ГИМНАЗИЯ-ПОБЕДИТЕЛЬ ГРАНТА "ФИЗИКО-МАТЕМАТИЧЕСКИЙ ПРОРЫВ В ШКОЛЕ-2025"

Гимназиябез сыйныфлары өлкәннәребезгә шефлык итүне дәвам итеп, көзге эшләрне башкаруда ярдәмгә килделәр. Ветераннарның өйләренә барып, көчләреннән килгәнчә ярдәм итә алар: яз-көз бакча эшләрендә булышалар. Бакчаларны, өй тирәләрен чүп-чардан арындыралар. Тимурчылык эше вакытында зур тормыш тәҗрибәсе туплаган өлкәннәр белән дә аралаша алар.

Бүген гимназиябездә "Балачакта алган тәрбияне соңыннан бөтен дөнья халкы да үзгәртә алмас" дип аталган ата-аналар җыелышы булып узды.

Очрашуның темасы бик актуаль иде: без балалар иминлегенә, аларның үсешенә һәм тәрбия барышындагы хокукый аспектларга кагылышлы мөһим мәсьәләләр буенча фикер алыштык.
Көн тәртибе дүрт төп блокны үз эченә алды.
"Яшүсмерләр арасындагы хокук бозуларны профилактикалауга юнәлдерелгән эшчәнлек" темасына тәрбия эшләре буенча директор урынбасары Ленар Зөфәк улы Шәвәлиев чыгыш ясады. Ул гимназиядә яшүсмерләр арасында хокук бозуларны булдырмас өчен алып барылган профилактик эшчәнлек белән таныштырды.
Гаиләнең роленә аерым игътибар бирелде: баланың үз-үзен тотышындашы нинди сигналларны игътибарсыз калдырырга ярамый һәм ничек вакытында ярдәм күрсәтергә кирәклеге ассызыкланды.
"Мәктәп укучылары олимпиадаларының рәсми исемлегенә кертелгән олимпиадаларда катнашу: уңыш перспективалары" хакында инновацион эшләр буенча директор урынбасары Юлия Валентиновна Амерзьянова чыгыш ясады.
Югары уку йортларына керү өчен мондый ярышларның кыйммәте, укучыларның сәләтләрен үстерү, бу уку елында нинди мөмкинлекләр барлыгын һәм ата-аналар балага йөкләнешне дөрес бүләргә ничек ярдәм итә алуын аңлатты ул.

"Травля (буллинг). Җенси кагылгысызлык. Ата-ана бурычларын тиешенчә үтәмәгән өчен ата-ананың административ җаваплылыгы. Интернет челтәре аша мошенниклык". Бу өлештә Россия Эчке эшләр министрлыгының Актаныш бүлегенең Балигъ булмаганнар эшләре буенча бүлекчәсеннән өлкән инспектор
Илиза Камил кызы Хәсәнова чыгыш ясады.
Ул берничә кискен теманы яктыртты: буллингны ничек танырга һәм балага ярдәм итәргә, ата-аналарга үзләрен ничек тотарга, хокукый җаваплылык, шулай ук интернет-мошенникларның схемалары буенча җентекләп сөйләде һәм балаларның интернет челтәрендә аралашулары буенча киңәшләрен бирде.

«Җенси кагылгысызлык" темасы - бик нечкә һәм четерекле тема. Район үзәк хастаханәсе табиб-педиатры Илдус Феликс улы Латыйпов әлеге темага табиб буларак та, әти кеше буларак та тормыш тәҗрибәсенә таянып, ата-аналарны борчыган слрауларга ачыклык кертеп чыгыш ясады. Ул яшь психологиясе мәсьәләләренә дә кагылды, балалар белән мондый темалар турында ничек фикер алышырга кирәклегенә дә тукталды һәм шәхси куркынычсызлыкны саклау буенча гамәли киңәшләр бирде.

Җыелышны гимназиябез директоры Венера Хәмәтнәсыйх кызы Хәева-Хәмитҗанова алып барды. Ата-аналар белән ачыктан-ачык сөйләшү сыйныфларда дәвам итте.

Бүген республикабызның барлык мәктәпләрендә дә яңа уку елына чакырып кыңгырау чыңлады. Белем бәйрәме гимназиябездә дә аеруча тантаналы узды.
Татарстан Республикасы Дәүләт Советы депутаты Альберт Галимҗан улы Хәбибуллин, Актаныш районы башлыгы Ленар Рафак улы Зарипов бәйрәмебезнең мөхтәрәм кунаклары булды.
Татарстан Республикасы Рәисе Рөстәм Миңнехановның яңа уку елы белән котлавын да укучыларыбызга ирештерде Альберт Галимҗан улы.
Гимназиябез директоры Венера Хәмәтнәсыйх кызы Хәева-Хәмитҗанова укучыларны, укытучыларны, ветеран укытучыларны, ата-аналарны һәм килгән кунакларны бәйрәм белән тәбрик итте. Беренче сыйныфка укырга керүче 39 укучының, Россиянең төрле төбәкләреннән гимназиябезгә тәүге кат укырга килгән 5-11 сыйныф укучыларының ата-аналарына гимназиябезнең республика югарылыгындагы эшчәнлеге, ирешкән уңышларыбыз белән таныштырды.
Татарстанның Электрон мактау тактасында лаеклы хезмәтләре урын алган физика укытучысы Резеда Тимергази кызы Маликовага таныклык та тапшырды алар.
Белем бәйрәме укучыларның бик матур, креатив, саф татарча, заманча чыгышлары белән үрелеп барды.
Хәерле сәгатьтә! 2026-2027 уку елы да имин булсын, уңышлары белән сөендереп торсын!

ЙОЛДЫЗЛЫ СӘГАТЬ:
Гимназиябезнең чыгарылыш сыйныф укучылары Мәскәүдә узучы Бөтенроссия чыгарылыш кичәсендә катнаша.

Дәүләт Кремль сараенда узачак тантанада Мәскәүдән, Мәскәү өлкәсеннән һәм РФнең башка төбәкләреннән чыгарылыш сыйныф укучылары чакырулы.

Уңышлар сезгә, укучылар! Тормыш юлыгыз да шулай якты, ак һәм матур булсын!

Гимназиябезнең 11В сыйныф укучысы Маликова Азалия, 11Б сыйныф укучысы Шәймәрданов Әмирхан, 10Б сыйныф укучысы Ямалов Азамат 2026 елда «Физико-химический прорыв» проектын гамәлгә ашыру кысаларында ТР территориясендә урнашкан гомуми белем бирү оешмаларының 5-11 сыйныф укучыларына акчалата бүләкләү конкурсында җиңүче булдылар.

«Физик-математик алгарыш» проектын гамәлгә ашыру кысаларында «Иннополис Университеты» югары белем бирү оешмасы «Казан математика үзәге» югары белем бирү оешмасы белән берлектә укытучылар һәм мәктәп укучылары өчен геометрия буенча олимпиадалар (алга таба – бәяләү чаралары) оештыра һәм үткәрә. Бәяләү чаралары геометрик белем бирүне популярлаштыруга, талантлы педагогларны һәм мотивацияле мәктәп укучыларын ачыклауга һәм аларга ярдәм итүгә, катнашучыларның һөнәри һәм интеллектуаль потенциалын үстерүгә, шулай ук математика белеме өлкәсендә алга таба үсү һәм камилләшү өчен шартлар тудыруга юнәлдерелгән.
Геометрия буенча олимпиадада катнашып, гимназиябезнең математика укытучылары Фәрдиева Регина Равил кызы, Вәлиева Земфия Гыйльфан кызы, физика укытучысы Маликова Резеда Тимергази кызы 3 урын яуладылар!

"Соңгы кыңгырау" бәйрәме гимназиябездә быел да көтелгән һәм онытылмас истәлекле мизгелләре белән күңелгә уелды.
Тантанада Актаныш районы башлыгы Ленар Рафак улы Зарипов катнашып, укучыларыбызны, укытучыларыбызны бәйрәм белән тәбрикләде. Чыгарылыш сыйныф укучыларына үзенең фикерләрен җиткерде.
Гимназиябез директоры Венера Хәмәтнәсыйх кызы Хәева-Хәмитҗанова укытучыларыбызны, остазларыбызны, укучыларыбызны тәбрикләп, һәр көне кабатланмас эш-мәшәкатьләре, уку ыгы-зыгысы белән кайнап яшәлгән уку елының яңалыкларына, ирешелгән уңышларга тукталды. "Ел укучысы"н игълан итте. Сөенечле мизгелләр! Мондый мәртәбәле исемгә быел гимназиябезнең 11 сыйныф укучысы Лиана Шакирова лаек булды!
Бәйрәмебез 11 сыйныф укучылары тәкъдим иткән театраль тамаша, чыгарылыш - 4 һәм 9 сыйныфларның җыр-биюләре белән үрелеп барды.

"Зур химиянең киләчәге" Идел буе төбәкара олимпиадасында катнашып, гимназиябез укучылары җиңү яуладылар!
ИНФОРМАТИКА
11Б сыйныф укучылары Нигъматдинов Инсаф – җиңүче, Әмирҗанов Роман - 2 урын.
МАТЕМАТИКА
10Б сыйныф укучысы Галимов Данил, 11Б сыйныф укучысы Хаҗиев Румиль – җиңүчеләр! 10Б сыйныф укучысы Шәвәлиев Әмир, 11Б сыйныф укучысы Шәймәрданов Әмирхан - 3 урын.
ФИЗИКА
10Б сыйныф укучысы Ямалов Азамат – җиңүче!
11Б сыйныф укучылары Шәймәрданов Әмирхан, Галимҗанов Нариман - 2 урын, 10Б сыйныф укучысы Магафуров Оскар, 11Б сыйныф укучылары Ильясов Шамил, Нугуманова Диана – 3 урын.
ХИМИЯ
11Б сыйныф укучысы Галиуллина Камилла, 11В сыйныф укучысы Маликова Азалия, 11В сыйныф укучысы Галимов Фирзар, 10А сыйныф укучысы Баширов Ильяс, 10Б сыйныф укучысы Ямалов Азамат, 9В сыйныф укучысы Хөсәенова Ясминә – җиңүчеләр.
11В сыйныф укучысы Сәлахова Эвелина, 10А сыйныф укучысы Авзалова Амелия, 9В сыйныф укучысы Фазлыев Камил - призерлар.
Укытучылары Хөсәенов Ленар Наил улы, Хаҗиева Рәмилә Әдип кызы, Фәрдиева Регина Равиль кызы, Маликова Резеда Тимергази кызы, Гарипова Рузилә Ильдар кызы.

18 мая - Международный день музеев
Международный день музеев празднуется во всём мире с 1977 года. Эта дата служит прекрасным поводом вспомнить о важности сохранения культурного наследия.
В ГАОУ “Гуманитарная гимназия-интернат для одаренных детей” с 2019 года работает музей памяти легендарной Альфии Авзаловой.
Альфия Авзалова – выдающаяся татарская певица. Родилась 15 января 1933 года в селе Актаныш. В 1957 г. стала солисткой Татарского государственного ансамбля песни и танца. Она удастоена звании - народной артистки Татарской АССР и заслуженной артистки РСФСР.
Сегодня младшие школьники посетили музей. В залах музея ребят встретили удивительные экспонаты: уникальная коллекция личных вещей, пластинок, афиш и музыкальных инструментов Альфии Авзаловой, легенды татарской музыки. Особенно ребятам понравились интерактивные уголки.
Экскурсия позволила глубже познакомиться с историей артистки, соприкоснуться с воспоминаниями о ней и насладиться творчеством певицы.