Бүген лагерьда ял итүче укучылар иртәнге аштан соң рәхәтләнеп чаңгыда шудылар, хореография түгәрәгендә матур биюләр өйрәнделәр, "Без зарядка ясадык, сикердек һәм йөгердек" спорт бәйгесендә көч сынаштылар. Көндезге аштан соң "Егет солтаны" бәйгесендә егетләр көч сынаштылар. Әлеге бәйгедә Шайхетдинов Алмаз җиңүче дип табылды. 13.15-13.50 гә кадәр татар халкының җырлы-биюле уеннарын  уйнап, күңел ачтылар. Лагерьнең дүртенче көне дә файдалы һәм күңелле узды.

Бүген "Кояшкай" ял лагереның өченче көне.  Иртәнге аштан соң, "Иң яхшы отряд" бәйгесе үтте. Иң оста скакалкада сикерүче, иң төз атучы, ераклыкка иң озын сикерүче, иң җитез йөгерүче билгеләнде. Җиңүче укучылар бүләкләнде. Бәйгедән соң укучылар "Туган ягымда умартачылык" түгәрәгенә керделәр. Түгәрәктән соң "Бөекбританиягә рәхим итегез!"  исеме астында кичә үтте. Укучылар Англия, аның башкаласы Лондон шәһәре, кызыклы урыннары, биналары белән танышты. Әлеге илдә виртуаль сәяхәттә булдылар. Көндезге аштан соң укучылар бассейн "Саба"га сәяхәткә  юнәлделәр. Суда йөзү балаларга бик ошады. Көндәлек эшкә йомгак ясап, кәеф күтәренкелеге белән өйләргә таралыштык.

Бүген "Кояшкай" ял лагереның икенче көне. Әлеге көн балалар өчен бигрәк тә кызыклы булды. Чөнки бүген лагерьда ял итүчеләр "Нарат" боз сараена экскурсиягә бардылар. Тимераякта шуу, кайтышлый район үзәгендәге чыршыны күрү, чаңгыда шуу, Кыш бабайга хат язу балаларның күңелендә бик яхшы хатирәләр калдырды. Укучылар көндәлек эшкә йомгак ясап, бүләкләр алып  күтәренке кәеф белән өйләренә таралышты.

Бүген 7 һәм 10 сыйныф укучылары "Нарат" боз сараена экскурсиягә барып тимераякта шуып кайттылар. Кайтышлый район үзәгендә урнашкан оешмаларның кардан ясалган сыннарын карадылар, уен мәйданчыгында уйнадылар, күңелле итеп ял иттеләр.

"Кояшкай" ял лагере бүген 20 бала кабул итте.7 көн дәвамында укучылар  лагерьда ял итәчәкләр.Бүген алар саф һавада рәхәтләнеп чаңгы шудылар,"Джунгли чакыра" уенында катнашып көч сынаштылар,"Оста куллар","Туган ягымда умартачылык" түгәрәкләрендә шөгыльләнделәр,шау-гөр килеп лагерьны ачу тантанасында катнашып күңелле ял иттеләр. 

Мамалай, Бигәнәй, Чәбки-Саба, Сатыш авылыннан килеп укучыларның әти-әниләр җыелышы "Әхлаклы шәхес" тәрбияләү темасына һәм  икенче чирек йомгакларына багышланды. Гаиләдә әхлак тәрбиясенә, күчеш контроль эшләренә, ГИА һәм ЕГЭ га ныклы әзерлек кирәклеге ассызыкланды. Шулай ук алда торган бурычлар билгеләнде. 

Бүген  икенче чирекнең соңгы уку көне. Гомуми линейкада укучыларны кышкы каникул планы, куркынычсызлык кагыйдәләре белән таныштырдык. Дәресләрдән соң һәр класста сыйныф сәгатьләре,җыештыру эшләре башкарылды. Укучыларның күңелләре күтәренке,чөнки алда каникуллар! Күңелле һәм файдалы яллар сезгә,укучылар!

20 нче декабрь көнне мәктәбебездә "Чисталык дәресләре" көнен  үткәрү уңаеннан фельдшер Зарипова Э. белән очрашу оештырылды. Эльмира Рафаэлевна укучыларга чисталык - сәламәтлек нигезе булуын аңлатып үтте. Барыбыз да сау-сәламәт булыйк!

Яңа 2014 нче ел якынлашуы сизелеп тора. Бүген Кыш бабай һәм Кар кызы инде балаларга Яңа ел күчтәнәче өләшеп, аларны  сөендерде. Рәхмәт сина, Кыш бабай, күчтәнәчләрең өчен!

18 декабрь көнне 2 сыйныф укучылары  “Күңелле спортчылар” дәрестән тыш эшчәнлегендә авылыбызның  шәфкать туташы Зарипова Э.Р. белән очраштылар. Ул балаларга сәламәт яшәү рәвеше алып бару, зарарлы гадәтләрне булдырмау хакында сөйләде. Укучылар үзләрен кызыксындырган сорауларга җаваплар таптылар, очрашудан канәгать калдылар.