Яз җитүгә, җылы яклардан безнең "канатлы дусларыбыз" - кошлар әйләнеп кайталар. Дусларыбыз дип атаганбыз икән, димәк аларны шатланып, якты йөз һәм бүләкләр белән каршы алырга кирәк. Ә туган ягына әйләнеп кайткан кошларга иң яхшы бүләк - үз ояң-нигезең булу. Шушы максатттан мәктәбебездә кош оялары күргәзмәсе оештырылды. Нинди генә сыерчык оялары юк анда! Ә бу ояларга бәя бирү бик авыр булачак, чөнки укучылар төрле материалдан, кызыклы итеп, бик тырышып эшләгәннәр. Алдагы көннәрдә без бу эшнең нәтиҗәсе белән танышырбыз.

      “Сәламәт тәндә сәламәт акыл”, ди халык. Сәламәтлек көне уңаеннан физик тәрбия фәннәре укытучысы Назыров Илгиз Солтан улы 7-9 нчы сыйныф укучылары арасында волейбол ярышы үткәрде. Ярыш бик киеренке, кызу һәм кызыклы барды. Нәтиҗәләр буенча  2:1 белән 9 нчы сыйныф командасы җиңде.

         Бүген мәктәбебездә Сәламәтлек көне кысаларында 5-9 нчы сыйныф укучылары “Сәламәт булыйк” темасына анкета сорауларына җавап бирделәр. Укучылар сорауларга анононим рәвештә җавап яздылар. Нәтиҗәләрдән күренгәнчә, күбесе буш вакытларын актив ял итеп уздыралар, режим сакларга тырышалар. Укучылар кешенең сәламәтлеге күп факторларга бәйле икәнен һәм һәркем үз сәламәтлеге өчен үзе җаваплы булуын аңладылар. Сәламәт булыгыз, спорт белән шөгыльләнегез!

         Анкета сорауларын рус теле һәм әдәбияты укытучысы Назырова Э.А. әзерләде.

        Сегодня прошло очередное мероприятие в честь Дня здоровья «Курение – вред, курению - нет». Ребята прослушали лекцию, смотрели видеоролик и обсудили о вреде курения, в итоге они пришли к выводу, что никотин разрушает все внутренние органы, нарушает кровоснабжение мозга, что снижает уровень памяти и приводит к разрушению нервных клеток. Человек становится раздражительным, злым и плохо учится и работает. В конце классного часа все ребята  пришли к выводу, что курить вредно. Мероприятие провела учитель английского языка Яруллина А.А.

       Сәламәтлек ул - спорт, физкультура белән шөгыльләнү,чыныгу, сәламәт яшәү рәвеше алып бару, һәм, әлбәттә, барысын да җиңеп чыгу өчен белемнәр һәм дуслык.

        Бүген мәктәптә Бөтендөнья сәламәтлек көне уңаеннан чираттагы чара – башлангыч сыйныф укучылары арасында “Күңелле стартлар” уены булды. Укучылар эстафета уеннарында бик теләп көч сынаштылар. Уен барышында балалар арасында дуслык, бердәмлек, игътибарлылык, җитезлек сыйфатлары ныгыды. Чараны физкультура укытучысы Назыров И.С. һәм Миндубаева Р.Х. уздырды.

       Һәр елның апрель башында планетабызның бар халкы  Бөтендөнья сәламәтлек көнен билгеләп үтә. Бу чараны оештыручылар юкка гына апрель аен сайламаганнар, 1948 елның нәкъ менә шушы аенда Бөтендөнья сәламәтлек саклау оешмасы төзелгән. Әлеге оешмага бүгенге көндә 194 дәүләт керә. Ә саләмәтлек көнен билгеләп үтү 1950 елдан матур бер традициягә әйләнгән.   

       Ел саен үткән Бөтендөнья сәламәтлек көненең максаты –  сәламәтлекнең бар нәрсәнең дә нигезе икәнлеген бөтен дөньяга таныту. Дөрестән дә, уңыш та, гаилә дә, хезмәт тә, дан да бары аның белән бәйле. Сәламәтлек көне уңаеннан мәктәптә төрле чаралар үтә. Бүген 1-9 нчы сыйныф укучылары өчен “Сезнең сәламәтлегегез” темасына фильм күрсәтелде. Чараны татар теле һәм әдәбияты укытучысы Зарипова Р.Ә.уздырды.

        Кышкы салкыннардан соң туган ягыбызда яз хөкем итә. Яз – табигатьнең  кышкы йокыдан уяну вакыты. Укучы балалар да язны көтеп алалар.Агачларның бүрткән бөре исләре, җылы язгы күлдәвекләре, чыпчыклар һәм песнәкләрнең күңелле чыркылдавы дөньяга ямь өсти.

         Олы Яке мәктәбендә кошлар бәйрәменә 4-8 нче сыйныф укучылары командалары арасында викторина булды. Алар кошлар тормышы, аларның яшәеше, ничек көн күрүләре турында сорауларга җаваплар бирделәр, кроссвордлар чиштеләр, рәсем ясадылар, кош исемнәре кергән җыр исемнәрен атадылар, кошлар турында буталчык шигырь юлларыннан шигырьләр  чыгардылар.

         Балачакта без барыбыз да рәссамнар идек.  Ә үсә төшкәч, бу кызыксыну югала. Рәсемгә тугры булып бары сәләтле кешеләр генә кала. Безнең мәктәптә дә бу сәнгать төренә һәвәс укучылар бар. Алар төрле бәйгеләрдә катнашып, сәләтләрен күрсәтәләр. Менә шуларның берсе – 6 нчы сыйныф укучысы Гайнуллина Зәринә. Мәктәп дивары бүген Зәринәнең картиналар галереясен үти.

Рәсемнәр күргәзмәсе