Каникуллар булса да мәктәптә балалар тавышы тынып тормый. Лагерь җитәкчесе Венера Нәҗиповна һәм тәрбиячеләр Энҗе Мәхмүтовна,Илсөяр Гаязовна балалар ялын күңелле итеп үткәрү өчен төрле чаралар оештыралар. Бүген чаңгы ярышы, викторина, курчак театры,КВН һәм җырлы - биюле уеннар үткәрелде.Уеннарның ниндиен генә уйнасалар да балалар рәхәтлек тойдылар.

6нчы гыйнвар көнне лагерьда  ял итүче балалар Лесхоз "Нарат" боз сараена сәяхәткә бардылар.

Килә сәламәт буласы,

Тырышып бозда шуабыз.

Рәхмәт сиңа,Боз сарае,

Күңел ачып кайтабыз.

6нчы гыйнвар көнне Симет мәктәбендә көрәш булды. Безнең егетләребез зур уңышлар белән кайттылар.

Галимуллин Алмаз - 1урын

Дәүләтшин Булат - 1урын

Галимуллин Фаяз - 2урын

Гаянов Илдус - 2урын

Җәләлетдинов Дилүс - 3урын

Егетләр, молодцы!!!!!

Бүген лагерьның 4нче көне гадәттәгечә иртәнге гимнастика белән башланып китте. Көн дәвамында "Как стать отличником?" интелектуаль уены, Бадментон ярышы, "Бүген бездә - сәламәтлек көне" уены һәм "Яңа ел теләкләре"конкурсы үткәрелде.

"Көмеш кыңгырау" газетасының 24нче декабрь санында Дәүләтова Илсөярнең урта класс укучылары өчен язылган "Маҗаралы Аҗдаһа елы" исемле әкият тамашасы басылып чыкты. Киләчәктә дә иҗади уңышлар Сезгә!!!!

Бүген  лагерьда "Мәрхәмәтлелек көне" булды. Район мәдәният йорты каршында оештырылган "Балкыш" театр коллективы "Тылсымлы курай" исемле әкият-тамаша күрсәтте. Балалар әлеге чараны  бик яратып карадылар. Соңыннан артистлар  белән бергәләп фотога төштеләр.

24нче декабрь көнне башлангыч, 3 гыйнвар көнне югары сыйныф укучыларының Яңа ел бәйрәмнәре булып узды.

Бәйрәмнәр матур сценарий белән башланып китте, аннан соң күңелле уеннар,конкурслар һәм   ДИСКОТЕКА    булды.

Гомумән алганда, бәйрәм балаларга да,әти-әниләргә дә, кунакларга да бик ошады.

Газизов Фәнил 8нче сыйныфта гына укыса да, бик зур уңышларга иреште. Олимпиадалардан призлы урыннар яулады, конференция һәм конкурсларда актив катнашып килә. Ул Башкалабыз Казанга, Президент ёлкасына, бару бәхетенә иреште. Афәрин,Фәнил!!!

4нче гыйнвар көнне мәктәбебездә кышкы ял лагеры башланып китте. Беренче көнне укучылар үзләренең отрядларына исем,девиз һәм җыр сайладылар. "Географияне беләсеңме?" дигән темага викторина үткәрелде. Җиңүче булып Мөхәммәтҗанова Зилә калды. Көн дәвамында төрле уеннар,ярышлар үткәрелде. Кыскасы, мәктәп балалар тавышыннан шау-гөр килеп торды.

27-29нчы декабрь көнне Арча шәһәрендә бокс буенча ярышлар булып узды.

Безнең мәктәп укучыларының уңышлары:

1нче урын- Кәбиров Нүрсил(7класс),Галимуллин Нияз(7класс),Галимуллин Фаяз(3класс);

3урын - Галимуллин Алмаз(9класс)