1 декабрьдән алып 9 декабрьгә кадәр Инвалидлар ункөнлеге итеп билгеләнгән иде. Шул уңайдан, Олы Яке төп мәктәбендә бүген 1-9 нчы сыйныфларда “Күңел җылыңны бүләк ит”, “Без бергә”, “Мәрхәмәтлелек”, “Мин тормышны яратам” темаларына сыйныф сәгатьләре үткәрелде. Укучылар инвалидлыкка дучар булган кешеләр ничек тормышта үз урыннарын табып яшәүләре, дөрес яшәү турында тәрбия алдылар.  

           Бүген инглиз теле атналыгы кысаларында башлангыч сыйныф укучылары өчен "Иң яхшы тәрҗемәче" исемле кызыклы конкурс уздырылды. Укучылар рәсемнәр буенча инглиз телендә җөмләләр төзеделәр, карточкаларда бирелгән җөмләләрне тәрҗемә иттеләр. Конкурс укучыларга аеруча ошады, чөнки монда алар үзләренең осталыкларын һәм белемнәрен күрсәттеләр.

            9 нчы декабрь – Халыкара коррупциягә каршы көрәш көне буларак билгеләп үтелә. Бу көндә дөньяның күп илләрендә очрашулар, конференцияләр, семинарлар һәм башка чаралар уза. Безнең Олы Яке мәктәбендә  дә Халыкара коррупциягә каршы көрәш ункөнлеге кысаларында китапханәче Назырова Л.И. китап күргәзмәсе оештырды.  

           Үткән атнада физика, математика һәм информатика атналыгы булды, бүген иртәнге линейкада аңа йомгак ясалды. Җиңүче укучылар, иң актив катнашкан сыйныфлар мәктәп администрациясе тарафыннан грамоталар белән бүләкләнде. Нәтиҗәләрдән күренгәнчә, атналык бик мавыктыргыч һәм истә калырлык булды.

          3 нче декабрьдән 8 нче декабрьгә кадәр мәктәптә инглиз теле атналыгы үтәчәк. Бүген иртәнге линейкада инглиз теле укытучысы Яруллина А.А. атналыкта уздырылачак чаралар тәртибе белән таныштырды. Атна дәвамында һәр сыйныф төрле чараларда катнашачак. Ә  атналыкны укучылар инглиз телендә иң еш кулланыла торган “исәнмесез”, “сау булыгыз” кебек сүзләр кергән кергән җыр белән ачтылар.

              Сегодня была проведена беседа и показан видео-урок на тему: «Английский язык в мире» среди учащихся 5-9 классов. Все классы с радостью и активно участвовали в нём. В данной теме обсуждались главные вопросы и проблемы изучения английского языка. Дана справка о том, в каких странах говорят на английском языке, сколько человек изучает английский язык в мире.

             Физика, математика һәм информатика атналыгында укучылар тәнәфесләрдә математик ребуслар, кроссвордлар чиәтеләр. Ә иң актив укучылар дүшәмбе көнне ирәнге линейкада билгеле булачак.

          Дөнья җәмәгатьчелеге 1 нче декабрьне Бөтендөнья СПИДка каршы көрәш көне буларак билгеләп үтә. Ул беренче тапкыр 1988 нче елның 1 нче декабрендә, барлык илләрнең сәламәтлек саклау министрлары очрашуында ВИЧ/СПИД буенча мәгълүмат алмашуны киңәйтүгә өндәмә булгач, билгеләп үтелә.  Бөтендонья СПИДка каршы көрәш көне уңаеннан Олы Яке мәктәбендә 5-9 нчы сыйныфларда  “Сак бул - СПИД!!!”, “СПИД - гасыр афәте” , “Тайгак юлдан атлама!” исеме астында класс сәгатьләре узды. 

             Бүген физика, математика, информатика атналыгы кысаларында 7-9 нчы сйныф укчылары өчен «Яшь физиклар клубы” уены узды.  Укучылар үзләренең тирән белемле булуларын тагын бер кат расладылар.

              Бүген Яшел Үзән шәһәрендә мәктәп укучылары арасында гомуми физик әзерлек буенча ярышлар булып узды. Бәйгедә физик тәрбия укытучысы Назыров И.С. җитәкчелегендә мәктәбебез укучылары  көч сынашты.  Программага урыннан ераклыкка сикерү, йөгерү, идәннән күтәрелү, акробатик элементлар кертелгән иде.   Аларга уңышлар телибез! Яхшы нәтиҗәләр көтәбез.