Безнең мәктәп егетләренә дә бәхет елмайды. Үзе дә күп тапкырлар көрәш батыры булган, дзюдо, самбо буенча спорт мастеры һәм башка тагын бик күп титуллары булган авылдашыбыз Хайруллин Гомәр абый мәктәп егетләре өчен көрәш түгәрәге ачып җибәрде. Атнага берничә үткәрелә торган бу түгәрәктә егетләр төрле күнегүләр эшлиләр, көрәш алымнарына өйрәнәләр. Гомәр абый моның өчен маталар, герләр, кыскасы кирәкле булган бөтен җиһазларны кайтартты. Әле башлангыч класс кызлары өчен дзюдо түгәрәге дә эшли. Гомәр абыйга үзебезнең зур рәхмәтебезне әйтеп, бу башлангыч дәвамлы гына булсын иде дип телисе кала.

     Бу фотоны күреп, җәмәгать, аптырамагыз! Кышкы фото түгел, бүген төшкән, без дә әле кар!

   В нашей школе 18 человек изъявили желание проверить свою грамотность. Среди них были и учителя, и родители, и учащиеся. Они писали диктант на татарском языке.

   12 апрель - Россиядә Космонавтика көне буларак билгеләп үтелә. Мәктәбебез директоры, физика укытучысы Максумов Марс Маликович 5-11 класс укучылары өчен Гагарин дәресе үткәрде. Укучылар әлеге бөек космонавтның илебез тарихына керткән зур өлеше турында мәгълүмат алдылар, Гагарин турында видеофильм карадылар. Әлеге темага класс сәгатьләре башлангыч классларда да узды. Аларны укытучылары Замалиева Ф.Г. һәм Шигабутдинова Г.Ф. үткәрде.

   Быел Татарстанда һәм Россиядә Мәдәният елы дип игълан ителде. Республикабыз шәһәрләрендә тантаналы төстә әлеге ел ачылышлары уза. Бүген безнең мәктәптә дә тантаналы төстә Мәдәният елына старт бирелде. Шушы уңайдан үзешчән сәнгать смотры узды. Мәктәпнең һәр классы смотрга төрле номинацияләрдә чыгышлар әзерләде.

   Математика атналыгы кысаларында "Эколого-математик брейн-ринг" дип исемләнгән кичә булып узды. Әлеге ярышта 7-9 класс укучылары катнашты. Сораулар бик тә кызыклы итеп тзелгән иде. Алар үз эченә математикага карата исәпләүләрне дә, шул ук вакытта экологияга кагылышлы мәсьәләләрне дә алган иде.

  Физика- математика атналыгы кысаларында математика укытучысы Замалиева А.Г. 5-10 класс укучылары өчен "Бөек математиклар" дип исемләнгән кичә уздырды. Укучылар математика фәне үсешенә зур өлеш керткән галимнәр белән таныштылар.

   Бу атнада 9 класс укучыларында мәҗбүри фәннәрдән сынап карау имтиханнары булып узачак. Математика фәненнән ул бүген узды. Мәктәпнең 8 укучысы Норлат мәктәбенә төшеп,  имтиханнарның ничек һәм кайда узачакларын, аның нечкәлекләренә, үзенчәлекләренә төшенеп кайттылар. Һәр хәлдә чын имтиханнарны тапшырганда аларга инде җиңелрәк булачак!

    Ачасыр мәктәбе укучылары бер дә тик ятмый, төрледән төрле конкурс, бәйгеләрдә катнашып кына торалар. Бүгенгесе гомуми линейкада чираттагы шундый укучыларны тәбрикләп киттеләр. Башлангыч класслар укытучысы Замалиева Фәридә Гапделбариевнаның укучылары дистанцион рәвештә математикадан Бөтенроссия олимпиадасында катнашканнар иде. Әнә шул укучыларның нәтиҗәләре белән килгән  дипломнарын мәктәп директоры Максумов М.М. тапшырды. Әйтергә кирәк,  укучыларның күрсәткечләре шактый югары. Котлыйбыз!!!

    1 апрель - Көлке көне генә түгел, ә Бөтендөнья Кошлар көне буларак та билгеләп үтелә. Әлеге датага бәйле рәвештә мәктәпләрдә төрледән төрле чарлар оештырыла. Безнең мәктәп укучылары да әлеге эштән читтә калмыйча Кошлар көнен билгеләп узды. 5-6 класс укучылары катнашында уен-бәйге оештырылды. Төрле иҗади һәм гыйльми биремнәрне үз эченә алган чарада "Карлыгачлар" һәм "Бөркетләр" командалары көч сынашты. Бер генә балл өстенлек белән "Карлыгачлар" командасы җиңеп чыкты. Кичәне биология укытучысы Шакиров Р.Ф. оештырды.