2 нче сентябрь көнне барлык  классларда Россия Федерациясе Конституциясе кабул ителүгә 20 ел булу уңаеннан  тәрбия сәгатьләре булып узды.

Хөрмәтле укытучылар, укучылар, әти - әниләр! Сезне 1 сентябрь -  "Белем бәйрәме" белән котлыйбыз! Сезгә укуыгызда һәм эшегездә  зур уңышлар, саулык - сәламәтлек  телибез!

                                Мәктәп юлы - хөрмәт юлы,     

                                Киләчәккә илтә.

                               Котлы булсын уку елын

                               Башлаган бу иртә!                                                                            

Бүген бездә зур тантана - Белем бәйрәме! Шау - гөр килеп кулларына чәчәк бәйләмнәре тоткан укучылар мәктәпкә җыйналдылар. Бу уку елы безнең өчен аеруча шатлыклы һәм истәлекле , чөнки мәктәбебез өр яңа булган.  Шушы матур мәктәпләрдә 100 укучы белем алачак. Хөрмәтле укучылар! Сезгә укуыгызда зур уңышлар теләп калабыз!

Июль аенда халыкны эш белән тәэмин итү үзәге  аша 21 укучы эшкә урнашты. Шуларның 9ы-бюджет оешмаларында, 12е-ООО"Саба" "Сатыш" филиал №1дә эшлиләр. Шулай ук график нигезендә мәктәп яны тәҗрибә участогында укучылар хезмәт куялар. Тырыш хезмәт - көз көне мул уңыш китерер!

Мәктәбебезнең 14 яше тулган 52е укучысы районның халыкны эш белән тәэмин итү үзәге аша эшкә урнашты. Шуларның 13е июнь аенда эшләделәр. Әлеге укучылар үзебезнең җирлектәге ООО "Саба"  "Сатыш" филиалында эшләделәр. Филиал җитәкчеләре укучыларның хезмәтеннән канәгать калдылар.

Санаулы көннәр бик тиз үтеп киттеләр. Менә бүген лагерьның соңгы көне. Сабантуй бәйрәме гөрләп үтте. Балалар нинди генә уеннарда катнашып, үзләренең көчләрен сынадылар, бүләкләр алып шатландылар. Гимн астында соңгы тапкыр лагерь байрагы төшерелде. Киләсе елга да лагерьда кабат очрашулар теләп балалар саубуллаштылар.

Бүген 11 нче сыйныф укучылары мәктәп белән саубуллашу кичәсенә җыйналдылар. Балалар үзләре дә, әти-әниләре дә, укытучылар да дулкынлану кичерәләр. Алда аларны зур юллар көтә. Бу уку елында 11 нче сыйныфны 8 кыз, 2 егет тәмамлады. Шуларның 1се Хасанова Р. алтын медальга, ә 3се Фархуллин Р., Гыйләҗиева А., Исмәгыйлева Д. көмеш медальга тәмамладылар. Хөрмәтле укучыларыбыз! Сезгә уңышлар, саулык-сәламәтлек, ак юллар теләп калабыз. 

Ел да шулай, очар кошлар кебек,

Озатып кала мәктәп-изге йорт.

Сагынып бер сез кайтырсыз әле,

Онытмас ул сезне, мәктәп-изге йорт!

Бүген лагерьда ял итүче балалар аеруча дулкынланалар, чөнки аларны сәяхәт көтә. "Туган тел", "Кызыклы шәкерт", "Туган авыл", "Бала белән күбәләк" һ.б. бик күп шигырьләр авторы булган  Г.Тукай музее балаларны колач җәеп каршы алды. Сөекле шагыйребез турында балалар бик күп мәгълүмат алып кайттылар. 

Бөек Ватан сугышы башланган көн буларак,бүген кайгылы көн.Шушы уңайдан "Кайгы китергән көн" дип аталган кичәдә укучыларны 1941-1945 елгы сугыш китергән югалтулар,кайгылы вакыйгалар белән таныштырылды.Яуда үлеп калучыларны бер минутлык тынлык белән искә алдылар,рәсем конкурсы оештырдылар.Утар балалар йортына барып концерт куеп кайттылар.

Бүген "Кояшкай"да ял итүче балалар авылыбызның һәм районыбызның сугыш ветераннарын искә алу кичәсендә катнаштылар,татар халкының милли уеннарын өйрәнделәр,"Җырлы- моңлы балачак" дип аталган отрядлар арасындагы ярышта катнашып күңел ачтылар.