28нче февраль көнне Сабада Әбрар Кәримуллин исемендә республика фәнни конференциясе булып узды. Мөхәммәтҗанов Рөстәм Хәмит улы җитәкчелегендә "История и культура татарского народа" секциясендә 8нче сыйныф укучылары Газизов Фәнил,Төхбәтуллина Зөһрә 3нче урынга лаек булдылар һәм ДИПЛОМ белән бүләкләнделәр, ә Шиһабиева Фирая Әхмәтхан кызы җитәкчелегендә "Саба дулкыннары" газетасында фразеологизмнарның кулланылышы" дигән хезмәт белән 7нче сыйныф укучысы Дәүләтшина Ландыш ҖИҢҮЧЕ  исемен алып кайтты. Сезне уңышларыгыз белән котлыйбыз.

Башлангыч сыйныф укытучысы Вәлиева Энҗе Мәхмүт кызы "О спорт,ты жизнь!" Бөтенроссия  рәсем конкурсында катнашып  СЕРТИФИКАТ  белән бүләкләнде.

"Көмеш кыңгырау" газетасында безнең укучыларыбыз Ильмира Дәүләтова һәм Алисә Зиннәтоваларның "Мәктәбебездә көрәш бәйгесе" дигән мәкаләсе басылып чыкты. Кызлар! Сезгә иҗади уңышлар телибез.

Балтач районында бокска нигез салучы атказанган укытучы Ишмуратов Уран Мостафа улы истәлегенә багышланган бокс ярышы булып үтте. Безнең егетләребез грамота һәм медальләр алып кайтты.

Кәбиров Нүрсил 1нче урын

Галимуллин Нияз 1нче урын

Галимуллин Алмаз 3нче урын

  25нче февраль көнне Түбән Шытсу авылында Мәгъсүм Фәйзиев истәлегенә милли көрәш булып узды. Галимуллин Алмаз 1нче,Җәләлетдинов Дилүс һәм Галимуллин Нияз 2нче,Сафиев Рүзәл 3нче урынга лаек булдылар. Егетләребезгә спортта яңадан-яңа уңышлар телибез.

   Шушы көнне Сәмигуллина Зөлфирә һәм Төхбәтуллина Зөһрә Лесхозда булып үткән Теннис ярышында актив катнаштылар.

   24нче февраль көнне мәктәптә "Аҗаган"уены үткәрелде. Укучылар 2ротага бүленеп ярыштылар. 8төрле уен үткәрелде һәм 2нче рота җиңүче дип танылды. Аҗаганны оештыручы Зөлфәт Сәетгәрәевич һәм Гафур Әюповичларга зур рәхмәт. 

Мөхәммәтҗанова Рәшидә Хәнифовна җитәкчелегендәге театр түгәрәге укучылары  районда үткән конкурста "Ялкау малай һәм спортчы бабай" исемле театр белән 3нче урынны алдылар. Аларга иҗади уңышлар телибез.

21нче февраль көнне Икшермә зонасында чаңгы ярышы булды. Безнең мәктәптән Миннегулов Рүзәл,Сәләхиев Рәфис,Галимҗанова Алинә,Кәримов Фәүзән,Гайсина Инзилә һәм Җәләлетдинов Дилүсләр катнашты. Дилүс 3нче,Фәүзән 4нче урынны яулады. Дилүскә уңыш телибез.

20нче февраль көнне 9нчы сыйныф укучыларының,әтиләре катнашында, сыйныф җыелышы булып узды. Мәктәп директоры,завуч,сыйныф җитәкчесе,әтиләр һәм укучылар арасында ГИАга әзерлек буенча  җитди сөйләшү булды.

23нче февраль - иң матур бәйрәмнәрнең берсе. Венера Нәҗиповна һәм Энҗе Мәхмүтовналар төзегән программа буенча барлык әтиләр,укучылар,килгән кунаклар күңел ачтылар. Бәйрәм укучыларның матур җыр һәм биюләре белән үрелеп барды. Әтиләрнең уллары белән ике командага бүленеп ярышуларын зур кызыксыну белән карадык. Алар чын артистлар, спортсменнар икән бит.  "Батырлар" һәм "Кыюлар" командасы бертигез очко җыеп, барыбызны да таң калдырды. Бәйрәм барлык кешегә дә бик ошады, оештыручыларга бик зур рәхмәт.