Мәктзбебезнең яңа ел сыннары конкурсына тәкъдим ителгән композициясе “Яшә, татар!” дип атала.

Татар теле бик аһәңле, бай, матур тел. Аның шулай икәнлеген бөтен дөньяга таралган “Туган тел” китабы раслый. Габдулла Тукайның “Шүрәле”, “Су анасы”, “Кәҗә белән Сарык” әкиятләрен, “Кызыклы шәкерт” шигырен кечкенә нәниләребез бүгенге көндә дә бик яратып укыйлар.

Татар халкы гомер-гомергә бик кунакчыл халык булган. Берәр өйгә кунак килеп керсә, өстәл түрендә самавыр кайный башлаган, ә чәк-чәк исә һәр бәйрәмнең күрке. Ак яулыклы әбиләр, матур кәләпүшле бабайлар чисталык, күркәмлек, тәрбия үрнәге булып торалар.

Татарлар элек-электән үз телләрен, диннәрен, гореф-гадәтләрен, тарихын саклаганнар, яклаганнар, аңа тугры калганнар, Сөембикә ханбикә шуның мисалы. Татар халкының телен, күңел байлыгын, “күркәм хәзинәләрен” саклау һәм киләчәк буыннарга җиткерү – безнең төп бурычыбыз!

20 декабрьдә Ә.А.Ахунҗанов исемендәге Олы Шыңар урта мәктәбендә сыйныф җитәкчеләренең методик берләшмә утырышы үтте. Укытучыларыбыз Мөхәммәтова Резеда Рәшитовна “Изгелек-кояш нурына тиң”, Шәрифуллина Вәсимә Мансуровна “Чәчәк бәйләме”дип исемләнгән  сыйныф сәгате, Касыймова Әнисә Нурулловна һәм Мөхәммәтгалиева Гөлнара Ибрагимовна  “Тәрбия эшендә гаилә һәм мәктәпнең хезмәттәшлеге” темасына мастер-класс күрсәттеләр. Түгәрәкләргә йөрүче укучыларның һәм аларның җитәкчеләренең кул эшләреннән күргәзмә  оештырылды. Әлеге семинар барыбыз өчен дә бик кызыклы һәм файдалы булды.

В соответствии с Указом Президента Российской Федерации № 431 от 5 мая 1992 года "О мерах по социальной поддержке многодетных семей" в школе организовано питание для 30  учащихся из 17  многодетных семей на льготных условиях

9 декабрь - Ватан Геройлары көне буларак билгеләп үтелә. Мәктәбебездә әлеге уңайдан сыйныф сәгатьләре, әңгәмәләр үткәрелде. Узебезнең районда туып үскән Ватан Геройларының язмышы укучылар өчен аеруча да кызыклы булды.

3 декабрь - Инвалидлар көне уңаеннан, бүген башлангыч сыйныф укучылары белән берлектз "Мы вместе - Без бергә" дигән темага отряд җыены үткәрелде. Укучылар сәламәтлеге чикле балаларның проблемалары белән таныштылар. Алар белән дус булырга, һәрчак ярдәм итәргә кирәклегенә тагынбер кат инандылар.

Бүген районыбыз мәдәният йортында Олы Шыңар авыл җирлегенең иҗат-отчет концерты булып узды. Әлеге чарада мәктәбебез укытучылары, укучылар бик актив катнашты. Төрле шигъри тәлгәшләр, фольклор күренешләр, җыр-биюләр тамашачының күңеленә хуш килде. 

Бүген мәктәбебезнеңюгары сыйныф укучылары белән "СТОП ВИЧ/СПИД" дигән Бөтенроссия акциясе уздырылды. #СтопВичСпидРТ#минобразованиярт#@vospitaniemointrt# 

"Фольклор" түгәрәгенә йөрүче укучыларыбызның мәдәният йортында чыгышы. Җитәкчесе Рабгутдинова Г.А.

25 ноябрь - Әниләр көне. Шул уңайдан бүген мәдәният йортында әниләребезгә багышлнаган "Ак күңелле әниләр" дип исемләнгән тематик кичә үткәрелде. Кичәдә  төрле җыр-биюләр, котлаулар яңгырады. Чарада мәктәбебез укучылары, укытучылары да бик актив катнашты. 

Мәктәбебезнең баскетбол буенча егетләр командасы "КЭС баскет" ярышында Саба районы мәктәпләре арасында 3 урынны яулады! Котлыйбыз!