29 нчы март көнне Каюм Насыйри исемендәге XVII халыкара фәнни-тикшеренү конференциясе үткәрелде. Чара 9-11 нче сыйныфлар арасында оештырылды. Гимназиябезнең 10 нчы сыйныф укучысы Таһирова Л. катнашып дипломант исеменә лаек булды. 

Бүген лагерьда үткән чаралар бердәмлек, туган җир, Татарстан белән бәйле иде. Укучылар Татарстан Республикасы милли музеена сәяхәт кылдылар. “Һөнәрчеләрнең алтын куллары: татар халык һөнәрләре” күргәзмәсен дә карадылар. “Яратам сине, Республикам” темасына матур рәсемнәр ясадылар. 

Бүген лагерьда хезмәт көне. Укучылар һөнәрләр белән таныштылар, һөнәрләр атласы ясап тәкъдим иттеләр. Төсле кәгазьләрдән кул эшләнмәләре ясадылар. Укучылар берсеннән берсе матур, үзенчәлекле эшләр күрсәттеләр.Үзләре яраткан һөнәрләр турында фикер алыштылар. 

Бүгенге көнне без “Сихри театр дөньясы” дип атадык. Лагерь эшчәнлеге виртуаль экскурсия белән башланып китте. Укучылар театрда үз-үзеңне тоту кагыйдәләре белән таныштылар.
Л.Н. Толстойның тормыш юлы һәм иҗаты турында әңгәмә оештырылды. Укучылар язучы турында кызыклы мәгълүматлар белделәр.
Шулай ук Яшь тамашачылар театрына сәяхәт кылып, театрның тарихы, репертуары белән таныштылар. 

3 нче уку чиреге фәнни-гамәли конференцияләргә, шигырь бәйгеләренә бик бай. 26 нчы март көнне, шундый чараларның берсе, Туфан Миңнуллин исемендәге укытучылар һәм укучыларның VI республика конференциясе үткәрелде. Чарада безнең гимназия укучылары да катнашып призлы урыннар яуладылар.
10 нчы сыйныф укучысы Таһирова Л. лауреат, ә Әхәтова А. дипломант булдылар. Кызларны җиңүләре белән тәбрик итәбез.
 

Мәктәп лагеры үз эшен дәвам итә. Укучылар бүген “Сиңа җырлыйм, туган ягым” дип исемләнгән иҗади бәйгедә катнаштылар. “Пирамида” күңел ачу үзәгендә узган спектакльне тамаша кылдылар.
Укучылар бик яратып саф һавада хәрәкәтле уеннар уйнап, күңел ачтылар. Сәламәт яшәү рәвеше турында фикер алыштылар. 

Каникуллар булуга карамастан мәктәп лагеры эшен башлап җибәрде. Бүген ГТО нормаларын үз эченә алган күңелле старт ярышлары узды. Укучылар бик теләп, чарада катнаштылар, уйнадылар. Шулай ук Болак буендагы театрга сәяхәт кылдылар. Укучылар әлеге экскурсиядән бик тәэсирләнеп кайттылар.
Көн азагында “ Физкультура – минем дустым» темасына әңгәмә оештырып, үз фикерләрен җиткерделәр.

Егетләр арасында футбол турнирлары дәвам итә. 22 нче март көнне чираттагы матч үткәрелде. Безнең “Барс 1” командасы “Драконы МШ” командасы белән көч сынашты. Әлеге уен безнең команда өчен җиңү белән тәмамланды. Исәп: 2:0.
Егетләребезгә алга таба да уңышлар телибез! 

8 нче сыйныф укучылары В.М. Шукшинның тормыш юлы һәм иҗаты буенча оештырылган ачык дәрестә булып кайттылар. Совет кинорежиссёры, актёры, сценарийлар авторы, һәм язучы – В.М. Шукшин турында кызыклы мәгълүматлар тыңлау укучыларыбызга бик ошады.

Быел Татарстан Автономияле Совет Социалистик республикасы төзелүгә -100 ел! Тарихка күз салсак, 1920 елның май башында автономия төзү буенча комиссиянең эше тәмамлана. В.И.Ленин “Татарстан Автономияле Совет Социалистик республикасы турындагы” декретка кул куя. Бу татар халкының гасырлар буена килгән хыялын тормышка ашыруда, киң вәкаләтле дәүләт автономиясен булдыруда бер адым була.
Шушы истәлекле датаны укучыларга җиткерү максатыннан, гимназия китапханәсендә күргәзмә оештырылды. Татарстан тарихы белән бәйле барлык китаплар тәкъдим ителде.