Соңгы елларда республикада, шулай ук, безнең районда сәламәт яшәү рәвешен пропагандалауга, олысын-кечесен спортка тарту буенча күп игътибар бирелә. Узган елны Актанышта дамба буен янарттылар, фонтан, спорт-площадка төзеделәр. Вакытны файдалы һәм күңелле итеп үткәрергә менә дигән урын. Без дэ уртанчылар төркеме балалары белән шунда барып уйнап кайттык.

Актаныш районына оештырылган эшлекле сәфәре кысаларында Татарстан Республикасы Президенты Рөстәм Миңнеханов үзәк стадионның ачылу тантанасында катнашты. Бу көтеп алган зур вакыйгага мәктәпкә әзерлек һәм зурлар төркеме балалары да үзләренең чыгышлары белән катнаштылар.

Ә стадионда спорт белән шөгыльләнү, ярышлар уздыру, башка төрле массакүләм чаралар оештыру өчен бөтен шартлар да тудырылган. Урыны да уңайлы җирдә, үзәктә. Актив ял итүчеләргә дә, җиңел атлетика белән шөгыльләнүчеләргә дә мөмкинлекләре бар.

Без балалар белән Җиңү паркына экскурсияга бардык. Без анда сугышта катнашкан хэрби техникалар карадык. Экскурсия барышында Боек ватан сугышында катнашкан геройлар һәм Әвган сугышында хәләк булган якташларыбызның истәлекле ташсыннары белән таныштык, истәлек өчен мәңгелек ут янында фоторәсемгә төштек.

Балаларны өлкәннәр хезмәте белән таныштыру, сатучы һөнәренә карата кызыксыну уяту, аралашу культурасын камилләштерү максатыннан Мингазова мәктәпкә әзерлек төркеме балалары белән “Уенчыклар дөньясы” кибетенә экскурсиягә керде. Сатучы апалар үзләренен хезмәте турында төрле кызык әйберләрне мавыктыргыч итеп сөйләделәр, уенчыкларга карата сак караш тәрбияләделәр. 

Балаларда спортка  кызыксыну уяту, спортның кеше тормышындагы әһәмиятен аңларга булышу, аларда бердәмлек хисен тәрбияләү максатыннан, 1 нче кечкенәләр төркемендә "Күңелле стартлар" конкурсы булып узды.

Кечкенә бала һәркөнне тормышына янаган куркыныч күренешләр белән очраша. Мондый очракларда бала тиешле чишелеш таба алмыйча югалып калырга мөмкин.Шушы максаттан чыгып без балаларга юл йөрү кагыйдәләрен өйрәткәндә төрле алымнар һәм методлар кулланабыз. Мәсәлән: әңгәмәләр, күзәтү, экскурсия, шигырьләр, җырлар өйрәнү, матур әдәбият, өстәл уеннары, төрле сюжетлы уеннар, шөгыль, КВН, кичәләр. Әлбәттә, бу өлкәдә тәрбия һәм белем бирү эшләре бергә үрелеп барыла. Балалар белән эш эзлекле рәвештә, план буенча үткәрелә.Мингазова һәм Ибрагимова буген төркем балалары белән юлдагы машиналарны күзәтте

1 кечкенәләр төркеме балалары жәйнең матур көнендә, мәктәпкә әзерлек төркеме белән "Бүләк" урманына экскурсиягә барды."Бүләк" урманы безне роллерда йөрүче  апалар һәм абыйлар белән каршы алды. Без бу спорт төре белән якыннан танышу өчен 2 нче мәктәпнең физкультура укытучысы Ришат Петрович белән әңгәмә кордык.Бу спорт төренең килеп чыгышын сөйләде, киңәшләре бирде, киемнәре белән таныштырды.. Безгә бу сәяхәт бик ошады.

Кояш чыккач, нурга чумгач

Урам, кырлар, яланнар,

Сөенеп бакчага киләбез:

Без бәхетле балалар.

Балаларның табигать белән кызыксынучанлык, аңа сак караш тәрбияләү, максатыннан мәктәпкә әзерлек төркеме балалары белән бүген әкәм- төкәм күзәттек. Алар әкәм- төкәмне үз куллары белән ашаттылар (алма, кәбестә), яфрак өстенә куеп карадылар, яфрак өтендә әкәм- төкәм үзен үз өендә кебек хис итеп, иркен  хәрәркәт итә. Әйләнә – тирә мохит белән бәйләнешләрен арттырып, балаларның игьтибарын, хәтерен, иң гади танып белү алымнары эшчәнлекләре үсә.

Хезмәткә тәрбия кечкенәдән үк башлана.1 кечкенәләр төркеме балалары белән тәжрибә участогында фасольләрнең чүбен утадык, су сиптек, үсентеләрнең үсешен балалар белән көндә кызыксынып карыйбыз.