Математика атналыгы кысаларында "Эколого-математик брейн-ринг" дип исемләнгән кичә булып узды. Әлеге ярышта 7-9 класс укучылары катнашты. Сораулар бик тә кызыклы итеп тзелгән иде. Алар үз эченә математикага карата исәпләүләрне дә, шул ук вакытта экологияга кагылышлы мәсьәләләрне дә алган иде.

  Физика- математика атналыгы кысаларында математика укытучысы Замалиева А.Г. 5-10 класс укучылары өчен "Бөек математиклар" дип исемләнгән кичә уздырды. Укучылар математика фәне үсешенә зур өлеш керткән галимнәр белән таныштылар.

   Бу атнада 9 класс укучыларында мәҗбүри фәннәрдән сынап карау имтиханнары булып узачак. Математика фәненнән ул бүген узды. Мәктәпнең 8 укучысы Норлат мәктәбенә төшеп,  имтиханнарның ничек һәм кайда узачакларын, аның нечкәлекләренә, үзенчәлекләренә төшенеп кайттылар. Һәр хәлдә чын имтиханнарны тапшырганда аларга инде җиңелрәк булачак!

    Ачасыр мәктәбе укучылары бер дә тик ятмый, төрледән төрле конкурс, бәйгеләрдә катнашып кына торалар. Бүгенгесе гомуми линейкада чираттагы шундый укучыларны тәбрикләп киттеләр. Башлангыч класслар укытучысы Замалиева Фәридә Гапделбариевнаның укучылары дистанцион рәвештә математикадан Бөтенроссия олимпиадасында катнашканнар иде. Әнә шул укучыларның нәтиҗәләре белән килгән  дипломнарын мәктәп директоры Максумов М.М. тапшырды. Әйтергә кирәк,  укучыларның күрсәткечләре шактый югары. Котлыйбыз!!!

    1 апрель - Көлке көне генә түгел, ә Бөтендөнья Кошлар көне буларак та билгеләп үтелә. Әлеге датага бәйле рәвештә мәктәпләрдә төрледән төрле чарлар оештырыла. Безнең мәктәп укучылары да әлеге эштән читтә калмыйча Кошлар көнен билгеләп узды. 5-6 класс укучылары катнашында уен-бәйге оештырылды. Төрле иҗади һәм гыйльми биремнәрне үз эченә алган чарада "Карлыгачлар" һәм "Бөркетләр" командалары көч сынашты. Бер генә балл өстенлек белән "Карлыгачлар" командасы җиңеп чыкты. Кичәне биология укытучысы Шакиров Р.Ф. оештырды.

    Бүген мәктәп коллективының һәр хезмәткәрен үз канаты астына алган мәктәп профсоюз оешмасының җыелышы булып узды. Мәктәп директоры Максумов М.М. һәм профсоюз оешмасы рәисе Гафиятуллина Ә.Г. яңа коллектив килешүе турында сөйләделәр, яңа өстәмәләр белән таныштырдылар.

   Вакыт, аккан сулар кебек, уза да китә... Менә уку елының соңгы, дүртенче, чирегенә дә аяк бастык. Иң җаваплы, тыгыз уку чиреге. Барлык укучыларга укуларында уңышлар, чыгарылыш класс укучыларына имтиханнарга әзерлектә җиңеллек һәм үҗәтлек, укытучыларга сабырлык һәм тырыш укучылар телибез!

    Бүген, Норлат мәктәбе базасында, чыгарылыш класс укучыларының рус теленнән БДИ форматында сынап карау имтиханы узды. Укучылар өчен тагын ике айдан булачак сынауларга зәерлекләрен тикшереп карарга менә дигән форсат инде бу! Уңышлар сезгә! 

    Яшел Үзән шәһәрендә узган троеборье буенча район беренчелегендә мәктәп командасы беренче урынга лаек булды. Ярышларда катнашып югары күрсәткечләргә ирешкән 10 класс егетләре Яруллин Нияз, Гайнуллин Ниязны һәм кызларыбыз Гайнуллина Илүзә (11 класс), Гайнетдинова Энҗене  (8 класс) чын күңелебездән тәбрик итәбез. Укытучылары Шайхуллин Рафаэль Гарәфетдинович. Афәрин, дуслар!

    Учащиеся 11 го класса приняли участие в пробном ЕГЭ по математике. В ППЭ №3007, который расположен в Нурлатской СОШ собрались выпускники 5 школ района и проверили свои знания по математике.