“Җир шары буйлап сәяхәт”  темасын йомгаклап, “Төрле ил халыклары биюләре” концерты үткәрелде. Балалар татар,  рус, һинд, мексика, африка, украина, чегән, удмурт биюләрен башкардылар.  Концерт барлык балаларга да бик ошады.

КЕЧКЕНӘЛӘР ТӨРКЕМЕ БАЛАЛАРЫ ЧУНГА- ЧАНГА БИЮЕН БИК МАТУР ИТЕП БИЕДЕЛӘР. КОСТЮМНАР ӘЗЕРЛӘГӘН ӘТИ- ӘНИЛӘРГӘ ЗУР РӘХМӘТ!

"Куркынычсызлык"  темасын йомгаклап, бакчабыз тәрбиячеләре балалар өчен "Ут белән шаярма!" театры куйдылар. Атна буе өйрәнгән белемнәрен ныгыттылар. Ахырда театрдан алган тәэсирләр белән уртаклашып, әңгәмә кордылар. Балалар театрны бик ошаттылар. 

"Куркынычсызлык"  темасы буенча мәктәпкә әзерлек төркеме балалары контурга  янгын сүндерү машинасы әвәләделәр.

Шырпы сызма, учак якма

 Өлкәннәрсез беркайда.

Шаярулар һәрвакыт

Зур бәлага китерә.

Физкультура шөгылендә

Чаңгы шуып керәбез,

Бассейнда йөзәбез,

Тенниска да өлгерәбез,

Бозда хоккей уйнап албыз.

Быел универсиада  елы ,

Шуны әйбәт беләбез.

Спорт белән бик дус булгач,

Без бер дә авырмыйбыз

Сәламәтлек – иң зур бәхет!-

Шуны яхшы аңлыйбыз.

31 январь көнне безнең балалар бакчасы тәрбиячеләре «Бәләкәч” балалар бакчасы тәрбиячеләренә математика шөгылен оештыру, белем бирү эшчәнлеген ФГТ таләпләренә туры китереп   оештыру буенча эш тәҗрибәләре белән уртаклаштылар. 

28 январьдан бакчабызда “Куркынычсызлык” атналыгы башланып китте. Атналык дәвамында  ГО һәм ЧХ буенча норматив документлар өйрәнүне дәвам ителә, искеләре яңартыла, планнар төзелде, техник  әсбаплар  әзерләнде, эшчеләргә инструктажлар үткәрелде.

30 январь көнне  янгын вакытында, экстремаль очракларда үз- үзеңне тоту кагыйдәләрен ныгыту, янгын сүндерү чаралары белән таныштыру максатыннан бакчабызда өйрәнүләр оештырылды. Инглиз теле бүлмәсендә шартлы “Төтен чыгу” сигналы булуга, барлык балалар  14 минут эчендә күрше бина ишек алдына эвакуацияләнделәр. Өйрәнүләрне тиешенчә, дөрес итеп     оештырган   өчен барлык эшчеләргә телдән рәхмәт белдерелде.

 21 январьдан- 25 январьга кадәр “Юл йөрү кагыйдәләре” атналыгы үткәрелде.  Атналык дәвамында тәрбиячеләр өчен “Юл йөрү кагыйдәләренә өйрәтү планын  ФГТ буенча язу тәртибе“ темасына мастер- класс үткәрелде.

 ГИБДД вәкилләре белән очрашу үткәрелде. Йомгаклау чарасы итеп зурлар төркеме «Шалкан» әкиятен ЮЙК  темасы буенча үзгәртеп, башка төркемнәргә күрсәттеләр. Театр бик кызык булды.

Урамда балалар белән җәяүле юлы буенча сәяхәтләр үткәрелде.  «Минем хыялдагы машинам» темасына  балалар арасында  рәсем конкурсы үткәрелде.

 Юлларыгыз һәрчак уң булсын! Хәвеф- хәтәрләргә очрамагыз!

Бакчабызда 21-25 январь юл йөрү кагыйдәләрен өйрәтүгә багышлана. Бүгенге көндә бу бик актуаль мәсьәлә булып тора. Балаларны кечкенәдән үк юл йөрү кагыйдәләрен сакларга һәм  үтәргә өйрәтү тәрбиячеләрнең һәм әти- әниләрнең  бурычы. Бу уңайдан һәр көнне төрле чаралар, шөгыльләр үткәрелә. Бүген, 23 январь көнне ДАИ хезмәткәре Насибуллин Илнур белән очрашу булды. Ул балаларга тротуардан йөрергә, машиналарда саклык каешларын эләктерергә, светофорның дөрес төсенә чыгарга кирәклеген диалог формасында, җанлы әңгәмә итеп уздырды. Ахырдан һәр балага бүләкләр дә өләште. 

Безнең балалар бакчасының приоритет юнәлеше- балаларга  физик тәрбия бирү һәм сәламәтлекләрен ныгыту. Бу уңайдан һәрдаим эш алып барыла. Үткән атна дәвамында бу юнәлеш буенча “Балаларның кышкы күңел ачулары” темасына атналык үткәрелде. Белем бирү эшчәнлеге төрле формаларда, урамда, залда спорт уеннары, милли уеннар белән чиратлашып төзелде. Балалар төрле массаж күнегүләре өйрәнделәр. Атналык “Мин спорт сөюче бала” ярышы белән тәмамланды. Һәр төркем үзара көч сынаштылар һәм күңел ачтылар.