Килеп карагыз сез безнең мәктәпкә,

Бик тырышып,кардан боз сыннары ясадык,

Шаккатырлык булды барысы да,

Район күләмендә беренче урынга лаек булдык.

28нче декабрь көнне әти-әниләр җыелышы үткәрелде.

2нче чирек нәтиҗәләре,уңышларыбыз,укыту-тәрби эшенә кагылышлы мәсьәләләр турында сөйләшү булды. Энҗе Мәхмүтовна "Гаиләдә бала тәрбиләү" дигән темага эчтәлекле чыгыш ясады.

29нчы декабрь көнне укытучыларның педагогик киңәшмәсе булды.Гөлнур Вакыйфовна Олимпиада,ГИА нәтиҗәләре, алда торган бурычлар,Фирая Әхмәтхановна 2нче чирек нәтиҗәләре белән таныштырды.

Ильнур Бакиевич "Дәресләрдә яңа технология алымнарыннан файдалану" дигән темага чыгыш ясады. Соңыннан фикер алышулар булды.

Химия-биология укытучысы Розалия Хәмит кызы "Безнең иң яхшы укытучы"  конкурсында катнашып грант отты.

Киләчәктә дә аңа зур уңышлар телибез. 

Яшел чыршы,тезелешеп

Әйләнәбез тирәңдә.

Куанабыз Яңа елда

Син кунакка килгәнгә.

Хөрмәтле, мәгариф хезмәткәрләре!

Сезне якынлашып килүче Яңа ел бәйрәме белән тәбрик итәбез. Сезгә авыр, ләкин  мактаулы эшегездә яңадан-яңа уңышлар,

нык сәламәтлек,ак бәхетләр телибез.

                                                                     Олы Арташ төп мәктәбе.

Кадерле укучыларыбыз! Сезне чын күңелебездән якынлашып килүче Яңа ел бәйрәме белән тәбрик итәбез! Яңа елда барлык хыялларыгыз тормышка ашсын, укудагы билгеләребез тагын да яхшырсын. Сау-сәламәт булыгыз. Һәрвакыт әлегедәй шаянннар, ачык йөзлеләр, тырыш укучылар булып калыгыз...

Кыш бабай,кыш бабай

Безне бик ярата.

Ул безгә Яңа ел

Бүләге тарата.

28нче декабрь көнне Олы Арташ һәм Ике басу Арташ авылларында Кыш бабай,Кар кызы һ.б. укучыларга яңа ел бүләге таратып йөрделәр.

Бу мизгелләр һәркемдә шатлык уятты.