Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
| Адрес: | 420108, г. Казань, ул. Мазита Гафури, д. 34а |
| Телефон: | +7(843)-293-38-67;+7(843)-293-38-87;+7(987)-290-70-21 |
| E-Mail: | g1.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Татарская гимназия №1 им.Г.Тукая" |
| Руководитель: | Шамсеева Гульфия Гаязовна |
| Год основания учреждения: | 1990 |
| У нас учатся: | 557 учащихся, из них 5 иностранных граждан |
| У нас учат: | 37 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 131 132 ( 133 ) 134 135 136 137 138 139 140 >>
-
6 нчы А сыйныфы укучылары өчен интеллектуаль уен үткәрелде 25.01.2022
Табигать фәннәре ункөнлеге кысаларында 6 нчы А сыйныфында география фәне буенча интеллектуаль уен үткәрелде. Укучылар төркемнәргә бүленеп, төрле башваткычлар чиштеләр, контурдан географик объектларны таптылар. Нәтиҗәдә “Төз укчылар” командасы җиңү яулады.
-
Финанс грамоталыгы буенча онлайн-дәресләр дәвам итә 24.01.2022
Гимназиябездә “Финанс грамоталыгы буенча онлайн-дәресләр” проекты кысаларында дәресләр үткәрү дәвам итә. Чираттагы дәрес 9 нчы сыйныфта үтте. Әлеге дәрес “Банк картасы белән түләү һәм акча эшләү” темасына багышланган иде. Дәрес барышында укучылар банк карталарының төрле төрләре, түләү системалары, банк карталарыннан файдалануның өстенлекләре белән таныштылар. Аеруча банк карталарыннан файдаланганда куркынычсызлык кагыйдәләренә игътибар күрсәтелде.
-
Гимназиядә табигать фәннәре декадасы башланды 24.01.2022
Бүген гимназиядә биология, география, химия фәннәре ункөнлеге башланып китте. Ункөнлек "Туган ягыбызны, табигатебезне сөй һәм сакла!" девизы астында үтә. Алда укучыларны кызыклы бәйгеләр, уеннар, ачык дәресләр көтә.
-
7А сыйныфында "Иң яхшы математик"ны билгеләделәр 22.01.2022
Төгәл фәннәр ункөнлеге дәвамында кызыклы бәйгеләр үткәрелде. Мәсәлән, 7А сыйныфында “Иң яхшы математик” уены узды. Укучылар төркемнәргә бүленеп, бер-берсе белән көч сынаштылар. Укучылар бик теләп мәсьәләләр, мисаллар чиштеләр.
-
Укучы егетләрне җиңүләре белән котлыйбыз! 21.01.2022
Укучылар арасында тугызынчы тапкыр "Сумо" робототехника шәһәр бәйгесе узды. Ярышта безнең гимназия укучылары да катнашты. Уңышлы чыгыш ясап, 9 нчы А сыйныфы укучысы Алигулиев Ильнур "Кегерлинг Квадро" номинациясендә I урынга, ә Сибгатуллин Динар "Траектория" номинациясендә шулай ук I урынга лаек булды. Укучы егетләребезне җиңүләре белән котлыйбыз һәм алга таба да иҗади уңышлар телибез!
-
Интернет челтәрендә зарарлы программалар... 21.01.2022
Безнең Интернет челтәрендә эшләвебезгә комачаулаучы күптөрле күренешләр белән очрашырга туры килә. Шуларның берсе - зарарлы программалар. Укучыларны зарарлы программаларның төрләре һәм алардан саклану чаралары белән таныштыру максатыннан, “Интернетта зарарлы программалар” дип аталган сыйныф сәгатьләре үтте. Укучыларга Интернетта эшләгәндә саклык чаралары буенча киңәшләр бирелде.
-
Ункөнлек кысаларында математик квест узды 21.01.2022
Төгәл фәннәр ункөнлеге кысаларында, 6 нчы А сыйныфында математик квест узды. Укучылар төрле тукталышлар буенча бүленеп, тәкъдим ителгән биремнәрне чиштеләр. Уен нәтиҗәләреннән һәркем канәгать калды.
-
Кызыклы бәйгеләр дәвам итә 21.01.2022
Ункөнлек дәвамында 5 нче сыйныф укучылары арасында “Мисыр цивилизациясе” бәйгесе үткәрелде. Укучылар төрле фигуралар кулланып, дусларының сурәтләрен ясадылар. Җиңүчене яшерен тавыш бирү ярдәмендә билгеләделәр.
-
“Мәгълүмати куркынычсызлык почмагы” эшләнде 20.01.2022
Интернет, социаль челтәрләр безнең тормышыбызга актив керде. Күп кенә кулланучылар социаль челтәрләрдә урнаштырылган мәгълүматның теләсә кем тарафыннан кулланылырга мөмкин. Мәктәпнең һәм ата-аналарның бурычы - баланы кайбер хаталардан саклап калу. Шуны исәптә тотып, гимназиядә “Мәгълүмати куркынычсызлык почмагы” эшләнде. Әлеге почмакта укучыларга интернет челтәрендә сак булыр өчен киңәшләр бирелгән.
-
9А сыйныфында ачык дәрес үтте 19.01.2022
Төгәл фәннәр ункөнлеге кысаларында 9А сыйныфында “Мәсьәләләр чишү” темасына ачык дәрес үтте. Укучылар, узган дәресләрдә алган белемнәренә таянып, нәтиҗәле дәрес күрсәттеләр. Дәрес укучыларга бик ошады.
