7 ноября - начало второй четверти, самой короткой в учебном году. Надеемся все хорошо отдохнули и готовы к новым учебным вершинам!

          Татарстан Конституциясе – республикабызның Төп Законы. Ул республикабызда  яшәүче күпмилләтле халык ихтыярын чагылдыра. Конституция 1992 нче елның 6 нчы ноябрендә кабул ителде. 6 ноябрь – яңа тарихта чын мәгънәсендә дәүләтчелекне торгызуда әһәмиятле вакыйгага әверелгән иң истәлекле көннәрнең берсе.

             Каникул булуга карамастан, 9 нчы класс укучылары график буенча консультацияләргә йөриләр. Укытучылар һәр укучы белән эшли. Буген математикадан консультация узды.  

                 Сегодня в школах Зеленодольска прошли обучающие семинары для педагогов "Психолого-возрастные особенности развития обучающихся". Учителя были объединены в рабочие группы: младший школьный возраст, средний возраст, старший школьный возраст (ранняя юность). На семинарах выступили педагоги-психологи, совместно с педагогами были рассмотрены вопросы по психолого-педагогическим особенностям школьников по возрастной периодизации и психологические особенности обучающихся. Педагогам даны рекомендации по педагогической работе. 

        Бүген Олы Яке мәктәбендә ата-аналар җыелышы булды. Ата-аналар алдында Зеленодольск муниципаль районы Башкарма комитеты җитәкчесе урынбасары Гарипов Альберт Шамилевич һәм мәгариф идарәсе  информацион-методик бүлеге методисты Җаббаров Ирек Вазыхович, Олы Яке авыл җирлеге рәисе Фәйзуллина Фирая Габделбариевна чыгыш ясады. Мәктәп директоры Гатауллина Мәдинә Исмәгыйль кызы публика отчеты белән чыгыш ясады. Ул узган уку елы нәтиҗәләре, мәктәпнең эшчәнлеге белән таныштырды. Агымдагы уку елына бурычлар куйды. 

             Көтеп алынган уку елының беренче чиреге тәмам. Чирек нәтиҗәләренә классларда анализ ясалды, билгеләр аңлатылды. Балалар катнашында юл-транспорт фаҗигаләрен киметү, алар тарафыннан юл йөрү кагыйдәләрен бозуны кисәтү, юл хәрәкәте иминлеген тәэмин итү максатыннан һәр сыйныфта профилактик чара үткәрелде. Куркынычсызлык кагыйдәләре буенча инструктаж үткәрелде: янгын һәм электр куркынычсызлыгы, гадәттән тыш хәлләр вакытында үз-үзеңне тоту, негатив ситуацияләр вакытында, урамда, җәмәгать урыннарында үз –үзеңне тоту буенча, кич йөрүләр, кичен, караңгы төшкәч, яктылык кайтаргычлар куллану турында сөйләшүләр үтте, укучылардан кул куйдырылып, каникулга озатылды. Каникул күңелле һәм файдалы үтсен!

         Кеше күңелендә мәңге җуелмас шатлыклар, онытылмас истәлекләр нәкъ менә мәктәп елларында салына. Гаҗәеп күңелле, онытылмас еллар. Беренче кыңгырау, беренче дәрес, беренче укытучы....

         Бүген Олы Яке мәктәбендә юбилей кичәсе гөрләде. Мәктәбебезнең ишекләре ачылуга 85 ел . Бу очрашуга бу мәктәптә хезмәт куеп киткән укытучылар, лаеклы ялда булган хезмәткәрләр, Олы Яке мәктәбендә белем алган, хәзерге вакытта төрле җирләрдә гомер итүче, төрле өлкәләрдә зур дәрәҗәләргә ирешкән чыгарылыш укучылары, кунаклар җыелган иде. Кичә кыңгырау тавышы белән башланып китте, ул һәркемнең күңелендә мәктәп елларын искә төшерде. Бәйрәм концерт номерлары белән үрелеп барды. Килгән кунакларның һәрберсенә сүз бирелде. Бу мәктәптә төрле елларда эшләп киткән хезмәткәрләр Олы Яке мәктәбенә ничек килеп урнашу тарихларын, нинди вазыйфа башкаруларын сөйләделәр, мәктәпкә үзләре исеменнән бүләкләр тапшырдылар. Аларның әйтәсе сүзләре, теләкләре күп җыелган иде. Ә чыгарылыш укучылары беренче укытучылары, класс җитәкчеләре, үзләре укыган вакытта уздырылган кызыклы чаралар, вакыйгалар турында сөйләделәр, мәктәп укучыларына киңәшләрен бирделәр. Хәзерге вакытта безнең арада булмаган, фидакар хезмәт күрсәткән укытучыларны да онытмадылар. Бу эчтәлекле матур кичә, беркемне дә битараф калдырмады.

         Талантка чикләр юк. Элек-электән һәр милләт үзенең кул эшләренә оста, киң кырлы иҗат кешеләре белән горурланган. Безнең мәктәбебездә дә бар андыйлар. Мәктәбебезнең элекке директоры Рифхат Мавлитович мәктәпнең юбилеена үз куллары белән ясаган унбиш урындык бүләк итте. Урындыклар актлар залында үз урыннарын алдылар. Бүләгегез өчен зур рәхмәт, Рифхат Мавлитович.