“Универсиадага бездән сәлам!” театры күрсәтелде. Балалар чыгышы әти- әниләргә бик ошады. Бу театрда катнашкан балаларга балалар бакчасының мактау грамоталары тапшырылды.

Шулай ук янгын куркынычсызлыгы буенча  район  конкурсында катнашкан һәм 2 урын алган Мухамадиева Диана, кросста 1 урын алган Каримуллина Регина, юл йөрү кагыйдәләре буенча рәсем конкурсында 3 урын алган Гарипова Зиләләргә грамоталар тапшырылды.

Рус теле тәрбиячесе Ләйлә Рафаэловна җитәкчелегендә “Мешок яблок” мюзиклы куелды. Анда барлык бала да төрле персонажлар булып уйнадылар. Балалар рус телендә бик матур итеп мюзиклны башкардылар. Рус теленә күп игътибар бирелгәнлеге күренеп торды, Балалар дөрес интонация белән сөйләделәр, җырладылар. Һәр бала үз ролен яратып башкарды.

Инглиз теле тәрбиячесе Гөлназ Ришатовна “Ингиз теленә сәяхәт”  темасы буенча балаларны сәяхәткә чакырды. Балалар поезд белән сәяхәткә барып, һәр тукталышта биремнәр эшләделәр. Төс, гаилә, хайваннар, ел фасыллары һәм башка темаларны презентация ярдәмендә искә төшереп кабатладылар, һәр бала инглиз телендә шигырь сөйләде, җырладылар, соңыннан “Колобок” әкияте буенча инглизчә театр куйдылар.

“РостОК” регионара мәктәпкә әзерлекне тикшерү конкурсының нәтиҗәләре килде. Безнең балалар бакчасыннан 5 бала  катнашкан иде. Шулардан Аскарова Камилә, Маннанова Диана, Нуруллина Сафия I дәрәҗә  диплом белән, Фазлыева Камилә, Назмутдинова Миләүшә I I дәрәҗә  диплом белән бүләкләнделәр. Аларга әти- әниләр, укытучылар алдында дипломнар тапшырылды.

   Балалаларны әзерләгән өчен тәрбиячеләр Солтанова Мәдинә Равилевна, Мухаметшина Сиренә Садриевнага , турнирны үткәрергә булышлыгы өчен Ханова Гөлназ Ришатовнага, турнирны әзерләгән, оештырган өчен өлкән тәрбияче Халитова Флюзия Рафаиловнага, мөдир Мубаракшина Алсу Маратовнага РостОК конкурсы дипломнары тапшырылды.  Барлык балаларны беренче зур уңышлары белән котлыйбыз! Алга таба да балаларга һәм педагогларга зур уңышлар телибез.

Тагы бер шатлыклы вакыйга, мәктәпкә әзерлек төркеме балалары катнашкан

“Полет над радугой “ бөтенроссия конкурсы нәтиҗәләре килде. Анда Аскарова Камилә, Ашриев Ирек, Хафизов Зөлфәт, Каримуллина Илсөярләр ясаган иҗади рәсем, бөтенроссия күләмендә  III дәрәҗә дипломга лаек булды. Аларга әти- әниләр, укытучылар алдында дипломнар тапшырылды. Конкурсны оештырган рус теле тәрбиячесе Валимухаметова Ләйлә Рафаэловна конкурс дипломы белән бүләкләнде.

Игътибар! Бүгенге яңалыкларны  “тагы яңалыклар”  га кереп  укыгыз.

Хөрмәтле әти- әниләр, Сезгә түбәндәге мәгълүматларны җиткерәбез:

1. 23 май көнне "Саба дулкыннары" радиосының "Хәбәрләр" тапшыруында өлкән тәрбияче Халитова Ф.Р. чыгыш ясаячак.

2.22 май көнне мәктәпкә әзерлек төркемен видеога төшерәчәкбез.

3.23 май көнне балалар иҗат үзәгендә "Универсиадага безнең сәлам" театр конкурсында катнашачакбыз.

4.23 май көнне мәктәп укытучылары белән очрашу һәм түгәрәкләр эшчәнлегенә отчет җыелышы була.Башлана-16.00 сәг.тә.

5.25 майда "Нарат" боз сараенда "Күңелле стартлар" ярышында катнашабыз.

Без кечкенәдән үк балаларга физик тәрбия бирәбез. Сәламәт яшәү рәвеше турында төрле формада аңлату эшләре алып барабыз. Бу атна дәвамында балаларга башкалабыз Казанда үтәчәк универсиада турында әңгәмәләр үткәрдек, балалар төрле спорт төрләре белән таныштылар, рәсемнәр ясадылар, презентация аша Казанның ярышлар үтәчәк спорт сарайлары, Универсиада авылы һ.б. белән таныштылар. Безнең балалар кечкенәдән үк боз сараенда тимераякта шуарга өйрәнделәр, 25 майда үтәчәк ярышка әзерләнәләр, бассейнда йөзәргә өйрәнделәр, теннисны бик яратып уйныйлар. Бу атнада аларның ярышлары үтте. Командалар арасында дуслык җиңде, теннис түгәрәгенә мәктәпкә кергәч тә дәвам итәчәкбез, спортны бик яратабыз диләр алар.

Универсиада темасын йомгаклап, бакчабызда "Хуш киләсең, УНИВЕРСИАДА!" ярыш- күңел ачу чарасы үткәрелде.

Универсиада безне җыя

Берләштерә безне спорт,яшьлек.

Җиңелсәк тә, дуслар, үпкәләмик

Һәрвакыттагыча дус яшик.

Бакчабызда  мәктәпкә әзерлек төркеме балаларының мәктәпкә әзерлекләрен ачыклау максатыннан диагностика үткәрелде. Диагностиканы район  мәгариф бүлеге комиссиясе түткәрде. Барлык балаларның да мәктәпкә әзер булулары , балалар бакчасының белем бирү программасы үтәлүе ачыкланды. Балаларны һәм аларның тәрбиячеләрен котлыйбыз. Балаларга мәктәптә дә зур уңышлар телибез.  

Экологик айлыкны  тәмамлап, зурлар төркеме "Каен кызы" экологик күңел ачу- бәйрәм иртәсе үткәрделәр.  Бу кичә аша без балаларны каенның файдасы белән таныштырудык. Табигатьнең гүзәллеген , байлыгын күрү һәм сак караш тәрбияләүне дәвам итәбез.

Пәке белән чокып ак каенның

Яралаган кемдер кайрысын

Табылырмы дәва ярасына

 Кемнәр аңлар каен кайгысын?

                               Кышкы салкыннарга бирешмәсен

                               Сынмаган ул җилгә -давылга.

                               Шул сылукай бүген  яшен түгә

                               Шаулап яфрак ярыр чагында.

  И, дусларым !Тыңлагызчы

Корытмыйк яшеллекне

Агачларга  карата

Булыйкчы кешелекле.