Муниципальное бюджетное общеобразовательное учреждение "Большешинарская средняя общеобразовательная школа им. А.А.Ахунзянова» Сабинского муниципального района Республики Татарстан"
Визитная карточка
Адрес: | 422054, Республика Татарстан, Сабинский район, с. Большой Шинар, ул. Кооперативная, д. 33 |
Телефон: | +7(843)-624-12-10 |
E-Mail: | shinarsaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большешинарская СОШ" |
Руководитель: | Мубараков Рамиль Гилемханович |
Год основания учреждения: | 1976 |
У нас учатся: | 80 |
У нас учат: | 22 |
Муниципальное бюджетное общеобразовательное учреждение "Большешинарская средняя общеобразовательная школа им. А.А.Ахунзянова» Сабинского муниципального района Республики Татарстан" - новости
Страницы: << 81 82 ( 83 ) 84 85 86 87 88 89 90 >>
-
Котлыйбыз! 02.12.2016
Бүген инвалидлар декадасы уңаеннан Саба районы Сәләтле балалар мәктәбендә инвалид балалар арасында шашка ярышлары оештырылды. Бу ярышта мәктәбебезнең 7 нче сыйныф укучысы Галимова Нәзирә дә үзенең көчен сынап карады һәм 2 урынга лаек булды. Молодец, Нәзирә! Алга таба уңышлар сиңа!
-
Минем хокукларым 28.11.2016
Бүген мәктәбебезнең педагог-оештыручысы Файзуллина А.М. "Ак җилкән" һәм "Дулкын" отрядлары белән берлектә "Минем хокукларым" темасына җыен үткәрде. Җыен ярыш тибында үтте. Иң башта игътибарлылыкка пазллардан РТ һәм РФ гербларын төзү оештырылды, чөнки хокуклар Татарстан һәм Федерация конституцияләрендә дә урын алган. Аннан бергәләшеп "хокук", "бурыч", "закон" сүзләренә ачыклык керттеләр, балалар хокукы турындагы Конвенция, балалар хокукын яклау буенча видеоязмалар белән таныштылар. Иң яхшы галстук бәйләүче һәм иң яхшы лидер билгеләнде. Практик күнекмәләрдә дуслык символын ясадылар. Кыскасы, җыен файдалы һәм күңелле үтте.
-
Бәйрәм белән, газиз Әнкәйләр! 26.11.2016
27 нче ноябрь – Әниләр көне. Шул уңайдан бүген мәдәният йорты хезмәткәрләре белән берлектә әниләребез, әбиләребезгә багышланган “Дөнья яме – Әнкәй” дип исемләнгән әдәби кичә уздырылды. Чарада мәктәбебезнең актив укучылары чыгыш ясап өлкәннәрне сөендерделәр. Җыр-бию, шигъри тәлгәшләр, уен-көлке һәркемнең күңеленә хуш килде. Шулай ук газиз әниләребезгә багышланган “Әниемнең җылы кочагы” дип исемләнгән мәгълүмати стенд эшләнде. Биредә әниләр турында бөек шагыйрь, язучыларыбызның мәкаль – шигырьләре урын алды.
Шушы уңайдан барлык әниләрне чын йөрәктән бәйрәм белән котлыйбыз. Сезгә ныклы сәламәтлек, озын гомер телибез. Балаларыгызга олыгайган көннәрегездә дә терәк булып, ә сезгә, гомер буе алар янәшесендә, кадер – хөрмәттә яшәргә язсын. Шушы бәйрәм көне, елмаеп баккан кояшның матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен.
Кадерле әниләр!
Бәйрәмегез сезгә бәхет,
Сәламәтлек китерсен,
Көнегез гел шат булсын.
Елның һәрбер көне сезгә
Әниләр көне булсын.
-
Ачык дәрес 24.11.2016
Мәктәбебезнең башлангыч сыйныфлар укытучысы Гөлсинә Зарифовна “Кошлар – безнең дуслар”, татар теле һәм әдәбияты укытучысы Сиринә Миңнулловна “Авылыбызның күренекле шәхесләре” дигән темаларга грант буенча ачык дәрес үткәрделәр. Һәр дәрес күңелле һәм файдалы үтте, укучыларыбыз да актив катнашты. Бу чарадан алар үзләренә күп тәҗрибә тупладылар.
-
"Әнкәем-күз нурым" 21.11.2016
27 ноябрь - Әниләр көне уңаеннан, бүген, ягъни, 21 ноябрь көнне мәктәбебезнең 2 нче сыйныф "Йолдызлар" отрядында педагог-организатор тарафыннан "Әнкәем-күз нурым!" дип исемләнгән җыен үткәрелде. Җыенда укучылар белән әниләргә багышланган шагыйрьләребезнең иҗат җимешләре белән таныштылар, әниләренә бәйрәм открыткалары, шигъри теләкләр әзерләделәр. Һәрбер укучы бүлкне үз фантазиясен кушып, теләп һәм яратып башкарды. Отряд җыены очкын җибәрү белән тәмамланды.
-
Котлыйбыз! 21.11.2016
Оет башлангыч филиалында башлангыч сыйныфлар укытучысы Гәрәева Зимфира Мәгърүф кызына шушы көннәрдә 50 яшь тулды. Хөрмәтле, Зимфира Мәгърүфовна, Сезне ихлас күңелдән шушы олуг юбилеегыз белән тәбрик итәбез. Киләчәктә дә барыр юлларыгыз озын, саулыгыгыз ныклы, киләчәгегез өметле, табыннарыгыз мул, сыйлы булсын. Балаларыгызның, якыннарыгызның күңел җылысын тоеп, игелекләрен күреп яшәргә насыйп булсын үзегезгә. Алга таба да бергә-бергә озак еллар эшләргә язсын.
Кояш гомере телибез,
Уйларыбыз – хикмәтле.
Бүләк итәсебез килә
Саулык дигән бүләкне.
Иң изге теләкләр белән: мәктәп коллективы.
-
Котлыйбыз! 21.11.2016
Мәктәбебезнең 2 нче сыйныф укучысы Мөбәрәкова Динә "День памяти жертв ДТП" конкурсының "Лучшая поделка" номинациясендә җиңү яулады. Уңышларың белән тәбрик итәбез!
-
Без-беренче! 19.11.2016
Бүген Килдебәк урта мәктәбендә “Кэс-баскет” мәктәп баскетбол лигасының муниципаль этап туры узды. Ярышта мәктәбебез егетләре беренчелекне яулады. Команданың җитәкчесе физик культура укытучысы Мөхәммәтгалиев Илдус Фәхретдинович.
-
Бүген бездә дә ГТО! 14.11.2016
Мәктәбебез укучылары бердәм рәвештә ГТО нормаларын тапшырдылар. Барысы да югары нәтиҗәләр күрсәтте.
-
"Илаһи моң" 14.11.2016
Бүген «Казан» милли-мәдәни үзәгендә “Илаһи моң” татар халкының рухи мирасы үрнәкләрен һәм халык авыз иҗаты әсәрләрен башкару буенча III төбәкара фестиваль-конкурсының йомгаклау өлеше үтте. Чарада мәктәбебезнең педагог-оештыручысы Файзуллина Алинә Максутовна “Халык авыз иҗаты (мөнәҗәтләр) номинациясендә катнашып, 1 урынга лаек булды.