Сәламәт яшәү рәвеше хәзер модада. Безнең мәктәптә дә бу юнәлештә эш алып барыла. Укучылар мәктәп һәм районкүләм оештырылган бәйгеләрдә актив катнашып киләләр, спорт яңалыклары белән танышып баралар.

         Республикада инде танылып өлгергән “Яшел фитнес” социаль-спорт юнәлеше безнең мәктәпкә дә килеп җитте. Чара мәктәпнең спорт залында үтте. Кәефне күтәрүче, бөтен мускулларны эшләргә мәҗбүр итүче организмның физик торышын яхшыртучы бию күнегүләрен һәр укучы рәхәтләнеп башкарды. 

             Урамда кар бик булмаса да, тирә-як утларга күмелгән. Аларның һәрберсе Яңа елны күңелгә якынайталар шикелле. Мәктәбебезнең тышы да матур-матур бизәкләргә күмелгән. Төрле төстәге утлар, гирляндалар мәктәпкә кышкы ямь бирәләр. Эчке күренеше дә бик тә гүзәл. Һәр сыйныф эчтәлекле плакатлар, стендлар ясады, мәктәп яңа ел стилендә бизәлде. Барыбыз да, зарыгып, бәйрәм кичен көтәбез. Тиздән биредә Яңа ел бәйрәме үткәреләчәк.

           Сегодня во всех классах нашей школы прошли «Уроки доброты»: «Научи свое сердце добру», «Волшебная сила доброго слова», «Размышление о доброте», «Солнце – добро жизни», «Бумеранг добра».

           Во время уроков дети вместе с учителями слушали притчи, песни – притчи, готовили презентации, выполняли творческие работы. Но главное – думали, размышляли о том, что доброту можно дарить по разному, говорили о добрых словах и мыслях, вспоминали пословицы и поговорки со словом ”Доброта”. Результатом урока стало то, что дети снова пришли к выводу, что совершать добрые поступки важно, что нужно начинать с себя, что, если делать добро, оно обязательно к тебе вернётся.

            Мәктәбебездә укучылар өчен “Иң яхшы Яңа ел уенчыгы” исемле бәйге игълан ителде. Әлеге бәйге укучыларның эстетик культурасын, талантлы һәм иҗади сәләткә  ия булган балаларны ачыклау өчен үткәрелә. 1-9 нчы сыйныф укучылары иҗади активлык һәм фантазияләрен күрсәттеләр. Ниләр генә юк монда: Яңа ел сәгате, Яңа ел чыршысы, кар бабай һәм кыш бабай дисеңме. Бәйгедә җиңүчеләр сувенирлар белән бүләкләнәчәкләр. Укучыларыбызның эшләре жюри тарафыннан югары бәяләнер дип уйлыйбыз, чөнки  алар бөтенесе дә пөхтә, оригинал, фантазия  һәм мәхәббәт белән эшләнгән.

             Яңа ел алды көннәрендә мәктәп ишегаллары кар сыннары белән бизәлә. Яраткан бәйрәмнең төп кунакларын - Кыш бабай, Кар кызын гына түгел, башка әкият геройларын да ясыйлар балалар. Иң мөһиме - кар күп булсын да теләк булсын, ә фантазияләренә чикләр юк.

            Шушы көннәрдә Олы Яке мәктәбе ишегалдында күз явын алырлык кар сыннары пәйда булды. Укучылар ел саен ишегалдына, кабатланмаска тырышып, төрле сыннар ясый. Кар сыннары ясаудан тыш, мәктәп каршында матур итеп чыршы бизәп куелды. Хәзер инде балаларга, укуның беренче ярты еллыгын яхшы билгеләргә тәмамлап, Яңа ел бәйрәмен көтәсе генә кала.

          Бүген Казан театр көллияте студентлары мәктәбебезнең кунаклары булды.  Алар укучылар өчен ”Хуш киләсең, Кыш бабай” исемле бәйрәм тамашасы күрсәттеләр. Бәйрәмдә балаларны Кар кызы, Кыш бабай һәм төрле әкият геройлары каршы алды. Алар бергә чыршы тирәсендә әйлән-бәйлән уйнадылар, төрле конкурсларда катнаштылар. Балалар Кыш бабайга шигырьләр сөйләделәр, җырлар һәм биюләр башкардылар. Кыш бабай да сынатмады – ул төрле кызык сүзләр әйтеп, бүләк өләшеп йөрде. Тамаша укучыларга бик ошады, аларның шатлыклары чиксез иде.

17 нче декабрьдән 1 нче яртыеллыкны төгәлләп, йомгаклау контроль эшләре башланды.  График буенча бу атнада рус теленнән, инглиз теленнән һәм математикадан контроль эшләр уздырылырга тиеш.  Уңышлар телибез!

           Бүген укучылар татар әдәбиятыннан муниципаль тур олимпиадада үз белемнәрен сыныйлар.
 

              Бүген Олы Яке мәктәбендә ата-аналар җыелышы булды. Җыелышка 9 нчы сыйныф укучыларының ата-аналары чакырылды. Төп тема имтиханнарга әзерлек мәсьәләсе булды. Анда мәҗбүри һәм сайлап алу имтиханнарын тапшырганда кирәкле әсбаплар, имтихан нинди өлешләрдән тора, аның кыенлыклары һәм башка үзенчәлекләре турында фән укытучылары тәфсилләп сөйләде. Сыйныф җитәкчесе имтиханнарга әзерләнү буенча әти-әниләргә киңәшләрен бирде, тормыштагы максатлар, вакытны файдалы үткәрү турында сөйләде. Шулай ук яктылык кайтаручы беләзекләр булдыру, юл йөрү һәм интернет куркынычсызлыгы кагыйдәләре, яшүсмерләрнең үсеш үзечәлекләре  турында сүз барды.

         Фән олимпиадаларының муниципаль  туры дәвам итә. Бүген туган (татар) телдән олимпидада мәктәбебез укучылары үз белемнәрен сыныйлар. Укучыларга уңышлар телибез.