Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан»
Визитная карточка
| Адрес: | 422060, Республика Татарстан, Сабинский район, пгт. Богатые Сабы, ул. Г.Закирова, д.54 |
| Телефон: | +7(843)-622-45-85;+7(917)-893-99-06 |
| E-Mail: | dsad4@yandex.ru |
| Министерство: | Министерство образования и науки Республики Татарстан |
| Короткое название: | МБДОУ Сабинский детский сад №4 "Кынгырау" |
| Руководитель: | Халитова Флюзия Рафаиловна |
| Год основания учреждения: | 1990 |
| У нас учатся: | 119 |
| У нас учат: | 14 |
Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан» - новости
Страницы: << 171 172 ( 173 ) 174 175 176 177 178 179 180 >>
-
"Тукай -безнең күңелләрдә!" 25.04.2016
Бүген бакчабызда Габдулла Тукайның 130 яшьлек туган көненә багышлап ”Тукай - безнең күңелләрдә!”темасына эшчәнлекләр башланып китте.
Г.Тукай – балалар язучысы. Һәр буын балалары аның әсәрләрен яратып, кызыксынып укый. Габдулла Тукай кыска гына гомере эчендә искиткеч шигырьләр язып калдыдырга өлгерә.
Тәрбиячеләр балаларны шагыйрнең тормыш юлы һәм иҗаты белән таныштыралар, бергәләп әдәби әсәрләрен тыңлыйлар һәм сөйләргә өйрәнәләр.
Тукай дигән бөек бер шагыйрь бар,
Саф йөрәкле шагыйрь , татарда
Еллар үткән саен аның моңы
Күңелләрдә кабат яңара.
-
Ачык эшчәнлек 22.04.2016
Бүген тәрбияче Хайриева Гөләрия Тахировна 2 кечкенәләр төркеме балалары белән иҗади сәнгать юнәлеше буенча интегралләштерелгән эшчәнлек күрсәтте. Балалар дәү әнидә кунакта булып аңа чәчәкләр үстерүдә ярдәм иттеләр. Яз турындагы белемнәрен ныгыттылар,Дәү әнинең яшь вакытында уйнаган татар халык уеннарын уйнап искә төшерделәр. Балалар эшчәнлектә бик актив булдылар, барлык биремнәрне дә теләп башкардылар.Кунактан күтәренке кәеф белән кайттылар.
-
"Ут белән шаярма!" 22.04.2016
Соңгы араларда балалар арасында янгыннарны кисәтү буенча системалы эш алып барыла. Көнкүрештә янгын куркынычсызлыгының элементар нормаларын балага кече яшьтән үк өйрәтергә кирәк. Ә инде бу эш гаилә белән берлектә алып барылса, нәтиҗәсе яхшырак була. Бу атнада безнең “Ут белән шаярма!” темасына стенгазета конкурсы үтте. Әти-әниләр дә, балалар да бу конкурста бик теләп катнаштылар.1 урынга мәктәпкә әзерлек төркеменнән Мухаммадиевлар, 2 урынга – зурлар төркеменнән Галиевлар, мәктәпкә әзерлек төркеменнән Валиахметовлар, 3 урынга уртанчылар төркеменнән Якуповлар гаиләләре чыктылар. Аларны җиңүләре белән котлыйбыз!
-
УМК 21.04.2016
Бу атна дәвамында уртанчылар, зурлар һәм мәктәпкә әзерлек төркемнәрендә УМК ны эштә нәтиҗәле куллану буенча комплекслы тикшерү бара. Педагогларның эшчәнлекләренә, балалар белән режим һәм саф һавада булу вакытларына анализ ясала. УМК һәм НРК почмагындагы эшләренә бәя бирелә.
-
Росток-интеллектум
20.04.2016
Бүген балаларыбыз Бөтенроссия “Росток” конкурсының “Интеллектум” турында ктнаштылар. Зурлар төркеменнән 10, мәктәпкә әзерлек төркеменнән 9 бала үзләрен төрле биремнәрдә сынадылар. Катнашучы балаларга зур җиңүләр теләп калабыз!
-
Янгын куркынычсызлыгы 19.04.2016
Бу атна янгын куркынычсызлыгы кагыйдәләре белән танышуга, балаларга янгын чыгу очрагында үзләрен дөрес тоту күнекмәләрен өйрәтүгә багышлана.Зурлар төркеме балалары иҗади-сәнгать эшчәнлекләрендә янгын сүндерү машинасын кисеп ябыштырдылар, ут сүндергеч әвәләделәр. “Бәхетле очрак” уенында ярышып үзләрен сынадылар.
-
Уттан сак булыгыз 18.04.2016
Мәктәпкә әзерлек төркеме балалары белән тәрбияче Шамсутдинова Лениза Мисбаховна ана теле эшчәнлегендә янгын куркынычсызлыгы темасына әңгәмә үткәрде. Ут чыгу куркынычы булган предметлар белән сак булырга кирәклеге турында сөйләде, янгын куркынычсызлыгы кагыйдәләре белән якыннан таныштырды, балалар янгын очрагында үзләрен дөрес тоту күнекмәләрен искә төшерделәр.
-
"Күк йөзе" 14.04.2016
Бүген икенче кечкенәләр төркемендә иҗади сәнгать –рәсем белем бирү эшчәнлеге “Күк йөзе” темасы астында үтте .Балалар презентация ярдәмендә күк йөзе,йолдызлар,кояш турындагы белемнәрен киңәйттеләрТәрбиячеләре Хайриева Гөләрия Таһировна ярдәмендәальбом битләрендә бик тырышып язгы кояш,күк йөзе рәсемләделәр. Эшләгән эшләренә канәгатълек хисе алып әниләренә күрсәтергә теләк белдерделәр.
-
Тере болытлар 13.04.2016
Космос темасын дәвам итеп, тәрбияче Шакурова Р.М. уртанчылар төркеме балалары белән аппликация белем бирү эшчәнлегендә "тере" болытлар ясадылар. Балалар формасы буенча таныш предметларга һәм җәнлекләргә ошаган болыт сүрәтләргә өйрәнделәр. Аппликациянең ертып алу техникасын үзләштерделәр, берәр нәрсәгә ошатыр өчен өстәмә өлешләр (колак, канат, аяк һ.б.) ертып, бөгәрләп, ябыштырып куйдылар. Һәр бала үз болытына исем кушты, аның турында һикәя сөйләде.
Куян, песи һәм поши
Төлке, аю һәм бүре
Безнең балалар бүген
Болытларны терелтте.
-
"Галәм киңлекләре" 12.04.2016
Бу атна "Галәм киңлекләре" дигән тема астында үтә. Барлык шөгыльләр шул темага багышлана. Мәктәпкә әзерлек төркеме балалары белән тәрбияче Шамсутдинова Л.М. ана теле белем бирү эшчәнлеген галәм һәм кояш системасы турында әңгәмә рәвешендә үткәрде. Балаларда нәрсә ул космик сәяхәт, космоста кешенең хезмәте турында презентация аша беренче күзаллау булдырылды. Беренче очучы Ю.Гагарин белән танышу аша илебезгә карата горурлык хисләре тәрбияләнде.
