"Тәрбия сәгатьләрен ничек кызыклы итәргә?" дип аталган темага тәрбия сәгатьләре күрсәтү, фикер алышу дәвам итә. Бүген  8 сыйныфта Мөхәммәтгалиева С.Л. "Тән азыгы - икмәк, җан азыгы - китап" темасына ачык тәрбия сәгате үткәреп, фикер алышу оештырды. Укучыларда матур әдәбият китаплары укуга мәхәббәт тәрбияләү, уңай геройлар аша кешелеклелек сыйфатлары тәрбияләү юнәлешендә тәрбия сәгате отышлы булды. 

2 нче сыйныф укучылары "Мин-эзләнүче" дәрестән тыш эшчәнлеге вакытында кошларга җимлек куйдылар. Балалар канатлы дусларыбызны кайгыртып яшиләр.

7.30-7.55 вакыт аралыгында укучыларның активлыгын үстерү, эшкә сәләтләрен арттыру максатыннан хореография түгәрәге җитәкчесе Аухадиева Н.А. 5-11 сыйныфлар өчен флеш-моб оештырды. Флеш-мобтан укучылар күтәренке күңел белән таралдылар.

21 январьдан мәктәп күләмендә Методик идеяләр ярминкәсе башланып китте. Ачык  дәрестән тыш эшчәнлек, түгәрәкләр занятияләре һәм тәрбия сәгатьләре күрсәтеп "Ничек итеп класстан тыш эшчәнлекне кызыклы һәм эчтәлекле итәргә?"- дигән сорауга җавап эзлиләр. Бүген 5 нче сыйныфта Госманова Р.Г. "Минем шөгыльләрем" дип исемләнгән тәрбия сәгате күрсәтеп, укытучылар белән фикер алышу оештырдылар. Тәрбия сәгате бик эчтәлеле һәм үтемле булды. Рәхмәт, Рәзилә Госмановна. 

Гомуми  линейкада "Чишмәкәй" балалар берлеге рәисе Габделхакова Ә. варислар һәм эзтабарлар берлекләрендә эшләгән эшләргә йомгак ясады һәм алдагы атнага планнар билгеләде. Мәктәп балалар думасының чисталык комитеты җитәкчесе иң чиста сыйныфларны билгеләп, аларга рәхмәт җиткерде.

11нче сыйныф укучысы Дәүләтова Альмира(җитәкчесе Мөхәмәтханова Г.М.) “Хуш киләсең,Яңа ел!” район шигырь язу бәйгесендә  2 нче урынны алды.

   Уңышлар сиңа,Альмира!

"Милли көрәш" түгәрәгенә йөрүче  6 нчы сыйныф укучысы Зарипов Ирек Кукмара районы үткәргән милли көрәш буенча ярышта 2 нче урынга лаек булды. Ирекне уңышлары белән котлыйбыз.

Китапханәче Гильманова А.Н. "Яңа елга үз кулларың белән" интернет-конкурсында катнашып, уңышлы чыгыш ясады һәм сертификатка ия булды. Котлыйбыз, Айгөл!

Мәктәптә ел дәвамында тимурчылык эше дәвам итә. Бүген дә укучыларыбыз үзләренә беркетелгән сугыш һәм хезмәт ветераннарына, ялгыз яшәүче карт-карчыкларга ярдәм итеп кайттылар. Укучыларның изге эшләреннән әби-бабайлар да, балалар үзләре дә канәгать калдылар. Шулай бер-беребезгә ярдәмләшеп яшик.

Китапханәче Гильманова А.Н. үзенең пластилиннан ясалган эше белән интернет-конкурста катнашып, 3 нче урынга лаек булды һәм диплом белән бүләкләнде. Афәрин!