Хәрәкәтле уеннар-җитезлеккә, көчкә, зирәклеккә сынау ул. Кечкенә вакытта алынган хәрәкәт күнекмәләре нәниләргә әйләнә-тирә белән якыннан танышырга ярдәм итә. Икенчн кечкенәләр төркеме балалары да тәрбияче апалары Хайриева Г.Т. белән хәрәкәтле уеннар уйнарга яраталар. Аеруча "Куып тот", "Мәче һәм тычканнар", "Төрле төстәге өйләр", "Куян", "Аю һәм бал кортлары" уеннарын бк теләп уйныйлар. Тәрбияче бу уеннарда балаларның бер-берләренә бәрелешмичә төрле юнәлештә йөгерүләрен максат итеп куя.

Мәктәпкә әзерлек төркеме балалары белән тәрбияче Шамсутдинова Л.М. "Квадратта декоратив рәсемләү" темасы астында  рәсем шөгыле үткәрде. Балалар палитрада төсләр ясап, пумала белән төрле чәчәкләр, яфраклар, дугалар рәсемләделәр. Бу бизәкләрнең татар халык бизәкләре икәне аңлатылды.Мондый рәсемләү балаларга бик ошады.   

Тәрбияче Богавеева Г.Ш. зурлар төркемендә "Туган Татарстаным. Яшеллеккә күмелгән туган илем" темасы буенча ана теле  шөгылен үткәрде. Шөгыльнең максаты итеп ул балаларда туган якка карата ярату хисләрен тәрбияләүне, тирә-юнь турындагы белемнәрен киңәйтү исәбенә сүз байлыгын арттыру, активлаштыру, диалогик сөйләмне үстерүне, Татарстан башкаласы Казан турындагы белемнәрен тирәнәйтүне, Татарстан символикасы һәм аның мәгънәсе белән таныштыруны алды. Балалар белән слайдлар һәм рәсемнәр каралды, Татарстан картасы өйрәнелде. "Туган җирем-Татарстан" җыры да тыңланды.

Бүген мәктәпкә әзерлек төркеме балалары тәрбиячеләре Г.Г.Якупова белән Татарстан республикасы, Казан шәһәрендә сәяхәттә булдылар. Республикабызның символлары, тарихи урыннары, Саба районы турында белгән мәгълүмәтларны ныгыттылар. Туган ягыбызга карата горурлык хисләре тәрбияләнде.

Агымдагы елның 1 октябреннән Татарстанда өлкәннәр декадасы башланды. Без “Кыңгырау” балалар бакчасы коллективы бу уңайдан үзебездә эшләп чыккан 17 хезмәткәребезне кунакка  чакырдык.Өлкән тәрбияче Валимухаметова Ләйлә Рафаэловна котлау сүзләре белән чыгыш ясады.Өлкәннәрне котлап бүләкләр тапшырылды. Бәйрәм чәй табыны артында дәвам итте. Кунакларыбыз сыйлы табын артында рәхәтләнеп яшьлекләрен, бергә эшләгәндәге күңелле мизгелләрне искә төшереп, дөнья хәлләрен сөйләшеп  матур концерт карап утырдылар.

Мәктәпкә әзерлек төркеме балалары тәрбиячеләре Шамсутдинова Л.М. белән "Икмәк-яшәү терәге" атналыгын йомгаклап, әвәләү шөгылендә тозлы камырдан кибет уенына ипи, булки әвәләделәр. Максат итеп икмәккә хөрмәт тәрбияләү, тозлы камырдан төрле ризыклар әвәләүгә кызыксыну уяту алынган иде. Балаларга тозлы камыр белән эшләү бик ошады.

Нинди генә төсләре юк!

Күреп исең китәрлек.

Яфрак ява, яфрак ява,

Юлыбызга түшәлеп!!!

Безнең нәниләр физкультураны бик яраталар. Бүген дә алар физкультура тәрбиячесе Гараева А.М. белән берлектә  урманга барып төрле күнегүләр эшләделәр. "Ауган агач" астыннан чыгып, тиеннәрне күркә белән сыйладылар.

2 кечкенәләр төркеме балалары математиканы уйный-уйный үзләштерәләр. Тәрбиячеләре Хайриева Г.Т. белем бирү эшчәнлеген бик кызыклы итеп уен формасында үткәрде. Уен барышында балалар квадрат һәм түгәрәкне(круг) атый һәм таный белергә өйрәнделәр,предметларны сыйфатлары буенча классификацияли,характерлы билгеләр буенча  образлар ясарга өйрәнделәр.