Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Ватанны саклаучылар көне” дигән темага фикер алыштылар.

Гимназиябездә традицияләр бик күп. Менә инде күп еллар гимназия радиосы эшләп килә. Һәр атна дүшәмбе төрле сыйныф укучылары безне үткән атна яңалыклары һәм киләсе атнада булачак чаралар, истәлекле көннәр һәм сыйныфлар рейтингы белән таныштыралар.

Бу атнада гимназия радиосында 6 нчы сыйныф укучылары чыгыш ясадылар.

Бүген 2 нче сыйныфларда “Булачак һөнәрем турында хыялларым” темасына, гимназия психологы катнашында, сыйныф сәгате узды. Укучылар һөнәрләр, кызыксынулар, аларың уңай һәм тискәре яклары, хыяллар турында фикер алыштылар.

Һөнәр - ул кеше хезмәте һәм эшчәнлегенең төп төре.

Һөнәр сайлау – кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Гомерлек юлны сайлау бик авыр. Бу хакта 14-15 яшьтән үк уйлана башларга кирәк. Тора-бара яңа теләк-хыяллар барлыкка килергә мөмкин.

Гимназиябездә дә һөнәрләр темасы белән бәйле төрле чаралар, бәйгеләр үткәрелә.

Бүген 5-11 нче сыйныф укучылары арасында “Һөнәрләр дөньясында” бәйгесе үткәрелде. Газеталардан күргәзмә дә эшләнде.

Иҗат ул – тылсым! Иҗади сәләт һәр кешедә дә бар. Бары тик аны үстерергә генә кирәк.

Шул максатны күздә тотып, гимназиябездә татар телендә шигырь һәм җыр бәйгесе үткәрелде. Һәр сыйныф жюри игътибарына матур сәхнә номерлары тәкъдим итте.

Бүген 8 нче  сыйныф укучылары “Россия – минем тарихым” мультимедиа тарихи паркында экскурсиядә булып кайттылар. Бу парк Россия тарихы буенча "тере дәреслек" булып тора. Ул дөньяда борынгы заманнардан безнең көннәргә кадәр илебез тарихын чагылдырган бердәнбер мультимедиа комплексы. Әлеге экскурсия укучыларыбызга илебез тарихы турында белемнәрен тагын да ныгытырга ярдәм итте.

Бүген 7 нче сыйныф укучылары Халыклар дуслыгы йортында үткәрелгән “Дуслык һәм килешү дәресендә” катнаштылар.

Укучылар сорауларга җавап биреп, кызыклы биремнәр башкардылар.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Дөньяда Россиянең роле” дигән темага фикер алыштылар.

Бүген гимназиядә опера җырчысы Ф. Шаляпинга багышланган радиоэфир узды. Алып баручылар озын тәнәфесләрдә җырчының тормыш юлы һәм иҗаты турында сөйләделәр. Радио тыңлаучыларга аның башкаруында җырлар тәкъдим ителде.

Бүген гимназиядә опера җырчысы Ф. Шаляпинга багышланган радиоэфир узды. Алып баручылар озын тәнәфесләрдә җырчының тормыш юлы һәм иҗаты турында сөйләделәр. Радио тыңлаучыларга аның башкаруында җырлар тәкъдим ителде.