“Цифрлы дәрес” Бөтенроссия акциясе кысаларында, 5 сыйныфта “Белем бирүдә ясалма интеллект” темасына дәрес үтте. Әлеге дәрестә укучылар цифрлы икътисад, программалаштыру һәм цифрлы технологияләр турында белем ала алдылар. Алар “ясалма интеллект” төшенчәсе белән таныштылар һәм, укытучы һөнәре мисалында, аны куллану мөмкинлекләре турында белделәр.

Асоциаль күренешләрне кисәтү максатыннан, гимназиядә “Үзеңә сәламәтлек бүләк ит” акциясе үтте. Көн дәвамында радиода матур җырлар яңгырады. Укучылар өчен төрле спорт уеннары  оештырылды. Чараны оештыруда гимназия үзидарәсе әгъзалары актив катнаштылар.

Укучыларның куркынычсызлык турында белемнәрен арттыру максатыннан, гимназиядә “Безнең куркынычсызлык кагыйдәләре” дип аталган сыйныф сәгатьләре үтте. Биредә көндәлек тормышта нинди куркыныч хәлләр килеп чыгарга мөмкин булуы һәм бу хәлләрдә дөрес карар кабул итеп, тиз арада ориентлашу турында сүз алып барылды. 

Юл хәрәкәте кагыйдәләрен профилактикалау максатыннан, гимназиянең 2 - 4 сыйныфы укучылары арасында “Мин куркынычсыз юл сайлыйм” исеме астында рәсем ясау бәйгесе үтте.  Соңыннан барлык катнашучы укучыларның рәсемнәреннән күргәзмә оештырылды.

3 нче Б сыйныфында “Янгын чыкканда олылар һәм балаларның гамәлләре” дигән темага сыйныф сәгате үтте. Дәрес барышында укучылар бәла-каза булдырмас өчен нәрсә эшләргә кирәклеге, янгын куркынычсызлыгы турында фикер алыштылар, шулай ук бәла-каза килеп чыккан очракта үзеңне ничек тотарга, беренче чиратта нәрсә эшләргә, кая мөрәҗәгать  итәргә кирәклеге турында мәгълүмат алдылар. Укучылар янгын куркынычсызлыгы хезмәткәрләре турында әзерләгән проект эшләрен якладылар.

Музейлар безнең тормышта зур роль уйныйлар. Халкыбызның бай тарихын, мәдәниятен, гореф-гадәтләрен, йолаларын өйрәнү аша укучыларны рухи яктан бай шәхес итеп тәрбияләү – мәктәп музейларының төп максаты. Шул максаттан, гимназиябезнең музеена еш кына экскурсияләр оештырыла. Шушы көннәрдә 1В сыйныфы укучылары музейда тупланган экспонатлар белән таныштылар. Музейның һәр бүлеге һәм андагы һәр экспонат укучыларда зур кызыксыну уятты. Экскурсия дәвамында алар үзләрен кызыксындырган һәр сорауга җавап алдылар.

Бүген урта сыйныф укучылары өчен “Гадәттән тыш хәлләрдә беренче ярдәм күрсәтү” буенча практик дәрес үтте. Укучылар пешү очрагында беренче ярдәм күрсәтү тәртибен өйрәнделәр. 

Бүген Горки-Әмәт урманы территориясендә "Ил буенча Экодежур" Бөтенроссия акциясе үтте. Әлеге чарада безнең гимназия укучылары да катнашты. Алар, волонтерлар белән бергәлектә, үзләренә бүлеп бирелгән җирләрне чүп-чардан арындырдылар. Моннан тыш, өмә кысаларында, укучылар алдында “Чүп куркынычы” дигән лекция белән экоактивистлар чыгыш ясады.

“Экстремизмга – юк!” айлыгы кысаларында, гимназиядә “Дуслар, кулга кул тотыныйк”, “Без барыбыз да төрле, әмма без барыбыз да бәхеткә лаек”, “Безгә бер-беребезне яхшырак белергә кирәк” дип аталган темаларга сыйныф сәгатьләре үтте. Әлеге дәресләрнең максаты - укучыларны "толерантлык" төшенчәсе, толерантлы шәхеснең төп сыйфатлары белән таныштыру. Дәрес барышында укучылар игелеклелек, үзара аңлашу, хөрмәт һәм башкаларны кичерү хисләре турында фикер алыштылар.

Тормышта бәхетсезлек очраклары еш очрый. Соңгы елларда балалар арасында бәхетсезлек очраклары арта бара. Андый хәлләр килеп чыккан очракта беренче ярдәм күрсәтә белү бик мөһим. Бүген башлангыч сыйныфларда укучылар пешү очраклары булган вакытта беренче ярдәм күрсәтү серләренә төшенделәр.