17-25 апрель көннәрендә "Язгы мәрхәмәтлелек атналыгы" дип игълан ителде. Шуңа әзерлек максатыннан, бүген 5 сыйныф "Ак җилкән" отрядында җыен булып үтте. Җыенда укучыларга бу атнада нинди эшләр эшләргә кирәклеге, килеп чыгышы, үткәрелү максатлыры аңлатылды. Алар белән берлектә "игелек" агачы ясадык, анда җимешләр беркеттек, бу җимешләр "Язгы мәргәмәтлелек атнасы"нда эшләнәсәк эшләр күләмен аңлата. Шулай булгач әле безне алда зур эшләр көтә.
Шулай ук хәрәкәтле уеннар өлешендә биеп күңел ачтык, игътибарлылыкны тикшерү максатыннан төрле уеннар уйнадык.
Бүгенге җыен аеруча да күңелле һәм мавыктыргыч үтте.

Бүген мәктәбебездә террорлык актларына каршы саклык чаралары белән таныштыру максатыннан линейка үткәрелде. Полиция майоры Гатин М.М. укучыларны  куркынычсызлык кагыйдәләре белән таныштырды.

Мәктәбебезнең башлангыч сыйныфлары белән берлектә бүген кошлар көненә багышланган отряд җыены үткәрелде. Җыенда укучылар белән  “Канатлы дусларыбызны саклый” дигән презентация белән таныштык. “Кошларны таны”, “Иң оста кош ясаучы” дигән мавыктыргыч уеннар уйнадык. Шулай ук кошларга характеристика бирдек, алар турында сынамыш-мәкальләр белән дә таныштык. Ә практик күнекмәләр өлешендә укучылар белән “Кошлар-безнең дуслар” дигән исем астында плакат эшләдек. Җыен бик файдалы һәм кызыклы үтте. Канатлы дусларыбызны кыерсытмыйк, аларны саклыйк, яклыйк!

Бүген Сәләтле балалар мәктәбендә, укучы егет, кызларыбызга "Яшь биологлар" турниры үткәрелде. Чарада мәктәбебезнең 10 нчы сыйныф укучылары Гарипова Г.Р. һәм Зарипова Р.Р. да бик актив катнаштылар. Төрле мәктәп укучылары берничә төркемгә берләшеп 6 турдан торган сынауларны үттеләр. Укучылары бу чарага бик яхшы әзерләнгәннәр иде, ләкин тырышлык бушка китми мәктәбебез укучылары I урынны яуладылар. Молодцы, укучылар! 

Бүген Сабаның Сәләтле балалар мәктәбендә укучы егет-кызлар арасында районара "Мин-Мастер" конкурсының III туры булып узды. Биредә мәктәбебезнең 8 нче сыйныф укучылары Гарифуллина Г.И. һәм Кадыйров Р.Р.  үзләренең көчләрен сынадылар. Уңышлы гына чыгыш ясадылар. Молодцы, укучылар! Алга таба да сезгә уңышлар телибез.

Язгы каникул көннәрен файдалы уздыру максатыннан, бүген башлангыч сыйныф укучылары Лесхоз "Нарат" боз сараенда кунакта булдылар. Биредә алар үзләренең сәламәтлекләрен тагы бер кат ныгыттылар һәм рәхәтләнеп ял иттеләр.

Кызыл Мишә мәдәният йортында бүген районкүләм узучы "Созведие - Йолдызлык" конкурс-фестиваленең 1 нче туры булып узды. Әлеге конкурста 21 яшькәчә теләгән һәркем катнаша ала. Мәктәбебез укучылары, шулай ук педагог-оештыручы Файзуллина А.М. бу конкурста үзләренең көчләрен сынап карадылар. Нәтиҗәдә Файзуллина А.М. 2 нче турга чакыру алды. Котлыйбыз!

Тимершык мәдәният йортында ата-аналар комитетының "Сыйныфның дуслык серләре" дигән республикакүләм конкурсының район этабы булып үтте. Бик актив рәвештә бу конкурста мәктәбебезнең "Бердәмлек" командасы да чыгыш ясады. Конкурс 4 өлештән торды: команда белән танышытыру, мәктәпнең эшчәнлеген күрсәтү һәм жюри биргән сорауларга төгәл җавап бирү. Мәктәбебезнең "Бердәмлек" командасы сынатмады, бик оешкан төстә барлык сынауларны да югары нотада үтте. Молодцы!

Бүген районыбызда "Яшә, Саба-йорт" дип исемләнгән Саба районы авылларына багышланган җырлар конкурсының гала-концерты булып үтте. Бу конкурста Галимов Фәннур Әхсәнович җитәкчелегендәге "Туган як" ансамбле "Шыңарым чишмәләре" дигән җыр белән уңышлы чыгыш ясадылар һәм I урынга лаек булдылар. Аларны уңышлары белән тәбриклибез, эшләрендә, укуларында зурдан зур уңышлар телибез.

15 март көнне Казанда "Дулкыннар-2017" конкурсының "Нәфис сүз" номинациясе булып узды. Бу конкурста мәктәбебезнең "Илһам" иҗат төркеме дә катнашты һәм гала концертка чакыру алды. Бүген исә алар гала-концертта чыгыш ясап, махсус бүләккә ия булдылар. Молодцы укучылар. Алга таба аларга уңышлар телибез.