"Китапка икенче тормыш бүләк ит" акциясе кысаларында бүген китапханәче Гильманова А.Н. җитәкчелегендә "Чишмәкәй" берлеге варислары белән берлектә "Китап уку кешенең эчке культурасын баета" дигән темага түгәрәк өстәл артында әңгәмә оештырды. Ул укучыларны әдәби китап укырга чакырды, укучылар өчен кызыклы булган әдәби китаплар исемлеге белән таныштырды.

17 нче октябрьдән Россиякүләм фән олимпиадаларының мәктәп туры башланып китте.  Һәр көнне дәресләрдән соң график нигезендә фәннәр буенча олимпиадалар үткәрелә. Әлеге турны уңышлы үткән укучыларыбыз район этабында мәктәп данын яклаячак. Укучыларыбызга белем үрләрен яулауда зур уңышлар телибез.

Барыбызны да изге Корбан бәйрәме белән чын күңелебездән котлыйбыз! Изге Корбан бәйрәме көнендә кылган догаларыбыз һәм игелекләребез кабул булсын, изге ниятләребез һәм якты хыялларыбыз тормышка ашсын. Күңелләребезгә - иман нуры, гаиләләребезгә иминлек һәм мәхәббәт хисләре иңсен. Барчабызга да саулык-сәламәтлек, бәхетле озын гомер, бәрәкәтле тормыш телибез!

"Наркотикларсыз тормыш" акциясе дәвам итә. Хореография түгәрәгенә йөрүче укучылар Сатыш  мәдәният йортында "Хәрәкәттә -  бәрәкәт !" дип аталган кичә -  тамаша күрсәттеләр. Кичәнең максаты - начар гадәтләрне юлдаш иткәнче, сәламәт яшәү рәвешен пропагандалау.

Мәктәп күләмендә "1 нче сыйныф укучысына мәктәпкә имин килеп җитәргә булыш!" район конкурсының беренче этабы йомгакланды. Кабул ителгән эшләрнең иң яхшылары район турына тәкъдим ителде. "Эссе " номинациясе буенча Галлямова Динә һәм Габделхакова Гөлгенәләр җиңүче дип табылды. Молодцы, укучылар!

Ш.Битимиров исемендәге икенче ачык балалар театры конкурсының мәктәп туры булып узды.Педагог - оештыручы Гильманова А.Н. җитәкчелегендә "Җирдә яшәү хакына" дип исемләнгән театр сәхнәләштерелде һәм район турына тәкъдим ителде.

Бүген, укытучылар көне уңаеннан,   11 нче сыйныф укучылары "Сез иң гүзәл кеше икәнсез"  дип аталган кичә -тамаша күрсәттеләр. Кичә  матур җырлар, дәртле биюләр белән үрелеп барды.  Укучылар яраткан укытучыларын чын күңелдән бәйрәм белән тәбрик иттеләр.

В рамках мониторинга качества основного образования по заданию Минобрнауки России,    4 октября проведена стартовая диагностика в пятом классе по предметным образовательным результатам.  Одночасовую проверочную работу по математике выполнили 2 ученика, по русскому языку - 4 ученика. Ответственный за проведение стартовой диагностики заместитель директора по учебной работе М.Р.Хасанова.

Безнең мәктәбебездә укытучылар бәйрәме бүгеннән башланды. Бүген "Чишмәкәй" балалар берлеге варислары яраткан укытучыларына сюрприз ясап, иртән  бәйрәм белән котлап аларга чәчәкләр бүләк иттеләр. Әлеге гамәлдән укытучылар бик кәнагәть калдылар. Рәхмәт сезгә.

Хөрмәтле укытучылар! Сезне һөнәри бәйрәмегез белән тәбрик итәбез! Сезгә ныклы сәламәтлек, эшегездә иҗади уңышлар, бәхет һәм шатлык теләп калабыз.

Бәйрәм белән Сезне, укытучы!

Балаларның якын кешесе!

Дөнья серен өйрәтүче!

Яшь җаннарга - Ходай илчесе!

Сезгә телибез без: саулык, озын гомер,

Шәхси бәхет, дөнья рәхәтен.

Шәкертләрнең-тырыш, инсафлысын,

Яхшы гамәл, Ходай рәхмәтен!