Гибадуллина Р.М.

20 нче февраль көнне бакчабызда "Ватанны саклаучылар көне" уңаеннан оештырылган бәйрәм кичәсенә әтиләребезне чакырдык.Балаларыбыз әтиләрен котлап үзләренең концерт номерларын бүләк иттеләр.Әтиләр дә балалар алдында сынатмадылар, уеннарда теләп катнаштылар. Бәйрәмебез бик күңелле үтте! 

Гайнуллина Г.Р.

16 нчы февраль көнне район мәдәният йортында "Йолдызлык-2018" конкурсы булып узды. "Ромашка" бакчасы балалары үзләрен сынатмадылар, беренчелекне яуладылар. Аларны котлыйбыз, тәрбиячеләренә дә иҗади уңышлар, яңа үрләр телибез.

Мингазова Г.

Көн саен, телибезме без моны юкмы, без барыбыз да мөһим рольне башкарабыз – җәяү йөрүче ролен. Аның белән безнең сәламәтлегебез, хәтта тормышыбыз да бәйле. Юл-транспорт халәкәтләренең күбесе җәяүлеләрнең юл йөрү кагыйдәләрен каты бозуы белән бәйле. Авариядә гаепле булган җәяүлеләр генә түгел, юл хәрәкәтендә башка катнашучылар да азаплана.

Минем исемем – Суган

Мин Һиндстанда туган.

Мине бик тә мактыйлар,

31 январь көнне район балалар бакчалары тәрбиячеләренең методик берләшмәсе " Иң яхшы мастер - класс" бәйгесе уздырды. Бәйгедә безнең бакчадан Л.Г. Лотфуллина  уңышлы чыгыш ясап мактаулы II  урынга лаек булды. Аны бу җиңүе белән котлыйбыз, тагын да яңа үрләр яулавын телибез. 

Сабирова Р.Р.    

   Урамда карлы, салкын кыш. Кошларга  кар астыннан азык табуы кыен. Без бакчабызда җимлекләр ясап элдек. Җимлекләргә ипи валчыклары, көнбагыш, арпа, бодай  ярмалары, пешкән дөге, туң май кисәкләре салып торабыз. Кошлар безнең ярдәмгә бик мохтаҗ. Без аларга ярдәм итеп, кошларны гына түгел, үзебезнең табигатебезне дә саклыйбыз. Матур итеп сайраулары белән безне алар сөендерәләр. Без рәхәтләнеп кошлар сайравын тыңлыйбыз. Бу эш безгә бик ошады. Кышлаучы кошларны танып әйтә белергә, аларны куркытмыйча күзәтергә өйрәндек.  Үзеңне кем өчендер җаваплы сизү бик зур куаныч. Аларны саклыйк, кайгыртыйк һәм үзебезнең кулдан килгәнчә ярдәм итик.

Мингазова Г.Ә

Актанышта район алдынгыларының традицион слеты булып үтте.

 Әлеге бәйрәмне Мәктәпкә әзерлек төркеме балалары

 да үзләренен матур чыгышлары белән бизәде. 

Закирҗанова Л.Р.:

"Иң яхшы мастер класс" конкурсының бакчакүләм этабы үтте. Барлык педагоглар да бик теләп катнаштылар, эш тәҗрибәсен уртаклаштылар, яңалыкка өйрәттеләр.

Ибрагимова А.Р.

Кәзкәй балалар бакчасында Гумерова З. А. юл йөрү кагыйдәләренә багышлап "Маша- в стране чудес!" темасына  ачык шөгыль күрсәтте.КМО составына кергән тәрбиячеләр үзләренең уңганлыгын, булганлыгын мастер класс аша сынадылар.

Гайнуллина Г.Р.

Бакчабызда мәктәпкә әзерлек төркемендә "Юл йөрү кагыйдәләрен белик!" темасы астында  бик күркәм чара булып узды.Балалар бик актив булдылар, юл йөрү кагыйдәләрен бик төгәл үтәделәр. Кунакка Саетова Рәсимә апа да килде.