Күңелле дә, ямансу да,

Сере нәрсәдә моның?

“Кыңгырау” бала очыра,

 Истәлекле көн бүген.

И, балалар, бүген сезнең

Олы бәйрәм көнегез.

Шатланып, матур киенеп,

Сез бакчага килдегез.

Бакчабызда үткәрдегез

Кышны, язны, җәйләрне.

Бүген сезнең бакча белән

Саубуллашу бәйрәме!

               Бәйрәмгә Үги ана, аның ике кызы килеп, балаларны, Золушканы мәктәпкә  җибәрергә теләмичә, каршылыклар күрсәтәсе иделәр, балалар белемлерәк булып чыктылар, аларга Тылсымчы да булышты.

Сау бул инде, гүзәл бакча,

Безнең җылы оябыз.

Синдә үсеп канат ярдык,

Инде юлга чыгабыз.

Гөлләр булып сибелербез,

Су булып түгелербез,

Кошлар булып очып китеп,

Офыкка күмелербез.

Алып менәр йолдызларга

Монда үскән канатлар.

Йолдызлардан тезәрбез без

Барыр юлга маяклар.

Нәрсә булган, уенчыклар

Бар да шундый күңелсез.

Әллә инде без киткәнгә

Ямансулыйсызмы сез?

Аю моңаеп утыра,

Озын колак куян да.

Әтәчкә дә нидер булган,

Аквариумда балыкка да.

Һәммәсе дә сүз куйгандай

Әллә телсез калганнар.

Тәрбияче апалар да

Әллә елап алганнар?!

Ә курчаклар, әйтерсең лә,

Бездән башка ямь тапмый.

Утырганнар да бер почмакка

Моңаеп безне тыңлый.

Моңаймагыз, курчакларым,

Моңаймагыз, дусларым!

Әйдә соң бер биеп алыйк,

Хушлашканчы, дусларым!

Атна ахрында әти- әниләр арасында “Тату гаилә” конкурсы уздырылды. Бик матур рәсемнәр, плакатлар,  төрле кул эшләре алып килделәр. Иң  оргиналь дип уртанчылар төркеменнән  Гайнуллиннар гаиләсенеке табылды.

Атна темасын тәмамлап, “Түгәрәк аланда” театры куелды. Алар табигатьне сакларга, сау- сәламәт яшәү рәвеше алып барырга өндәде. Мәктәпкә әзерлек төркеме куйган театрны  кечкенә балалалар бик ошаттылар.

Безнең мәктәпкә әзерлек төркеме балалары балаларны яклау көненә багышланган  “Күңелле стартлар” ярышында 3 урынны алдылар. Катнашучыларга медальләр, кубок, һәр балага бүләк бирелде. Балаларны ярышка әзерләгән тәрбиячеләр Солтанова М.Р, Мухаметшина С.С., кече тәрбияче Яруллина А.М., Каюмова Н.Н. га “Нарат” боз сарае исеменнән рәхмәт хаты тапшырылды. Балаларны һәм хезмәткәрләрне уңышлары белән котлыйбыз, алга таба да уңышлар телибез.

23 май көнне район буенча үткәрелгән  “Универсиадага безнең сәлам” театрында “Универсиадага әзерлек” театры белән катнаштык. Балалар рольләрне тырышып башкардылар. Балалар бакчасына район мәгариф бүлеге грамотасы, һәр катнашучы балага бүләкләр тапшырылды.

Бакчабызда бүген әти- әниләр, укытычылар өчен “Без нәрсәләргә өйрәндек” темасына җыелыш- күңел ачу  программасы күрсәтелде. Җыелышны мөдир Алсу Маратовна  башлап җибәрде. Ул эшләнгән эшләр, үткәрелгән чаралар турында сөйләде.  Өлкән тәрбияче Флюзия Рафаиловна белем- тәрбия процессы, мәктәпкә әзерлек төркеме баласының социаль портреты, йомгаклау диагностикасы турында чыгыш ясады. Аннан   балалар чыгышы дәвам итте.