4нче сыйныфта Ризәлә Нурлыгаяновна "Роберт Әхмәтҗанов шигырьләре" дигән темага ачык дәрес үткәрде. Шигырьгә анализ ясау буенча бик матур дәрес карадык.  Укытучы балачакта ясаган шигырь китапчыгы белән үз укучыларын таныштырды, балачак истәлекләре белән уртаклашты. Бу исә аларда кызыксыну уятты. Өйгә эш итеп шигырь китабы булдырырга кушылды.

   Шулай итеп башлангыч класслар атналыгы үтеп китте. Барлык башлангыч сыйныф укытучылары да атналыкка зур өлеш керттеләр. Линейкада атналыкка нәтиҗә ясалды.

19нчы марттан мәктәптә гуманитар фәннәр атналыгы башланып китте.

7нче сыйныфта Халисә Салихҗановна "Обобщающий урок по теме "Наречие"дигән темага ачык дәрес үткәрде. Диапроектор һәм башка күрсәтмәлелекләрдән оста файдаланып, ул  укучыларның рәвеш буенча алган белемнәрен кабатлатты. Укучылар рәвешләр кертеп җөмлә төзи алуларын, рәвеш төркемчәләрен, аларның язылышларын  белүләрен расладылар.

  4нче сыйныф укучысы Галимуллин Фаяз Әлмәттә бокс ярышында катнашып 4нче урынны алып кайтты. Медаль һәм мең сум премия белән бүләкләнде. 

1нче сыйныфта Зифа Давытовна татар теленнән "Хайван кушаматлары"дигән темага ачык дәрес үткәрде. Дәрестә укучылар бик актив катнашты.Укытучы дәрестә куйган максатына иреште. Директор Гөлнур Вакыйфовна һәм башка укытучылар тарафыннан дәрескә  анализ ясалды. 

   Башлангыч сыйныфлар атналыгы дәвам итә. 2нче сыйныф укучылары "Камыр-матур" дигән әкият күрсәттеләр. Балалар үзләрен чын артистларча тоттылар. Әкият барыбызга да ошады. Энҗе Мәхмүтовнага тагын да зур уңышлар телибез!!!

3нче сыйныфта рус теленнән  ачык дәрес булды. Дәрестә укучылар бик актив катнашты. Укытучы Ләлә Бәзгетдиновна куйган максатына иреште. Соңыннан дәрескә анализ үткәрелде. 

"Көмеш кыңгырау" газетасында Ильмира Дәүләтова, Алинә Галимҗанова, Динә Галиуллина һәм Дилүс Җәләлетдиновларның Әниләр темасына язылган шигырьләре басылып чыкты. 

Әти-әнием миңа

Дөрес,чын тәрбия бирә.

Аларның изге өметен

Аклармын гомер-гомергә.

"Кулларыбыз тудырган могҗиза". Әнә шул исем астында  мәктәптә башлангыч сыйныф укучылары тарафыннан эшләнгән әйберләрдән күргәзмә оештырылды. Аларның кул эшләре һәммәбезне дә сокландырды.

Безнең куллар тудырган

Могҗизаны күрегез.

Беренче сыйныф укучылары

Эше дип белегез!

Татар халкының күренекле композиторы Мансур Мозаффаровның тууына 110 ел тулуга багышланган 7нче Республикакүләм "Дулкыннар"конкурсының "Вокал" номинациясендә катнашып 2нче сыйныф укучысы Закирова Ләйлә  3нче урынны алды һәм диплом белән,ә Вәлиева Алсу "Нәфис сүз" номинациясендә катнашып Сертификат белән  бүләкләнде, Җитәкчеләре Энҗе Мәхмүтовна. Киләчәктә дә Сезгә зур уңышлар юлдаш булсын.