Мәктәбебездән 26 укучы "Кеше һәм табигать" конкурсында катнашып СЕРТИФИКАТ белән бүләкләнде.

Бүген мәктәптә Хәтер көне билгеләп үтелде.

Тарих укытучысы Рөстәм Хәмитович халкыбызның үткәне турында чыгыш ясады.

"Һәр кеше үз гомерендә бер агач утыртырга тиеш" дигән әйтем бар. Шуны күз алдында тотып, һәр укучы мәктәп бакчасына икешәр төп агач утыртты.

"Универсиаданы каршылап..." конкурсының 1нче мәктәп туры тәмамланды. Безнең мәктәп 2нче район турына үтте.

Әйе,тырышлык беркайчан да югалмый шул. Сезгә яңадан да уңышлар телибез!!!

...Өлкәннәрне хөрмәт итеп,

   Әти-әнине зурлап,

   Гел "бишле"гә укырмын мин,

   Булырмын һәрчак үрнәк.

Әлеге юллар 7нче сыйныф укучысы Кәримов Фәүзәннең "Исән булыгыз!"шигыреннән алынды.

Ул "Көмеш кыңгырау" газетасының  6нчы октябрь санында басылып чыкты. Сиңа тагын да иҗади уңышлар телибез!!! 

"Биеккәрәк, ераккарак!"-

Универсиада девизы.

Гөрләп торсын Казаныбыз -

Россиянең йолдызы.

Мәктәбебездә "Универсиаданы каршылап..." почмагы эшләнде.

Хөрмәтле коллегалар! Барыгызны да һөнәри бәйрәмегез - "Укытучылар көне" белән чын күңелдән котлыйбыз! 
 
 Алдагы көннәрегез дә бүгенгедәй матур булып балкып торсын, һәркемгә ныклы сәламәтлек, акыллы, тыңлаучан укучылар, һөнәри уңышлар теләп калабыз.
 
Ак кәгазьдәй сабый күңеленә

Язмышларны башлап язасыз.

Өмет тулы күпме күзләргә сез

Яшәү чаткылары саласыз.

     Кайгыртып гел кеше кайгыларын

     Безнең янәшәдә эшлисез.

     Ходай сезгә озын гомер бирсен

     Рәхмәт Сезгә, чын-чын кеше Сез!

Олы Арташ төп мәктәбе коллективы.

29нчы сентябрь көнне,дәресләрдән соң.барлык сыйныф укучылары да бакчага өмәгә чыкты. Башлангыч сыйныф укучылары чәчәк орлыклары җыйды, югары сыйныф укучылары җир казыдылар һәм карлыган үсентеләре утырттылар. Бакча балалар тавышыннан шау-гөр килеп торды.

9нчы сыйныфта "ГИАга ничек әзерләнергә?" дигән темага әти-әниләр  җыелышы үткәрелде. Мәктәп администрациясе,фән укытучылары эчтәлекле чыгыш ясадылар. Укучылар да,әти-әниләр дә үзләрен борчыган сорауларга җавап тапканнардыр дип ышанып калабыз.

Бүген өлкәннәр бәйрәме,

Шатлык җыры илем күгендә.

Өлкәннәрне бәйрәм белән котлап,

Кошлар җырлый туган җиремдә.

Без җырлыйбыз сезнең өчен дә.

Хөрмәтле өлкән яшьтәге коллегаларыбыз! Сезне чын күңелдән бәйрәмегез белән тәбрик итәбез!!

Сезгә бәхетле картлык,нык сәламәтлек,ак бәхетләр, тыныч көннәр телибез!!!