Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани
Визитная карточка
Адрес: | Республика Татарстан, 420141, г. Казань, ул. Кул Гали, д. 13 |
Телефон: | +7(843)-262-43-69;+7(843)-590-13-18 |
E-Mail: | g18.kzn@tatar.ru |
Министерство: | Министерство образования и науки Республики Татарстан |
Короткое название: | МБОУ "Гимназия №18 - "Галэм" |
Руководитель: | Фасхутдинова Гульшат Абузаровна |
Год основания учреждения: | 1999 |
У нас учатся: | 771, из них иностранных граждан - 0 |
У нас учат: | 38 |
Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани - новости
Страницы: ( 1 ) 2 3 4 5 6 7 8 9 10 >>
-
Мөһим сөйләшүләр - "Зур булу нәрсәне аңлата?"
14.10.2024
Гимназиядә дүшәмбе иртәсе Рәсәй һәм Татарстан гимннарын башкарудан башланып китте. Гимн җырлаганнан соң "Мөһим сөйләшүләр" дәресләр циклы уздырылды. Укучылар белән "Зур булу нәрсәне аңлата?" дигән кызыклы темага сөйләшү алып барылды. Дәреснең максатлары:
- укучыларда олыгаю турында күзаллау формалаштыру;
- "җаваплылык" төшенчәсе белән таныштыру. -
“Алдынгылар хәрәкәте” нең беренчел бүлек советы рәисен сайлау
12.10.2024
Гимназия тарихында икенче тапкыр “Алдынгылар хәрәкәте” нең беренчел бүлек советы рәисен сайлау узды. Сайлауда 5 - 11 нче сыйныфлар һәм укытучылар катнашты.
370 сайлаучының тавышлары түбәндәгечә бирелгән:
1. Валеева Алимә - 187;
2. Афзалова Аделя - 173;
3. Бозылган бюллетеньнәр - 10.
Нәтиҗәдә, күпчелек тавыш белән 8Б сыйныф укучысы Валеева Алимә җиңде! Алимәгә җаваплы вазифасында уңышлар телибез!
Гимназия укучыларын "Алдынгылар хәрәкәте" нең төрле юнәлешләрендә актив катнашырга, бердәм команда булырга чакырып калабыз! Хәрәкәттә бул! Беренче бул!Видеога сылтама: https://vk.com/club216931602?z=video-216931602_456239326%2F516ac38c3e298e875f%2Fpl_wall_-216931602
-
"Сабантуй" журналы белән берлектә
11.10.2024
"Сабантуй" журналының 100 еллыгы уңаеннан, журналда хезмәт иткән һәм бүгенге көндә дә эшчәнлек алып баручы шәхесләрдән торган "Сабантуй" ның 100 йөзе" дип аталган күргәзмә оештырылды. Әлеге күргәзмә ачылышында гимназиябезнең "Хәят" инструменталь ансамбле дә катнашты. Укучыларыбыз һәм җитәкчеләре Марат Рафаэлевич чараны милли моңнар белән бизәделәр. Афәрин, укучылар!
Видеога сылтама: https://vk.com/club216931602?z=video-216931602_456239324%2F26abf98406a621f7fd%2Fpl_wall_-216931602
-
Һөнәри юнәлеш: КНИТУ вәкилләре белән очрашу
10.10.2024
10 нчы октябрь көнне үткәрелгән “Россия - минем горизонтларым” сыйныфтан тыш эшчәнлек курсы кысаларында дөрес һәм кирәкле профессия сайлау формуласы турында сөйләшү алып барылды. Укучылар диагностика үттеләр, видеоөзекләр карадылар.
Шулай ук 8 - 10 нчы сыйныф укучылары Казан милли тикшеренү технология университеты (КНИТУ) вәкилләре белән очраштылар. Алар әлеге уку йортының максатлары һәм юнәлешләре белән таныштылар. -
Цифр дәресе: "Ясалма интеллект: промпт-инжиниринг"
10.10.2024
Һөнәри юнәлеш бирү кысаларында 7А сыйныфы укучылары белән "Цифр дәресе" үткәрелде. "Цифр дәресе" проекты- цифрлы күнекмәләргә өйрәтү һәм программалаштыру буенча гадәти булмаган дәресләр сериясе. Дәреснең темасы "Ясалма интеллект: промпт-инжиниринг" дип аталды. Дәрес барышында укучылар актив эшчәнлек алып бардылар, үзләрен кызыксындырган сорауларга җаваплар таптылар, практик биремнәр эшләделәр, IT- сферасында перспектив юнәлешләр белән таныштылар.
Әлеге дәрес укучылар өчен кызыклы һәм файдалы булды. Очрашуны оештырган өчен тәрбия эшләре буенча директор киңәшчесе Гөлчәчәк Әсхатовнага зур рәхмәт! -
Сайлау алды дебаты
10.10.2024
Атна дәвамында гимназиябездә “Алдынгылар хәрәкәте” нең беренчел бүлек советы рәисен сайлау буенча чаралар үткәрелде.
Төп кандидатлар исемлеге:
1. Афзалова Аделя Айнуровна - 8Б сыйныфы укучысы;
2. Валеева Алимә Тагировна - 8Б сыйныфы укучысы.
Агитация барышында барлык кандидатлар үзләренең эш программасын тәкъдим итттеләр, сайлау алды программасы белән листовкалар тараттылар, кандидатлар дебатында катнаштылар. Без үз чиратыбызда барлык кандидатларга да сайлауларда уңышлар телибез! Лаеклы кандидатны бергәләп сайлыйк!Видеога сылтама: https://vk.com/club216931602?z=video-216931602_456239325%2F04a9e48cc37752d305%2Fpl_wall_-216931602
-
9 нчы октябрь – Бөтенроссия уку көне
09.10.2024
Уку- иң файдалы шөгыльләрнең берсе, ул үз- үзеңне һәм әйләнә- тирә дөньяны яхшырак аңларга мөмкинлек бирә. Уку көне уңаеннан гимназия китапханәсендә төрле чаралар үткәрелде, видеоөзекләр каралды, викторина сорауларына җаваплар бирелде.
Шулай ук гимназия укучылары "Китапка икенче тормыш бүләк ит- 2024" акциясендә актив катнашып киләләр. Исегезгә төшерәбез, әлеге акция 31 нче октябрьгә кадәр дәвам итәчәк. -
"Кабатланмас көз" дип исемләнгән күргәзмә
08.10.2024
Бакчадагы тулып пешкән җимешләре, кырдагы мул уңышлы игеннәре белән кешеләрне сөендереп җиргә алтын көз аяк басты. Быел көз бигрәк ямьле булды, кояшлы җылы көннәр дә озакка барды. Шушы матур көннәрне тагын да ямьләп, гимназиябездә "Кабатланмас көз" дип исемләнгән күргәзмә оештырылды. Укучыларның табигый материаллардан ясалган композицияләрен сезгә дә тәкъдим итәбез!
-
Мөһим сөйләшүләр - "Россия турында легендалар"
07.10.2024
Бүген гимназиядә дүшәмбе иртәсе Рәсәй һәм Татарстан гимннарын башкарудан башланып китте. Гимн җырлаганнан соң "Мөһим сөйләшүләр" дәресләр циклы уздырылды. Укучылар белән "Россия турында легендалар" дигән темага сөйләшү алып барылды. Дәреснең максатлары:
- укучыларга "фольклор" төшенчәсенең мәгънәсен аңлату;
- халык авыз иҗаты турында алган белемнәрне ныгыту;
- фикерләү һәм анализлау сәләтен үстерү. -
"Пушкин картасы" программасын гамәлгә ашыру
07.10.2024
Гимназиянең 8В, 10 нчы сыйныф укучылары сыйныф җитәкчеләре Розия Базаровна һәм Эльмира Вагизовна белән берлектә "Пушкин картасы" проекты кысаларында В. И. Ленин исемендәге мәдәният йортында "Осенняя феерия" дип исемләнгән концерт карап кайттылар. Укучылар танылган җырларны заманча аранжировкада тыңладылар, яшь башкаручылар белән таныштылар, яхшы кәеф алдылар!