Мәктәпнең җиләк-җимеш бакчасында быел өелеп алма үсте. Бүгенгесе көндә укучылар әлеге уңышны җыю белән мәшгульләр. Кайсы ашханәгә, кайсы саклауга, кайсы кайнатырга. Гомумән алганда урнаштырып кына өлгер!

Бүген мәктәбебезгә бер төркем алман кешеләре килеп төште. Авыл музеен караганнан соң, аларның бик тә авыл мәктәбе белән танышасылары килгән. Мәктәптә алман теле укытылу да аларга  кызык булган. Шуңа да алар мәктәптә алман теле кабинетын аеруча нык ошаттылар. Алман теле укытучысы Гобәйдуллина Р.А. белән рәхәтләнеп алман телендә аралаштылар, балалар белән җырладылар. Кыскасы, алар мәктәбебезне шулкадәр ошаттылар ки, хәтта аларның китәселәре дә килми иде. Укучылар өчен дә үзләре укый торган чит телдә сөйләшү, аралашу кызык булды. Белемнәрне практикада куллану өчен менә дигән мөмкинлек иде. Китәр алдыннан алар безгә үзләренең иң матур хисләрен, ягымлы карашларын калдырып киттеләр. Тагын киләселәрен дә искәрттеләр.

  Сегодня в школе провели открытый классный час посвященное Дню финансовой грамотности. На урок была приглашена главный бухгалтер, экономист сельского поселения Гизатуллина Сюмбель Абдулловна. Гость рассказала о бюджете, о расходавании денег, как экономить и о многом другом. Встреча со специалистом прошла очень интересно и получилось полезной для всех присутствующих.

1 класстан алып 11 класс укучыларын кертеп мәктәптә ГТО нормалары буенча класс сәгатьләре булып узды. Билгеле булганча быелгы яңа уку елыннан һәр укучы физик әзерлеге буенча билгеле бер төрдәге спорт нормаларын тапшырырга тиеш булачаклар. Нәкъ шулар турында укытучыларыбыз Шайхуллин Р.Г. һәм Замалиева Ф.Г. чыгыш ясады. Нормаларны үтәгән укучылар бронза, көмеш һәм алтын значоклар ала алачак.

   1 сентябрь - Белем көне. Илебезнең һәр уку йортында бәйрәм чаралары булып узды. Мәктәп бусагасын быелгысы елда 7 укучы атлап керде. Авылдашыбыз Әнвәр Миңнуллин аларга үзенең бүләкләрен дә әзерләгән иде. Бәйрәмдә чыгыш ясаган мәктәп директоры, җирле үзидарә рәисе, район администрациясе вәкиле укучыларга һәм укытучыларга уңышлар теләделәр.

Бүген - 1 сентябрь. Барлык укучыларны, укытучыларны, әти-әниләрне шушы бәйрәм белән чын күңелебездән котлыйбыз. Бу уку елы бары шатлык-куанычлар, югары күрсәткечләр алып килсен иде. Тынычлык белән уку елы ахырына һәрберебезгә дә барып җитәргә насыйп булсын. 

 28 август көнне район һәм шәһәр укытучылары Яшел Үзәнгә чираттагы август киңәшмәсенә җыйналды. Былгысы Музыкаль театр бинасы һәм аның каршындагы мәйданда узды. Гадәттәгечә безнең мәктәп анда авыл хуҗалыгы продукциясе күргәзмәсе белән катнашты. Җәй буе үстерелгән яшелчә һәм җиләк-җимеш килгән кунаклар һәм катнашучылар хозурына куелды. Киңәшмәгә килгән Мәгариф министры Э.Фәттахов та безнең күргәзмә яныннан тиз генә узып китә алмады, безнең эшчәнлек белән кызыксынды, сорауларын бирде һәм алга таба да уңышлар теләде. Соңыннан алып килгән продукция шәһәр халкына тәкъдим ителде, сатылды.

   Быел мәктәп бусагасын атлап беренче сыйныфка 7 укучы киләчәк. Җомга көнне Танай мәктәбендә "Мәктәпкә әзерләнергә булыш!" акциясе кысаларында беренче сыныф укучыларына портфельләр тапшырдылар. Әлеге чарада 45 бала катнашты, шул исәптән безнең 7 укучыбыз да. Чара тантаналы төстә узды, Танай мәктәбе коллективы күңелле генә программа әзерләгән иде. Сорау-уеннар урысча булса да укучылар актив булдылар. Әлеге укучыларга әзерләгән бүләкләр өчен ата-аналар Хәйруллин фондына зур рәхмәтен җиткерә!

   Мәктәп коллективы җәйге ялдан эшкә чыкты. Киләсе атнада мәктәпләрне яңа уку елына әзерлеген тикшерүче комиссия килгәнче мәктәпнең эчке һәм тышкы территориясен чистартып, әзерләп, кабинетларны карап куясы бар. Шунлыктан мәктәпләрдә кызу эш өсте. Ел да мәктәбебез әзерлек буенча призлы урыннар ала иде, быел да сынатмабыз дип уйлыйбыз!

   Каникуллар булуга карамастан мәктәптә бишенче хезмәт чиреге бара.  Бакчабызда бик күптөрле җиләк-җимеш, яшелчә үстерелә, укучылар аларны үстерүдә, вакытында чүбен утап, су сибү эшендә актив катнашлар. Һәр классның үз тәҗрибә бүлекләре , чәчәклекләре бар. Аларны да карап үстерү, башкару укучыларның төп бурычлары  булып тора. Һава торышы да уңайлы торса мул уңыш алырбыз дип өметләнеп торабыз!