Шәмәрдән урта мәктәбендә безнең мәктәпнең тарих укытучысы Мөхәммәтҗанов Рөстәм Хәмит улы 5нче сыйныфта "Аттика игенчеләре җирләрен һәм азатлыкларын югалталар"дигән темага ачык дәрес үткәрде.Дәрес күргәзмәлелекккә шактый бай иде. Укытучы мультимедиа,компьютер һ.б. чаралардан оста файдаланды. Укучылар дәрестә бик актив булдылар.

2нче сыйныф укучылары (җитәкчесе: Вәлиева Энҗе Мәхмүтовна) Габдулла Тукай иҗатына багышланган иҗади конкурста актив катнашып РӘХМӘТ ХАТЫНА лаек булдылар. Молодцы,укучылар!!!

"Алтын балык" ачык республика конкурс-күргәзмәсенең район сайлап алу этабында катнашып  АГАЧ БИЗӘҮ  номинациясендә   5нче сыйныф укучысы Гаянова Зәлия 1нче урын (җитәкчесе:Гаянова Венера Нәҗиповна), ә СУВЕНИР номинациясендә 8нче сыйныф укучысы Дәүләтова Ильмира 2нче урынга лаек булдылар. Зиннәтова Алисә, Гайсина Инзилә, Кәримова Гөлнур, Гаянова Сөмбел, Хәбибрахманова Гөлфинә, Кәримов Фәүзән, Закирова Ләйсән,Хуҗина Миләүшә һәм Хәбибрахманов Әлфисләрнең эшләре дә республика конкурсына җибәрелде. Җитәкчеләре: Хәбибрахманова Гөлнур Шаһитовна. Сезгә иҗади уңышлар!!

26нчы гыйнвар көнне мәктәп күләмендә "Математик кафе" уены үткәрелде. БИССЕКТРИСА   һәм СУММА  командалары көч сынашты. Нәтиҗәдә, БИССЕКТРИСА  командасы җиңүче булды. Уен барыбызга да бик ошады.

8нче сыйныф укучысы Закирова Ләйсән хоккей буенча Республика күләмендә 1нче урынны алды. Молодец, Ләйсән!!!!!

1. Атналыкны ачу.

2. Олимпиада.

3.Презентация конкурсы.

4.Математикадан ачык дәрес. "Пропорция"

5. Физикадан ачык дәрес. "Электр тогының тәэсирләре"

6.Класстан тыш чара - кафе "Математик".

7.КВН "Ягез әле,физиклар"

8.Йомгаклау. Атналыкка нәтиҗә ясау.

5-8нче сыйныф укучылары арасында Бадментон буенча район беренчелегендә 7нче сыйныф укучысы Галимҗанова Алинә 2нче урынны алды. Җитәкчесе: Гайбадуллин Ильнур Бакиевич. Киләчәктә дә уңышлар сиңа, Алинә!!!
 

12нче гыйнвар көнне Симет мәктәбендә Кыш бабай призына көрәш булды. Дәүләтшин Булат,Галимуллин Алмаз - 1урын,Галимуллин Фаяз,Гаянов Илдус - 2нче урын,Җәләлетдинов Дилүс - 3нче урын алды. Егетләр,молодцы!

"Аргамак" кышкы ял лагерында 20 бала ял итте. 7көн үзенең матур вакыйгалары белән сизелми дә үтеп китте.Лагерьның программасы бай эчтәлекле,мавыктыргыч булуы белән аерылып торды.

Балалар мәктәп директоры Гөлнур Вакыйфовнага,лагерь начальнигы Венера Нәҗиповнага, тәрбияче Илсөяр һәм Энҗе апаларына, тәмле ашлар пешерүче Нәкыя һәм Лилия,Рәйхана апаларына,бүлмәләрне һәрвакыт чиста итеп тотучы Рәфилә апаларына зур рәхмәтле. Әнә шулай ямьле кыш көннәре ял итеп,көч туплады балалар.
 

Лагерьның бүгенге көнендә дә кабатланмас матур уеннар оештырылды. Җырлы-биюле,шахмат-шашка,"Слабое звено" уеннары һәм "Дуслык турында сөйләшәбез" дигән темага әңгәмә дисеңме... Барысы да балалар күңеленә хуш килерлек итеп, җанлы алып барылды.