"Дуслык" лагере үз эшен дәвам итә. Бүген укучылар дару үләннәре белән якыннанрак танышты, аларның файдалы үзлекләрен өйрәнде. 

Олы Шыңар урта мәктәбендә "Дуслык" җәйге лагеры үз эшен башлап җибәрде. Бүген укучылар өчен Сабантуй ярышлары үткәрелде.

Районыбызда бүген мәктәпләрдә технология буенча актив рәвештә эшләп килүче түгәрәкләр катнашында техник фестваль булып үтте. Әлеге чарада мәктәбебезнең "Выжигание" түгәрәге җитәкчесе Мөхетдинов Ф.Я. актив катнашты. 

Бүген районыбызның барлык мәктәпләрендә дә соңгы кыңгырау чыңлады. Мәктәбебезне бу уку елында ике 11 сыйныф укучысы, уналты 9 сыйныф укучылары тәмамлады. Укучыларыбыз тарафыннан әти-әниләре, укытучылары өчен бәйрәм тантанасы оештырылды. Рәхмәт сүзләре, җыр-биюләр яңгырады.

Бүген мәктәбебезнең 7 сыйныф укучылары технология фәненнән сыйныфташлары һәм укытучылары алдында проект эше якладылар.

Бүген Пионер оешмасының туган көне. Шул уңайдан мәктәбебездә "Пионерны котла" акциясе һәм күргәзмә оештырылды. Акциядә актив укучылар пионерларга котлау открыткалары тапшырдылар. Өлкәннәребез яшь вакытларын искә төшереп, пионерлар речевкаларын, гимн - законнарын искә алып укучыларыбыз белән уртаклаштылар. Шулай ук "Истәлекле сукмаклар буйлап" дип исемләнгән альбом да эшләнелде. Биредә пионер оешмасында эшләгән авылдашларыбыз, элекеге тәртип турында мәгълүматлар урнаштырылган. 
Бәйрәм көн уңаеннан мәгълүмати күргәзмә дә оештырылды. Күргәзмәдә шул чорга багышланган язмалар, речевкалар, пионерлар турында шигырь, хикәяләр урын алды.

Бүген Сәләтле балалар интернат мәктәбендә "Мәдәният һәм фән: яңа караш" дигән исем астында яшьләр өчен Бөтенхалык фәнни-практик конференция булып үтте. Бу чарада мәктәбебезнең 6 сыйныф укучысы Мөдәрисова Сөмбеләдә катнашып, III урынны яулады. Җитәкчесе: Касыймова Әнисә Нурулловна. Сөмбеләне һәм фәнни җитәкчесен җиңүләре белән ихластан котлыйбыз, алга таба да иҗади уңышлар телибез.

Бүген мәктәбебезнең 8-11 сыйныф укучылары (37 кеше) яшь гражданнар форумында катнашу максатыннан sdo-rt.ru сайтына кереп регистрация үттеләр. Үзләрен кызыксындырган идея, сорауларны җиткерделәр. 

Гаилә көне уңаеннан бүген мәктәбебездә рәсем конкурсы булып үзды. Чарада 1-4 сыйныф укучылары бик актив катнаштылар. 

10 сыйныф укучысы Гарипова Гөлинә бүген Казан шәһәрендә КНИТУ да үткәрелгән "Нобелевские надежды КНИТУ-2017" конкурсында катнашып, III урынны яулап кайтты. Гөлинәне һәм аның укытучысы Мөхетдинова Алия Рафаэлевнаны әлеге уңышлары белән котлыйбыз. Алга таба да иҗади уңышлар телибез.