Бүген, 20 нче март көнне, “Илһам” Бөтенроссия яшь язучылар бәйгесенең икенче этабы узды. Әлеге бәйгедә язучылык таланты булган укучылар катнаша.
Чарада безнең гимназиянең 7 укучысы катнашты. Алар поэзия, проза номинацияләренә караган эшләр тәкъдим иттеләр. 

Һәр уку елы укучылар өчен оештырылган спорт турнирларына бик бай. Районда күптән түгел футбол буенча ярышлар үткәрелсә, бүгенге көндә волейбол уены буенча турнирлар оештырыла. Укучы кызларыбыз 13 нче мәктәп укучыларына каршы көч сынаштылар. Исәп: 2:1.
Алдагы уеннарда укучыларыбызга уңышлар телибез!

Яз айларында ел да “Илебездә, телебездә, күңелләрдә Г. Тукай мәңгелек” дип исемләнгән яшь шагыйрьләр һәм шигырь укучылар бәйгесе үткәрелә. Укучылар төрле яшь категорияләрендә һәм номинацияләрендә көч сынашалар.
Әлеге бәйгедә безнең укучыларыбыз да катнашты. 4 нче һәм 7 нче сыйныф укучылары Г. Тукайның “Кәҗә белән сарык” һәм “Бичара куян” әсәрләрен сәхнәләштерделәр. 5 нче сыйныф укучысы Габдрахманова А. “Яңгыр илә Кояш” шигырен жюри игътибарына тәкъдим итте. Ә 2 нче сыйныф укучылары Хәсәнова А. һәм Абдуллина З. үзләре иҗат иткән шигырьләрне сөйләделәр.
Егет һәм кызларга әлеге чарада катнашу бик ошады. 

14 нче март көнне “Живая классика” VIII Бөтенроссия шигырь укучылар бәйгесенең район этабы узды. Укучылар шигырь сөйләү өсталыгы буенча көч сынаштылар. Әлеге чарада безнең укучыларыбыз да катнашты.
6 нчы сыйныф укучылары Кузнецов Д. һәм Гайнетдинова Д. хөкемдарлар игътибрына матур әсәрләр тәкъдим иттеләр.

Физкультура укучыларның иң яраткан дәресләре. Бигрәк тә 1 нче сыйныф укучылары үз итә бу фәннне. Бер урында утыру, игътибарны бер урынга туплау аларны ялыктыра. Ә физкультура дәресләрендә алар рәхәтләнеп физик күнегүләр эшлиләр, нормативлар тапшыралар.
Бүгеннән алар ГТО нормалары тапшыра башладылар. Нәни укучыларыбызга уңышлар телибез! 

Март аеның иң матур, иң олы бәйрәме — СИГЕЗЕНЧЕ МАРТ — ХАЛЫКАРА ХАТЫН КЫЗЛАР КӨНЕ. Әлеге бәйрәм уңаеннан гимназиябездә бәйрәм оештырылды. Концертта укытучылар һәм укучылар катнашынты . Чарада дәртле биюләр, матур җырлар, йөрәк түрләренә үтеп керердәй шигырьләр яңгырады. Бәйрәм барлык тамашачыларның күңеленә хуш килде!

Һәр ел, яз җиткәч “Дулкыннар” Республика бәйгесе уздырыла. Быел әлеге чара Нәкый Исәнбәтнең тууына 120 ел булу уңаеннан үткәрелә. Катнашучылар әдипнең әсәрләрен жюрлар игътибарына тәкъдим иттеләр.
Бәйгедә безнең укучылар да катнашты.
2 нче Б сыйныфы укучысы Муллагилиева З. “Аккош” шигырен, ә 3 нче А сыйныфы укучысы Абдуллина З. “Бала белән Куян” шигырен сөйләде. 5 нче Б сыйныфы укучысы Габдрахманова А. “Җәйге төн” шигырен тәкъдим итте. 6 нчы сыйныф укучылары Ибушева Л. һәм Әхәтова А. 10 нчы сыйныф укучысы Тагирова Л. әдипнең мәсәлләрен күрсәттеләр.

Бер ай дәвамында гимназиядә һөнәрләргә багышланган чаралар үткәрелде. Бүген шундый бәйгеләрнең берсе – “Иң яхшы эшче һөнәр” презентацияләр бәйгесенә нәтиҗәләр ясалды. Нәтиҗәләр түбәндәгечә билгеләнде:
“Иң стильле бизәлеш” номинациясендә 10 нчы сыйныф укучылары һәм 4 нче сыйныф укучысы Фәттәхова А. җиңү яуладылар.
“Иң үзенчәлекле презентация” номинациясендә 5 нче А сыйныфы укучысы Ломов А. һәм 6 нчы Б сыйныфы укучысы Әхәтова А. җиңүче дип табылдылар.
“Иң төгәл эшләнеш” номинациясендә 5 нче Б сыйныфы укучысы Габдрахманова А. һәм 5 нче В сыйныфы укучысы Кононова П. җиңү яуладылар. 

ГТО нормаларын алтын дәрәҗәсенә тапшыру башланып китте. Гимназия укучылары бик тырышып 4 нче баскыч нормаларны тапшыралар. Укучы егет һәм кызларыбызга уңышлар телибез! 

Туган тел көненә багышланган бәйрәм чаралары дәвам итә. Бүген гимназиядә кунаклар катнашында әдәби-музыкаль кичә узды. Безгә кунакка Бөтендөнья татар конгрессы Башкарма комитеты җитәкчесенең беренче урынбасары Шакиров Данис Фәнис улы һәм Бөтендөнья татар конгрессының Казан шәһәре бүлеге җитәкчесе Гыйлметдинова Рәмзия Дәүләтовна килгән иде.
Укучылар туган телдә матур җырлар, биюләр башкардылар. “Идел” исемле өзекне сәхнәләштереп, кыз һәм Идел елгасының әңгәмәсе аша бүгенге вәзгыятьне күрсәттеләр. Килгән кунакларга аеруча “Тукай белән әңгәмә” номеры бик ошады. Чөнки Тукай белән бүгенге укучы арасында татар теленең хәзерге хәле, киләчәге турында эшлекле сөйләшү булды. Тукайның “туры” җаваплары тамашачыны дулкынландырды һәм уйга салды.
Әлеге чара барлык укучылар, укытучылар күңеленә хуш килде.