ГИБДД вәкилләре Насибуллин И.Д һәм Сабирова З.Г. балалар, әти- әни, әби- бабайлар белән чын күңелдән сөйләштеләр, күп бүләкләр өләштеләр, очрашудан бик канәгать калдылар. Мөдир Алсу Маратовна барлык катнашучыларга, килгән кунакларга, оештыручыларга рәхмәтен җиткерде.

-Без әле бик нәни, ләкин биеккә, күккә менәргә без дә хыялланбыз,- ди ясле төркемендә йөрүче нәниләребез. Шулай да  аларның хыяллары өлешчә тормышка аша, чөнки алар көне буе тауга менеп, төшеп рәхәтләнеп уйныйлар. Бер- берсенә юл куярга, тиешле уен кагыйдәләрен үтәргә кечкенәдән үк өйрәнәләр. Безнең нәниләребез бик акыллы, тәртипле, тәүге сүзләрне җөмләләр төзеп әйтергә өйрәнәләр. Ел дәвамында хөнәрләре артты.

Космос турында балаларга белем бирү эшчәнлеге төрле формада үткәрелә. Күп кенә малайларның, хәтта кызларның да космонавт буласылары килүе ачыкланды. "Космонавт буласың килсә, спортны ярат" күңел ачу- ярыш формасында үтте бүген мәктәпкә әзерлек төркеменең белем бирү эшчәнлеге. Шулай ук һәр төркемдә дә төрле презентацияләр дә күрсәтелә, рәсемнәр карыйлар, үзләре дә  космос  темасына рәсемнәр ясыйлар.

Атна дәвамында  белем бирү эшчәнлеге я л итү өчен җәмәгать урыннары темасына багышланды. Балалар мәдәният йортлары, иҗат үзәге, цирк, театр һ.б. ял итү урыннары, спорт ярышлары үтә торган стадион, спорт корылмалары турында төрле формада оештырылган эшчәнлек аша күп белем тупладылар. Үзләре дә иҗат үзәгенә, мәдәният йортына экскурсияләргә бардылар.

29 март көнне бакчабызда "Карга боткасы" бәйрәме узды. Балалар сый- нигъмәт  җыйдылар һәм аннан ботка пешереп бик тәмле карга боткасын ашадылар. Бәйрәм җыр, бию,  Кояш, Нәүрүзбикә, Кыш бабай  белән  ярышлар  оештырып бик матур үтте.

"Татарстанның ел балалар бакчасы -2013" конкурсында катнашып, безнең "Кыңгырау" балалар бакчасы район буенча беренче урынга чыкты. Конкурс материаллары республика турында катнашу өчен мәгариф министрлыгына тапшырылды. 

Нәүрүз, Нәүрүз! Якты бәйрәм!

Өмет сала күңелгә.

Изге теләк әйтә- әйтә

Бәйрәм итикче бергә!

Кыш бабай белән бәхәстә

Яз сылукай җиңгән мәл.

Көн белән төн тигезләшеп

Җанга өмет иңгән мәл.

  Нәүрүз... Бу исем  безгә  ят  та, таныш  та. Нәүрүз—борынгы  әби-бабайларыбыз  үткәргән язны  каршылау  бәйрәме  ул. ”Нәүрүз” сүзе  фарсы—таҗик  телендә “Яңа  көн” дигән мәгънәне  аңлата. Борынгы  бәйрәмне  атна буе  дәвам  иткәннәр. Һәр көннең  үз  гадәте, үзт әртибе, язылмаган  кануннары  булган: 7 көн буена  гайбәт  сөйләмәгәннәр, каргыш  теләмәгәннәр,   туган-тумачага, күрше-күләнгә  миһербанлык  кылганнар,  ата-баба  каберенә  барганнар, сугышлар тукталып  торган. 

Бүген бездә, «Кыңгырау” балалар бакчасында шаулап-гөрләп "Нәүрүз" бәйрәме узды.Без дә балаларда кече яшьтән үк ана теленә мәхәббәт, милли хисләр тәрбияләү максатыннан һәр елны “Нәүрүз” бәйрәмен зурлап уздырабыз. Бүгенге бәйрәм иртәсе дә милли күренешләр, җыр-биюләр, уеннар  белән үрелеп барды.

Бакчабыздан 4педагог 2009 елны  Казанның “Институт экономики, управления и права” уку йортының дистанцион уку бүлегенә укырга кергәннәр иде. Күп тырышлык куеп укыган 3 ел ярым үтеп китте. Менә ниһаять, диплом алыр чак та  килеп җитте. Педагогларыбыз уку йортын уңышлы тәмамлап, кулларына “Педагог –психолог” дипломы алдылар. Аларга түбәндәге специлизацияләр бирелде: Халитова Ф.Р.-“Управление образованием”, Галимуллина А.Р., Хазиева А.Г., Мавлявиева Л.А.- “Педагогическое и психологическое сопровождение развития дошкольника”. 20 март көнне институтның актлар залында дипломнарны тантаналы рәвештә тапшырдылар. Институтның җитәкчеләре, проффессорлар, фәннәр кандидатлары, кураторлар үзләренең фикерләрен һәм котлау сүзләрен әйтеп чыгышлар ясадылар. Безнең районнан укуларны оештыру буенча методист Галимзянова Рәмзия Мусиевна барлык укучылар исеменнән рәхмәт сүзләрен әйтте. “Кыңгырау”, “Әллүки” балалар бакчасы музыка җитәкчеләре Галимуллина А.Р., Валиева Л.И. рәхмәт сүзләрен җыр белән ирештерделәр. Бу көнне барлык педагогларның йөзләре шатлыктан балкыды.Әлеге укуны оештырган районыбыз җитәкчеләре һәм мәгариф бүлеге начальнигы Илфат Фоатовичка, методист Галимзянова Р.М.га барлык  уку йортын тәмамлаучылар исеменнән зур рәхмәтебезне җиткерәбез!  Педагогларга алган белемнәренең  игелеген күреп, сау- сәламәт булып, эшләрендә уңышлар телибез. 

14 март көнне ясле һәм беренче төркемнәре әти-әниләре белән "Гаилә бәйрәме"   оештырылды. Алар бер- берсе белән якыннан таныштылар, бала тәрбияләү буенча тәҗрибә уртаклаштылар. Ике командага бүленеп, тәрбия, зирәклек, тапкырлык, җитезлеккә багышланган сораулар, уеннар, ярышларда актив катнаштылар. Барлык катнашучыларга зур рәхмәтебезне җиткерәбез. Гел шулай балаларны кайгыртып, бергә иңгә- иң куеп , арлашып яшик, дигән теләктә калабыз.

Атна буе балалар суның әһәмияте, аның кеше өчен, тереклеккә һәм гомумән, сусыз яшәп булмаганлыгы турында белем тупладылар. Аларга тәрбиячеләр әңгәмә, күзәтүләр, экскурсияләр, тәҗрибәләр, модельләштерү, презентация, мультфильмнар карау кебек эш формалары аша белем бирделәр.