Гимназия китапханәсендә кунакта 2Б сыйныфы укучылары булдылар. Алар балалар язучысы Мәрзия Фәйзуллинаның иҗаты белән һәм "Чебиләр зарядкасы", "Салават күпере", "Мияубикә" китаплары белән якыннан таныштылар.
Чара барышында укучылар табышмакларга җаваплар эзләделәр, төрле күнегүләр ясадылар, шагыйрәнең шигырьләрен укыдылар.

Көзге каникуллар алдыннан 3Г сыйныфы укучылары укытучылары Алсу Габдрафиковна һәм әти- әниләр белән берлектә көз темасына иҗади эшләр башкардылар. Чара дустанә, позитив һәм җылы атмосферада үтте. Әлеге эшчәнлек укучыларны берләштерә, гаилә һәм мәктәп хезмәттәшлеген ныгыта.

Видеога сылтама: https://vk.com/club216931602?from=groups&z=video-216931602_456239447%2F2f7381337425838b56%2Fpl_wall_-216931602

Көзге каникуллар алдыннан гимназия укучылары белән юлда йөрү культурасы тәрбияләү максатыннан агитацион- профилактик чаралар, сыйныф сәгатьләре үткәрелде.
Инспектор М. П. Гиниатуллина юл йөрү кагыйдәләре буенча әңгәмә уздырды, төп законнар белән таныштырды һәм укучыларның сорауларына җавап бирде.

Гимназия укучылары Габдулла Тукайның әдәби музеенда Татарстанның атказанган мәдәният хезмәткәре, күп кенә премияләр лауреаты Марат Әмирхан улы Әмирхановның "Шагыйрь даирәсе" китабын тәкъдим итү кичәсендә катнаштылар. Афәрин, укучылар! Җитәкчеләре Аграфена Антоновнага зур рәхмәт!

Гимназиянең 8Б сыйныфы укучылары белән танылган шагыйрь Сергей Александрович Есенин иҗаты буенча әдәби кичә (литературный дворик) оештырылды.
Чара барышында рус теле һәм әдәбияты укытучысы Светлана Федоровна укучыларны язучының иҗат юлы белән таныштырды, балалар шагыйрьнең шигырьләрен укыдылар.

Гимназия китапханәсендә укучылар татар язучылары белән генә түгел, шулай ук юбиляр рус шәхесләренең иҗатлары белән дә танышалар.
Балалар язучысы Гераскина Лия Борисовнаның юбилеена багышлап 4В сыйныфы укучылары белән "Страна, которой нет на карте" дигән чара үткәрелде. Балалар "В стране невыученных уроков" китабы белән таныштылар, викторина сорауларына җаваплар бирделәр.

20 нче октябрь- Халыкара пешекчеләр көне. Иртәдән кичкә кадәр гимназия пешекчеләре укучыларны, укытучыларны тәмле, җылы ризыклары белән сыйлыйлар, ашханәдә барлык уңайлылыкларны булдыралар. Тәмле ашларыгыз өчен рәхмәтебезне җиткерәбез! Эшегездә уңышлар һәм сабырлык телибез!

19 нчы октябрь- Әтиләр көне. Әлеге бәйрәм балаларны тәрбияләүдә әтиләр роленең әһәмиятен күрсәтүгә һәм гаиләдә әти дәрәҗәсен ныгытуга юнәлтелгән. Әлеге көн уңаеннан, гимназия укучылары әтиләренә багышлап кул эшләнмәләре ясадылар, хатлар яздылар, рәхмәт сүзләрен җиткереп видеолар төшерделәр.
Әтиләр- безнең яклаучыларыбыз, иң газиз, иң кадерле кешеләребез! Без аларга саулык, сөенечле гомерләр телибез. Балаларыгызның яратуын, кадер- хөрмәтен тоеп яшәгез. Сез безгә бик кирәк!

Видеога сылтама: https://vk.com/club216931602?from=groups&z=video-216931602_456239445%2F7e50ef29c46da461cd%2Fpl_wall_-216931602

Гимназиянең 4А сыйныфы укучылары сыйныф җитәкчеләре Гөлфия Рөстәмовна һәм әти- әниләр белән берлектә Кырлай авылына сәяхәт кылдылар.
Сәяхәт барышында балалар Габдулла Тукай исемендәге әдәби- музей комплексында шагыйрьнең тормыш юлы белән таныштылар, үзләре өчен яңа мәгълүмат тупладылар. Әлеге көн бик кызыклы һәм файдалы үтте.

Видеога сылтама:https://vk.com/club216931602?from=groups&z=video-216931602_456239444%2Fe91ea3646ee1f63ec4%2Fpl_wall_-216931602

17 нче октябрь көнне Идел буе районының 69 нчы мәктәбендә “Көз сылуы Сөмбелә” шәһәр бәйгесенең район этабы уздырылды. Әлеге бәйгедә гимназиябез данын 6В сыйныфы укучысы Абдуллина Сәйдә яклады һәм Гран- прига лаек булды. Афәрин, Сәйдә!
Сәйдәне уңышлы чыгыш ясавы белән котлыйбыз! Җитәкчеләре Фәния Наилевна, Гөлназ Мазитовна, Гөлназ Зөфәровна һәм Сәйдәнең әти- әнисенә рәхмәтләребезне җиткерәбез! Сәйдәгә шәһәр этабында уңышлар теләп калабыз!