Кошлар атналыгын истә тотып, бүген зурлар төркемендә  тәрбияче Шамсутдинова Лениза Мисбаховна  кисеп-ябыштыру эшчәнлегендә сыерчык оясы ясатты. Балаларның кәгазьне дөрес итеп бөкләп, пөхтә итеп эшләү күнекмәләре үстерелде. Кош оялары турында презентация күрсәтелде, балалар кош ояларының төрле булуын кызыксынып күзәттеләр.

Буялган бер оя бар

 Бакчада – зур агачта,

Очып килә шул ояга

Сыерчык яз булгач та.

Шунда тора, шунда йоклый,

Шунда бала үстерә,

Матур итеп сузып сайрый

Басып оя өстенә.

Бүген музыка мәктәбе укучылары  балаларыбызга концерт куйдылар.Аларның күбесе бездә тәрбияләнеп чыккан балалар булуы безне бик сөендерде.Укучыларның музыка коралларында уйнаулары, моңлы җырлары, дәртле биюләре  балаларыбызга бик ошады. Концертны әкият геройлары Аю һәм Тиен алып баруы аеруча күңелле булды. Концертны оештыручыларга һәм катнашкан укучыларга зур рәхмәтебезне җиткерәбез!

“Кошлар- безнең канатлы дуслар!” атналыгы кысаларында 2 кечкенәләр төркеме балалары  күчмә кошларга оялар ясадылар. Рахимова Элеонораның әтисе кошлар өчен  бик оригиналь оя ясап балаларны куандырды.

Бу атнада "Кошлар - канатлы дуслар!" темасына эшчәнлекләр башланып китте.  Балаларда кошларга карата сакчыл караш, мәрхәмәтлелек сыйфатлары тәрбияләү,күчмә кошлар, аларның үзенчәлекләре яклары турындагы белемнәрен камилләштерүмаксат итеп куелды. Балалар  бүген бик теләп кошлар турында рәсемнәр ясадылар.

Бүген, 18 март көнне, район күләмендә чит телләр фестивале үтте. Безнең  "Кыңгырау" балалар бакчасыннан мәктәпкә әзерлек төркеменнән Шарафутдинов Радик шигырь сөйләү номинациясендә 3 урынга лаек булды. Радикны һәм инглиз  теле тәрбиячесе Гараева Әлфия Мубаракшовнаны җиңүләре белән котлыйбыз!

Район чит телләр фестивалендә зурлар төркеме балалары "Кызыл тавык"театрын күрсәттеләр. Балалар үзләренең осталыкларын һәм инглиз телендә дөрес итеп сөйләшүләрен тамашачыларга җиткерделәр. Балалар катнашучы сертификатлары белән бүләкләнделәр, аларга алдагы конкурсларда уңышлар телибез.

Ел саен төркемнәр арасында "Тәрәз төбендә яшелчәләр!" конкурсы үткәрелә. Быел да бу конкурста барлык төркемнәр дә бик теләп катнаштылар. Конкурс нәтиҗәләре буенча 1 урын - зурлар төркеменә, 2 урын - мәктәпкә әзерлек төркеменә һәм 3 урын - уртанчылар төркеменә бирелде. Барлык катнашучыларга рәхмәтебезне җиткерәбез!

Бүген сөйләм үстерү белем бирү эшчәнлеге беренче кечкенәләр төркемендә "Язгы урман" темасына үтте.Тәрбияче  Хайриева Гөләрия Тагировна "паровоз"га, балалар "вагоннар"га утырып  урманга сәяхәткә бардылар. Язгы урманда,куян һәм тиенгә хас сыйфатларны кабатладылар. Кайда? Нинди? сорауларына җавап бирергә өйрәнделәр. Белем бирү эшчәнлегендә балаларның игътибарын, күзәтүчәнлекләрен үстерү, табигать объектларына сакчыл караш тәрбияләү максатлары да тормышка ашырылды. Язгы урманда агачлар булып селкенү, куяннар булып сикерү балаларның кәефләрен күтәрде, хәрәкәт активлыгын үстерде.

Зурлар төркеме балалары белән тәрбияче Шамсутдинова Лениза Мисбаховна танып белү үсеше буенча математикадан эшчәнлек күрсәтте. Ул балаларны "Яз" шәһәрендә яшәүче Умырзая исемле кызның туган көненә чакырды.Балалар белән бергә кунакка Белмәмеш тә барырга теләк белдерде. Шәһәргә барып җитү өчен бик күп төрле биремнәр үтәргә туры килде. Балалар үзләре белгәнне Белмәмешкә дә өйрәтә бардылар: буталган санлы такталардан күпер төзеделәр, атна көннәрен татарча да, русча да кабатладылар. Урман яныннан үткәндә куяннарга бүредән качарга ярдәм иттеләр. Логик мәсъәләләр чиштеләр. Эш дәфтәрләрендәге биремнәрне дә тиз арада үтәделәр. Интерактив такта ярәмендә балалар биремнәрне үтәп шәһәргә килеп җиткәннәрен сизмәделәр дә. Кунаклар Умырзаяның туган көненә  бик теләп "Ак калач" уйнадылар

Бүген зурлар төркеме балалары тәрбияче апалары Ганиева Фәния Фаттаховна белән төсле җепләр кулланып  Болгария иле үрнәгендә язгы бүләкләр ясадылар. Болгариядә мондый бүләкләрне март ае хөрмәтенә "Мартенички" дип йөртәләр икән. Балалар -кояш, осьминог уенчыкларын бик теләп  ясадылар һәм кемнәргә бүләк итәселәрен сөйләделәр.