Һәр җәй гимназиядә лагерь эшләп килә. Башлангыч һәм урта сыйныф укучылары бик теләп лагерьга йөриләр. Вакытларын файдалы һәм кызыклы үткәрәләр, төрле чаралар оештыралар. Бүген алар үзләренең почмакларын булдырдылар, стена газетасын эшләделәр. 

Бүген гимназиядә Сәламәтлек көне үткәрелде. Сыйныфлар үзара футбол, волейбол, баскетбол буенча көч сынаштылар. Күңелле старт уеннарында катнаштылар.
Сәламәтлек – иң зур байлыгыбыз. Бүгенге көн чын мәгънәсендә сәламәтлек бәйрәме булды. Укучылар укытучылар белән берлектә саф һавада күңел ачтылар. 

Соңгы кыңгырау ул - урта мәктәпне тәмамлап, зур тормышка, олы дөньяга юл алган укучыларга алдагы көннәрнең гаҗәеп матур да, тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы да.
Бүген гимназиядә искиткеч матур, күркәм, җылы соңгы кыңгырау бәйрәме узды. 11 нче сыйныф укучылары соңгы тапкыр гимназия диварларында чыгыш ясадылар. Алар күңел түрләрендә йөрткән рәхмәт сүзләрен җиткерделәр. Һәр номердан наз, җылылык, хөрмәт хисләре бөркелеп торды.
Хәерле юл, укучылар! Хәерле сәгатьтә!

4 нче сыйныф ул – башлангыч мәктәпнең йомгаклау этабы. Аннан соң укучылар тагын да күбрәк, тирәнрәк белемнәр алу өчен урта звенога аяк басалар.
Бүген гимназиядә 4 нче сыйныфларның башлангыч мәктәп белән хушлашу бәйрәме узды. Укучылар иң матур җырларын җырладылар, иң дәртле биюләрен тәкъдим иттеләр. 

Бүген, 22 нче апрель көнне, 8 нче сыйныф укучылары WorldSkils эшче һөнәрләр чемпионаты кысаларында узучы, ЭКСПО дагы күргәзмәдә булып кайттылар. Чемпионат өчен махсус төзелүче әлеге зур бинаны күрү бәхетенә ирештеләр. Укучыларга әлеге чара бик ошады. 

Гимназиядә ата-аналар җыелышлары узды. 2018-2019 нчы уку елына нәтиҗәләр ясалды, киләсе елга планнар билгеләнде. Укытучылар әти-әниләр белән берлектә, уку елы барышында килеп туган прблемалардан чыгу юллары эзләделәр. 

Бүген башлангыч сыйныф укучылары арасында “Конституция балалар күзе белән” рәсем бәйгесе үткәрелде. Укучылар берсеннән-берсе матур рәсемнәр ясадылар, конституция турында фикерләрен белдерделәр. 

Һәр ел, яз һәм көз айларында, хәйрия ярминкәләре оештырыла. Быел да, 18 нче май көнне, гимназия алдында бик матур ярминкә оештырылды. Укучылар өйләреннән ярминкәдә сату өчен кирәкле әйберләрне алып килделәр, сату-алу эшен башкардылар. Үзеннән өлеш кертергә теләгән һәркем бу чарада актив катнашты. 

Бүген “Кожаный мяч”футбол турнирының чираттагы уеннары узды. Гимназиябезнең югары сыйныф егетләре 51 нче мәктәп белән булган уенда 2:1 исәбе белән җиңү яулап, финалга үттеләр. Ә 39 нчы мәктәп белән булган уенда оттырып, 2 нче урынны яуладылар. 

Бүген 6 нчы В сыйныфы укучылары В.И. Ленин музеенда экскурсиядә булып кайттылар. Совет чоры һәм әлеге шәхес белән якыннан таныштылар, Казан белән бәйле мәгълүматларны белделәр.