Мәктәпкә  әзерлек төркеме балалары икенче елларын теннис түгәрәгенә йөриләр. Аларны теннис уйнау серләренә тренер Фархуд Усманович өйрәтә. Бу атнада ул тренер һөнәре турында сөйләде. Ирешкән уңышларын санап үтте. Уңышка ирешү өчен хезмәтне яратырга, спорт белән һәрдаим шөгыльләнергә, дөрес тукланырга кирәклеген аңлатты. Үзенең бу һөнәрне яратып башкаруын, аны сайлаганы өчен үкенмәвен әйтте. Балаларга да һөнәр сайлаганда үзеңә ошаганны сайларга кирәклеген, ә балалар арасында да үзе кебек тренер һөнәрен сайлаучылар да булырга мөмкинлеген әйтте. Аның фикеренчә, арада бик талантлы балалар бар, алар мәктәпкә киткәч тә бу түгәрәккә йөрсәләр, уңышка ирешәчәкләр. Чыннан да арада теннисны бик яхшы уйнаучылар бар. Уңышлар телибез, булачак спортчыларга. Ә Фархуд Усмановичка зур рәхмәтебезне җиткерәбез.

Юл йөрү кагыйдәләренә багышланган "Детству- безопасные дороги" конкурсында зурлар, мәктәпкә әзерлек балалары катнаштылар. Мәктәпкә әзерлек төркеменнән Гарипова Зилә "Иң матур рәсем" номинациясендә 3 урынны алды. Аны уңышы белән котлыйбыз!

Төркемнәдә чираттагы әти- әниләр җыелышлары үткәрелә. 15 апрель көнне зурлар төркемендә "Балаларда җаваплылык тәрбияләү" темасы буенча үтте. Тәрбияче Ханипова Л.А. әти- әниләр белән әңгәмә оештырды, балаларның ел буе алган белемнәре, һәрберсенең сәләтләре буенча үзенең фикерләрен җиткерде. Аларның   рус теле, грамотага өйрәтү, математикадан эш дәфтәрләрен күрсәтте. Өйдә индивидуаль шөгыльләнү өчен киңәшләрен бирде. Икенче өлештә  Светофор" түгәрәгендә йөрүче балалар  ел буе алган белемнәрен күрсәттеләр.

Балалар   белән  без гаҗәеп матур бәйрәм- космонавтика көнен билгеләп үттек.   Безнең җир шары – зур түгәрәк формада. Анда елга, күлләр, диңгез, океаннар,таулар, болыннар, урманнар, киң далаларга бик күп урын җиткән. Менә Безнең планета һәм башка планеталар – Меркурий, Марс, Венера, Юпитер, Сатурн Кояш  тирәли әйләнеп йөриләр.   Беренче тапкыр космоска эт менгерәләр.  Ә кешеләрдән беренче булып Юрий Гагарин оча.  Менә шундый мәгълүматлар алды балалар атна дәвамында. Ә бәйрәм җыр, бию, спорт ярышлары белән бәйләнеп барды.

Космоста булып төштеләр

Маймыл, эт һәм кешеләр.

Җирне кайчан урап чыгар

Икән безнең ишеләр.

Юри генә инде шунда

Бер кызык ясар идем.

Безгә билгеле булмаган

Йолдызлар ачар идем.

Бер менгәч шунда Айга да,

Марска төшәр идем.

Марсиннар белән бергә

Фотога төшәр идем.

"Космоска юл" темасына балалар ясаган рәсемнәрдән күргәзмә оештырылды. Алар рәсемдә ракеталар, чит планета кешеләрен күзаллап бик матур рәсемнәр ясадылар. Әти- әниләр рәсемнәреннән дә күргәзмә оештырылды. Күп кенә гаиләләр конкурста катнаштылар. Аларга зур рәхмәтебезне җиткерәбез. Шулай ук рәсемнәр "Полет над радугой" интернет- конкурсына да җибәрелде.

10 апрель көнне бакчабыз балалары һәм  әти- әниләр “Юллар имин булсын!” исеме астында үткәрелгән ГИБДД хезмәткәрләре белән очрашуга җыелдылар. Очрашу зурлар төркеме балалары куйган   “Шалкан” әкиятен юл йөрү кагыйдәләрен өйрәнүгә үзгәртелгән театрын карау белән башланып китте.  Балалар театрны бик матур итеп  уйнадылар. Бу төркем балалары һәм әти- әниләренә Насыбуллин Илнур Дамирович юл йөрү кагыйдәләрен үтәү буенча кыскача әңгәмә оештырды. Әти- әниләр дә үзләрен борчыган сорауларны җиткерделәр. Илнур Дамирович аларга җавап бирде.  Ахырдан балаларга, гаиләләргә имин юллар теләп фонд җитәкчесе  Сабирова Зәлия  белән  балаларга һәм әти- әниләргә бүләкләр өләштеләр, төркемдә уйнау өчен дә бик күп бүләкләр бирделәр.

Очрашуның икенче өлешендә  “Юллар имин булсын” кичә- ярышы  үткәрелде. Бу  бәйгедә 3 буын катнашты. Әби-бабай, әти- әни, балалардан торган 5 команда үзара көч сынаштылар.  Өч буынны очраштырып  без юл йөрү кагыйдәләрен төгәл  үтәргә кирәклегенә тагы бер кат басым ясыйбыз, чөнки бүгенге көндә балаларны балалар бакчасына әти- әни белән беррәттән әби, бабайлар да йөртә, балалар гомере өчен барлык өлкәннәр дә җаваплы- дип башлап җибәрде кичәне өлкән тәрбияче Флюзия Рафаиловна. Кич- ярыш балалар шигырь, җырлары, Сәләви белән Мәләви маҗаралары, төрле ситуацияләрне чишү, схема буенча әкият, хикәя төзү һәм башка ярышлар белән бик күңелле үтте. Жюри барлык командаларны мактап, дуслык җиңүен билгеләде. Шулай ук ГИБДД вәкилләре бүләкләр тапшырдылар, соңыннан әңгәмә үткәрделәр. ГИБДД хезмәткәрләренә балалар, гаиләләр, коллектив исеменнән зур рәхмәтебезне җиткерәбез!

"Юл сакчылары"- Маннанова Диана гаиләсе, "Зебра"- Ахметов Алим гаиләсе. Һәр икесе дә бик тапкыр җавап бирделәр.

"Светофор" - Хбибуллина Дәринә һәм "Хәерле юл!" - Галимуллин Язнур гаиләләре. Барлык ситуациягә дә төгәл җавап бирделәр.

"Игътибарлы җәяүле"- Хафизов Зөлфәт гаиләсе. Һәр сорауга уйлап, төгәл җавапр бирделәр.