Кем генә космонавт булырга теләми икән? Зурлар төркеме балалары космонавтлар булып ракета белән галәмгә очтылар. Кояш системасы, планеталар белән танышып, иллюминатордан күзәтеп, космоста күргәннәрен рәсемгә төшерделәр. 

12 апрель – Бөтендөнья авиация һәм космонавтика көне. Бүгенге белем бирү процессы да  шушы чарага багышланды. Музыка шөгылендә зурлар төркеме балалары музыка җитәкчесе Галимуллина А.Р. белән космонавтлар булып ракеталарга утырып, матур музыка астында космоска очтылар. Анда төрле планеталарны очратып, аларның исемнәрен искә төшереп, ритмга салып чәбәкләп һәм җырлап күрсәттеләр.  Интерактив такта ярдәмендә күңелле видеоклип астында биеделәр, һәм үзләре яраткан “Йолдызлар һәм роботлар” музыкаль-хәрәкәтле импровизация уен уйнадылар.  

Икенче кечкенәләр төркемендә бүгенге иҗади сәнгать –рәсем белем бирү эшчәнлеге “Балыкка аквариум” темасы астында үтте. Тәрбияче Мухаметшина С.С. аквариумдагы балыклар турында белемнәрне киңәйтү, түгәрәк ясау һәм пөхтә итеп буяу күнекмәләрен үстерү максатларын тормышка ашырды. Сөенеч мизгелендә кергән песи ашарга теләгән балыкларга ярдәм итү, кайгыртучанлык, саклык хисе тудырды. Балалар бик тырышып балыкларны песидән яшерер өчен аквариум ясадылар, өйләрендә дә балыклар булдырырга теләк белдерделәр.

Бүген тәрбияче Богавеева Г.Ш. уртанчылар төркеме балалары белән “Чыпчыклар күлләвектә” исеме астында аппликация буенча белем бирү эшчэнлеге үткәрде. Ул балаларны квадратның дүрт почмагын бер-бер артлы түгәрәкләп кисеп, түгәрәк кисәргә ойрәтте, аларга композиция вариантларын күрсәтеп, иҗади күзаллауларын үстерде . 

Бүген тәрбияче Ганиева Ф.Ф. һәм музыка җитәкчесе Галимуллина А.Р. зурлар төркеме балалары белән танып белү (ана теле) һәм музыкадан “Яңгыркаем, яу, яу” темасына интегральләштерелгән шөгыль  уткәрделәр. Балалар табигатьтә була торган үзгәрешләр белән танышып, яңгырның каян килеп чыгуын схема буенча ачыкладылар, “Язгы тамчы” исемле җырны тыңлап, интерактив такта ярдәмендә “Күңелле тамчылар” музыкаль-ритмик күнегү эшләделәр һәм “Капельки” биюен башкардылар. Шулай үк шөгыль барышында тәҗрибәләр аша балаларның танып белү күнекмәләре үстерелде. Суга сак караш тәрбияләнде. 

Мәктәпкә әзерлек төркеме балалары белән тәрбияче Шамсутдинова Лениза Мисбах кызы ана теленнәе "Су-яшәү чыганагы" темасы астында шөгыль үткәрде. Презентация аша табигатьтә була торган үзгәрешләр турында балаларның күзаллаулары киңәйтелде. Гади тәҗрибәләр аша, мәсәлән: суны эчеп карап-тәме булмавы, иснәп карап-исе һәм төсе булмавын ачыклау, балаларда зур кызыксыну уятты. Яңгырның ничек барлыкка килүен дә балалар игътибар белән тыңладылар.

31 март көнне бакчабызда әти-әниләр җыелышы узды.  Габбасова Ләйсән Равилевна сөйләм үстерү  һәм иҗади- сәнгать үсешләрен интегральләштереп “Язгы урманга сәяхәт” темасына эшчәнлек күрсәтте. Икенче көн тәртибе буенча тәрбияче Хайриева Гөләрия Тагировна әти-әниләрне ике командага бүлеп “Бала хокуклары” темасына эшлекле уен оештырды. Әти-әниләрне хокукый документлар һәм аларның мәгънәсе белән таныштырды. Өченче көн тәртибе буенча тәрбияче Шамсутдинова Лениза Мисбаховна  танып белү үсеше юнәлешендә математика эшчәнлеге күрсәтте. Эшчәнлекләр тәмамланганнан соң әти-әниләр игътибарына инглиз телендә “Шалкан” әкияте тәкъдим ителде. Әти-әниләр белән беррәттән җыелышка Гимназия һәм Сәләтле балалар мәктәбеннән вәкилләр  чакырылган иде. Билалова Ләйсән Ракиповна, Фатыхова Алсу Зуфаровналар үзләренең мәктәпләре турында тулысынча мәгълүмәт бирделәр, әти-әниләргә киңәшләрен җиткерделәр, аларны бочыган сорауларга җавап бирделәр.Җыелыш күңелле мизгел – төрле конкурсларда катнашкан балаларга грамоталар тапшыру белән тәмамланды.

Һәр ай шикелле апрель ае да 1нче числодан башланып китә. Әмма айның башлану көненең исеме бик җитди түгел . 1 апрель«Көлке көне». Көлке көне күп илләрдә билгеләнеп үтүче рәсми булмаган халыкара бәйрәм.Бүген безнең бакчабызда да “Юморина” үтте. Кунакка Капитошка исемле клоун килде. Ул балалар белән күңелле зарядка үткәрде, аларга шаян сораулар бирде, клоуннар турында кызык мультфильм күрсәтте. Балалар белән бергә биеде, җырлады, күңел ачты.

Февраль аенда үткән “Мой питомец”  VБөтенроссия рәсем конкурсында бакчабыздан 27 бала катнашкан иде.  Балаларны конкурска әзерләгән һәм актив катнашкан өчен 12 педагогыбызга сертификат килде.