кошларга ярдәм итү максатыннан җимлек ясадылар. Бу эштә аларга әтиләре дә ярдәм итте. Кыш көне кошларга ризык табу бик авыр. Шуңа да алар канатлы дусларыбызга ипи валчыклары, көнбагыш орлыклары, туңмай салып агачка элеп тә куйдылар. Чын йөрәктән ясалган җимлекләргә кошлар килер дип көтеп калабыз.

    Бүген Тукаевларның музей йортына Татарстан радиосыннан кунаклар килде: радио җитәкчесе Сәгыйтов Тәүфыйкъ Камәретдин улы һәм баш редактор, журналист Акмалов Нәсим Рәшит улы. Алар сөекле Тукаебызның тормыш юлы, Кушлавыч авыл тарихы белән кызыксындылар. Мәктәбебез укучылары Габдулла Тукай шигырьләрен сөйләделәр. Шулай ук укытучылар да чыгыш ясады. Кунакларны Таттелеком оешмасы җитәкчесе урынбасары Гомәров Рөстәм Кәримулла улы озатып йөрде.
    Бу очрашу укучыларның күңелләрендә җылы хатирәләр калдырды.

  Әдәбиятыбыз классигы шагыйрь Фатих Кәримнең тууына 110 еллык уңаеннан Кушлавыч клубында әдәби кичә үткәрелде. Клуб мөдире Хәнәфиева Фәния Нурислам кызы белән китапханә мөдире Фәттахова Рәмзия Габделбәр кызы язучы турында бик куп мәгълүмат әзерләгәннәр. Бай эчтәлекле презентация укучыларга язучы турында күбрәк күзалларга ярдәм итте. Кичә ахырында укучылар белән җанлы әңгәмә үткәрелде.
    Фатих Кәрим 1909 елның 9 гыйнварында Башкортстанның Бишбүләк районы Ает авылында туган. Ямьле Дим буйлары, шау чәчәкле болыннар, балыкка бай елгалар, яшел урманнар Туган илнең гүзәл бер почмагы булып күңеленә кереп кала.
    Кәрим кече яшьтән үк белемгә...