Без бүген бакчабызда татар халкының олы бәйрәме- Сабантуен үткәрдек. Сабантуй - ул хезмәт бәйрәме, Сабантуй - ул дуслык бәйрәме, Сабантуй - ул һәркемнең көтеп алган изге бәйрәме. Балалар бакчасында эшләүче барлык тәрбиячеләр, апалар исеменнән мөдиребез Алсу Маратовна балаларга  бәхетле балачак, ныклы сәламәтлек, алдагы көннәрегез дә бүгенге кебек ямьле, күңелле булсын, өстәлләребездә ризыклар мул булсын! дип теләде.

Балалар барлык төр уеннарда бик теләп катнаштылар, көч сынаштылар. Бәйрәм күтәренке рухта үтте!

        Сабан туе, хезмәт туе,

        Шатлык һәм бәхет туе

        Бәйрәм итик көн буе!

        Котлы булсын, балалар,

        Ямьле Сабан туйлары!

Бүген, "Балачак" балалар бакчасында  район экологик фестиваль узды. Бу бәйрәмдә безнең бакчадан зурлар төркеме балалары катнашты. Балалар табигатьне сакларга, якларга, танырга, табигать кочагында үз-үзләрен тотарга, аны  тыңларга өйрәнделәр. Үзләренең белемнәрен сынадылар. Барлык биремнәрне үтәп, зирәклекләрен, тапкырлыкларын күрсәтеп, балалар нәни тәбигать сөючеләр рәтенә кабул ителделәр. Бәйрәм  күңелле булды, барыбызга да ошады!

Бүген Район мәдәният йортының спортзалында балаларның сәламәтлеген пропагандалау, патриотик тәрбия бирү, өстәл теннисын популярлаштыру, үстерү максатыннан "Балаларны яклау көне"һәм "Россия көне" уңаеннан өстәл теннисы район фестивале узды. Безнең бакчабыздан команда ярышларында 6 бала катнашты: Шарафутдинов Радик, Мухаммадиев Дияз, Ибрагимов Мурат, Саетова Зәлия, Валиева Мәрьям, Шакирова Динә. Баларыбыз спорт ярышларында нәтиҗәле катнашып  2 урынга лаек булдылар. Аларны бу җиңүләре белән котлыйбыз һәм рәхмәтләребезне җиткерәбез!

"Я -за мир на дорогах!" район рәсем конкурсының "Я и родитель" номинациясендә мәктәпкә хәзерлек төркеменнән Мустафин Булат 3 урынга ия булды.Аңа грамота һәм истәлекле бүләк тапшырылды.Булатны бу җиңүе белән котлыйбыз һәм мәктәптә дә зур уңышлар телибез!

Бүген , 6 июнь көнне, рус теле тәрбиячесе Мавлявиева Ләйсән Альфакаровна, бөтенроссия рус теле көне уңаеннан "Пушкин һәм аның әкиятләре" исеме астында чара  үткәрде. Балалар  белән А.С. Пушкинның тормышы, аның иҗаты турында әңгәмә үткәрелде, "Алтын балык" әкияте буенча мультфильм күрсәтелде.

Бүген безгә кунакка яңадан клоун Смешинка килде. Ул балаларны поезд белән сәяхәткә чакырды. Смешинка төрле тукталышларда балалар белән кызыклы уеннар оештырды.Уеннар күңелле, заманча биюләр белән үрелеп барды. Ахырда  клоун балаларга төсле мелоклар бүләк итеп бергәләшеп асфальтта рәсемнәр ясадылар. Балалар бик шат булдылар.

Җәйнең беренче көне- балачак иленең иң матур бәйрәме. Шуңа күрә дә балалар бу көнне зур түземсезлек белән көтеп ала.  1 июнь -балаларны яклау көне уңаеннан бүген бездә бәйрәм чарасы үткәрелде, бу бәйрәмгә Саба телерадиокомпаниясе журналистлары да чакырылган иде. Кунакка Смешинка исемле клоун килде. Ул балаларга җәй турында табышмаклар алып килгән иде, дөрес җаваплар алгач балаларга шарлар бүләк итте.Балалар Смешинкага шигырьләр сөйләделәр, җырладылар, биеделәр. Клоун бәйрәмне ошатуын әйтте һәм иртәгесен төсле меллар алып килеп бергәләп асфальтта рәсем ясарга тәкъдим итте. Балалар бик теләп риза булдылар. 

Бүген  бакчабызда 2015-2016 уку елын йомгаклау педкиңәшмәсе үтте. Мөдиребез  Мубаракшина Алсу Маратовна педагогларны уку елын исән-сау тәмамлау белән котлады һәм  алга таба да бергә тату, борчуларсыз, балаларыбыз исән-имин булып эшләргә язсын дип теләде.Өлкән тәрбияче Ләйлә Рафаэловна белем һәм тәрбия бирү бирү юнәлешендә  еллык эшкә анализ ясады. Җәйге чорда эшләнәсе эшләр  планы кабул ителде. Киләсе уку елына  "От рождения до школы" программасын кабул итәргә дигән тәкъдим кертелеп, бертавыштан кабул ителде.