“Бүләк” урманы  нинди матур! Монда нинди саф һава, акрын гына агач яфраклары кыштырдый, кошлар сайрый. Нинди генә җиләкләр пешми монда. Төрле гөмбәләрне әйтеп тә торасы юк. Үзенең дару үләннәре белән дә күпме авыруларны дәвалый ул урман.

Шаулый аңда һәрбер агач,

Көчле җилләр искәндә,

Үләнендә пешә җиләк

Кояш нуры төшкәндә.

Ямьле язлар килү белән

Чүт- чүт сайрыйлар кошлар,

 Монда һәрчак саф һава,

Чәчәкләр керфек кага,

Булса чишмә- суы чиста,

Тын гына челтерәп ага.

Балаларны рәсемне гадәти булмаган ысулларының бер төре белән таныштыру һәм өйрәтү.

Җәйге табигатьнең матурлыгына соклана белү сыйфатларын тәрбияләү, балаларның фикерләрен бер юнәлештә туплый белү сәләтләрен үстерү. Җәй  турында белемнәрен тирәнәйтү, рәсем ясауга карата кызыксынуларын үстерү.

Республика күләмендә үткәрелгән "Эковесна - 2018" конкурсында безнең балалар бакчасы уңышлы видеоязма белән дипломга ия булды.Котлыйбыз!!! 

Җыр, музыка - кешенең гомерлек юлдашы. Шуның белән бергә ул - бик яхшы тәрбия чарасы да. Кешенең туганнан алып бөтен гомере җыр һәм музыка белән тыгыз бәйләнештә уза. Ул иң элек бишек җыры тыңлап үсә, аннары кеше тормышында уен, хезмәт, мәхәббәт һэм көнкүреш җырлары киңрәк урын ала. Менә без дә бакчабызда “Яшь музыкантлар” көне уздырдык. Балалар музыкаль инструментларда, төрле уен коралларында (кашык, барабан, гармон, шалтыравык, һ.б) музыкага кушылып номерлар башкардылар. Безнең балаларга бәйрәм бик ошады!

Районыбыз соңгы елларда төзекләнә, матурлана, халыкның яратып ял итү урыннары да артты. Бигрәк тә Актанышлар фонтан тирәләрен үз итә. Чөнки су тавышы һәм тирәсендәге салкынча, дымлы һава тынычландыра, яшәү дәрте өсти. Бездә 1 кечкенәләр төркеме балалары тәрбияче апаларыбыз белән шушы гүзәл фонтанга экскурциягә барырга булдык. Рәхәтләнеп ял итеп, көч жыеп, тагын килергә сүз куешып. күтәренке кәефтә үзебезнең яраткан "Ромашка" балалар бакчасына кайтып киттек.

Җәйге көннәрне күңелле итү максатыннан “Актаныш басмалары” скверына, спорт һәм балалар мәйданчыкларына экскурсиягә бардык. Балаларыбыз рәхәтләнеп күңел ачтылар, уйнадылар.

Спорт көне уңаеннан "Ромашка" балалар бакчасында "Куңелле стартлар" уены уздырылды. Балалар ике командага бүленеп спорт ярышларында көч сынаштылар. Уен барышында балалар арасында дуслык, игътибарлылык сыйфатлары ныгыды.

Балалар тавышын сагынгандай Бүләк урманы безнең нарасыйларны киң колач җәеп көтте. Җылы кояш нурлары астында киң аланда балалар бик теләп уйнадылар. Җәйнең матур мизгелләре бик күп тапкырлар кабатлансын иде, - дигән теләктә калабыз.

 Без уйныйбыз, уйныйбыз,

Якты көннән туймыйбыз.

Сабан туе гөрләп торсын,

Биибез дә җырлыйбыз.

Сабантуй бәйрәме- татар халкының олы бәйрәмнәренең берсе.Ул-хезмәт һәм дуслык бәйрәме.Без үткәннәрне онытырга тиеш түгел :бай һәм тирән мәгънәле милли көйнең матурлыгын,рәсем сәнгатен,әдәбиятын,горыф-гадәт,йолаларын. Милли культура,безнең әти-әни кебек ,бала күнелендә аерып алмаслык бер кисәк булсын иде.

Безнен балалар буыннан - буынга күчеп килгән милли гореф -гадәтләрнен ,йолаларнын югалып бару чорында яшиләр.Жырларда , биюләрдә, уеннарда сакланып килгән йолаларнын киләчәк буыннарда да кабатлануына, саклануына, онытмасларына ышанасы килә. Бу чара яшь буында узенәкирәк өлкәне сайлап алырга жиңеллек тудырыр ,туган жирне ничек бар шулай яратырга мөмкинлек бирер иде. .Шуларны истә тотып, без мәктәпкә әзерлек төркеме балалары белән быелгы  район сабантуенда катнаштык. Балаларыбыз мөселманча киенеп мәйданга узган чакта кунакларның сокланулы елмаюларын,кул чабуларын күреп балалар бик сөенделәр!Без – тәрбиячеләр балалар күңелендә Ислам диненә ярату,хөрмәт орлыклары булдыруыбызга тагын да ныграк сөендек!

Балаларны туган ягыбызның  иң гүзәл почмагы – чишмәләребез һәм аларның кайларда булуы, аларның  табигатебезнең иң  кирәкле бер өлеше булуына инандырып, балаларны таныштыру. Алар турында булган белемнәрен системалаштыру, сөйләмнәрен үстерү, сүзлекләрен баету. Аларда чишмәләребезгә ярату һәм сакчыл караш тәрбияләү максатыннан без авылыбызның  Хәмит чишмәсенә экскурсиягә бардык.