Лагерьнең алтынчы көненнән дә балалар канәгать калдылар. Чөнки ял итүче балаларны һәр көнне кызыклы, мавыктыргыч кичә, бәйгеләр көтә бит! Бүген алар табигать фәннәре буенча брейн-рингта көч сынаштылар, дәресләрдә алган беләмнәрен тирәнәйттеләр. Ә “Тизрәк!Биегрәк!Көчлерәк!” спорт бәйгесендә үзләренең спорт өлкәсендә  булган  мөмкинлекләрен тагын бер кат сынадылар, үстерделәр. Шулай ук алар Татарстанның спорт мастерлары турында мәгълүмат тупладылыр. Көн бик тыгыз үтте.

Лагерьнең бишенче кәне бик күңелле үтте. Көннең беренче яртысында укучылар “Кече олимпия уеннары”  бәйгесендә үзләренең көчләрен сынадылар. “Кече бал кортының, олы эшләре “ кичәсендә балалар умарта корты һәм аның китергән файдасы турында мәгълүмат тупладылар. Умартачы  һөнәре турында күп белешмә алдылар. Ә көннең икенче яртысында табышмаклар кичәсендә катнашып, тапкырлыкта сыналдылар. Өстәл уеннары уйнап ял иттеләр. Үткәрелгән чараларда актив катнашып, бүләкләр алып, өйләренә таралдылар.

Лагерь эшчәнлеге ике отрядның бер-берләрен сәламләүләре,Татарстан гимнын башкарулары белән башланып китте. Тәрбия эшләре буенча директор урынбасары Әхмәтшина Р.И.балаларны көндәлек эшләр белән таныштырды, күңелле ял теләде. Иртәнге аштан соң болынлыкта  "Күңелле эстафета" уенында "Йолдызчык" һәм "Кояшкай" командалары көч сынашты. Арып кайтканнан соң спортзалда шахмат-шашка, мозаика төзеп уйнап ял иттеләр. Фельдшер Зарипова Э.Р. белән кызыклы һәм файдалы очрашу булды. Су коенганда куркынычсызлык кагыйдәләре, беренче ярдәм күрсәтү, ясалма сулыш алдыру, кояшта белеп кенә кызыну  һ.б. турында презентация карап белемнәрен ныгыттылар. Лагерьның дүртенче көне кызыклы һәм файдалы үтте.

Лагерь эшчәнлеге иртәнге линейкадан башланып китте. Ике отряд бер-берсен сәламләп отряд җырларын башкардылар. Тәрбияче Фархуллина Чулпан бүгенге көн планы белән таныштырды.  Иртәнге аштан соң укучылар "Сәламәтлек рекламасы" конкурсында плакатлар, реклама кәгазьләре иҗат иттеләр.  Соңыннан лагерьда ял итүче укучылар бүген  "Нарат" Боз Сараена экскурсиягә бардылар. Рәхәтләнеп тимераякта шудылар. Көн күңелле үтте.

Бүген"Кояшкай" ял лагеренең икенче көне.8.00-8.15-иртәнге линейка үткәрелде.Гимн уйнатылып лагерь флагы күтәрелде.Линейка барышында укучыларга куркынычсызлык кагыйдәләре буенча инструктаж үткәрелде.Иртәнге аштан соң укучылар"Футбол йолдызлары" пенальти-шоуда көч сынаштылар.Ял сәгатендә төрле кызыклы китаплар укыдылар."Джунгли чакыра" уенында 2 команда көч сынашты.Җиңүче укучылар бүләкләр алдылар.Лагерьның икенче көне күңелле үтте.

 Бүген 30 укучыны берләштергән "Кояшкай" ял лагеры эшли башлады. Лагерь үзенең эшчәнлеген план нигезендә башлап җибәрде. Тантаналы төстә лагерь флагы күтәрелде, отрядларда оештыру эшләре башкарылды. 1 июнь - Халыкара балаларны яклау көне уңаеннан кичә оештырылды. Көн дәвамында лагерьда ял итүче балалар актив хәрәкәттә булып, сәламәтлекләрен ныгыттылар. Лагерьның беренче көне күңелле үтте.

Бүген, "1 июнь - Халыкара Балаларны яклау көне" уңаеннан мәктәбебездә "Бәхетле балачак" дип аталган бәйрәм-тамаша булып узды. Бәйрәмгә мәдәният йорты хезмәткәрләре зур бүләкләр белән килгән иде. Әлеге бәйрәмдә татар халкының милли уеннарыннан кашык белән су ташу, йомырка кабып йөгерү, чүлмәк вату кебек уеннары уйнатылды. Уеннар барышында укучыларның җыр-биюгә осталыклары да күренде. Бәйрәм чын бәйрәмчә үтте. Укучылар да, укытучылар да, мәдәният йорты хезмәткәрләре дә бәйрәм иттеләр.    

Бүген укуның соңгы көне булганлыктан тантаналы линейка үткәрелде. Линейкада тәрбия эшләре буенча директор урынбасары Әхмәтшина Р.И. укучыларны куркынычсызлык кагыйдәләре белән таныштырды, укучыларга күңелле ял теләде. Укыту эшләре буенча директор урынбасары Хәсанова М.Р. укучыларны класстан-класска күчерү турындагы приказ белән таныштырды. Ел буена гел "5" билгеләренә генә укыган укучыларга мактау грамоталары тапшырды. Тантаналы линейкага Бигәнәй, Мамалай  башлангыч мәктәбе укучылары да чакырылган иде. Алда укучыларны кызыклы яллар көтә. Ялларыгыз күңелле үтсен! 

          Бүген  мәктәпләрдә моңсу да шул ук вакытта күңелле дә булган “Соңгы кыңгырау” бәйрәме уза. Мәктәбебездә әлеге бәйрәм  бик эчтәлекле, күңелләрдә калырлык итеп оештырылды. Бәйрәм барышында һәр укучының чыгышын күреп, күңелләр шатланды. Кичәдә укыткан укытучыларга, әти-әниләргә, килгән кунакларга, мәдәният йорты хезмәткәрләренә зур рәхмәт хисләре җиткерелде. Әлеге тантанада мәгариф бүлеге методисты Хасанова А.А., район үзәк шифаханәсе баш врачы Сираҗиев З.Ф., ветеран укытучылар катнашты.

       Сатыш  мәдәният йорты хезмәткәрләре белән берлектә 25 нче май көнне  “Чишмәкәй” балалар берлегенең гомумиләштерелгән җыены булып узды. Җыен барышында юнәлешләрнең еллык отчеты тыңланылды, актив эшләгән варислар, эзтабарлар бүләкләнде. Педагог-оештыручы Ногманова Р.Р. эшчәнлеккә йомгак ясады.