8 гыйнвар көнне Олы Кибәче мәктәбендә баскетбол ярышы булды. Безнең мәктәп командасы 3нче урынны алды.

Молодцы!!!

Балаларның көтеп алган  кышкы каникуллары да җитте. Лесхоз боз сараена, Сабага бассейнга, әкият-тамаша карарга, иптәшләрең белән бергә чана-чаңгы шуарга да, түгәрәкләргә йөрергә дә вакыт җитәчәк.  

9нчы сыйныф укучыларына консультацияләргә йөрү файдалырак булачак,билгеле.

Килеп карагыз сез безнең мәктәпкә,

Бик тырышып,кардан боз сыннары ясадык,

Шаккатырлык булды барысы да,

Район күләмендә беренче урынга лаек булдык.

28нче декабрь көнне әти-әниләр җыелышы үткәрелде.

2нче чирек нәтиҗәләре,уңышларыбыз,укыту-тәрби эшенә кагылышлы мәсьәләләр турында сөйләшү булды. Энҗе Мәхмүтовна "Гаиләдә бала тәрбиләү" дигән темага эчтәлекле чыгыш ясады.

29нчы декабрь көнне укытучыларның педагогик киңәшмәсе булды.Гөлнур Вакыйфовна Олимпиада,ГИА нәтиҗәләре, алда торган бурычлар,Фирая Әхмәтхановна 2нче чирек нәтиҗәләре белән таныштырды.

Ильнур Бакиевич "Дәресләрдә яңа технология алымнарыннан файдалану" дигән темага чыгыш ясады. Соңыннан фикер алышулар булды.

Химия-биология укытучысы Розалия Хәмит кызы "Безнең иң яхшы укытучы"  конкурсында катнашып грант отты.

Киләчәктә дә аңа зур уңышлар телибез. 

Яшел чыршы,тезелешеп

Әйләнәбез тирәңдә.

Куанабыз Яңа елда

Син кунакка килгәнгә.

Хөрмәтле, мәгариф хезмәткәрләре!

Сезне якынлашып килүче Яңа ел бәйрәме белән тәбрик итәбез. Сезгә авыр, ләкин  мактаулы эшегездә яңадан-яңа уңышлар,

нык сәламәтлек,ак бәхетләр телибез.

                                                                     Олы Арташ төп мәктәбе.