Дүшәмбе көнне,безнең гимназиядә балалар һәм яшьләрнең "Беренчеләр хәрәкәте" гомумроссия иҗтимагый-дәүләт хәрәкәте рәисен сайлау узды.
Безнең кандидатлар:
1.Салахиев Ралиф
2.Хайброва Альмира
3.Гарифуллина Азалия
Сайлаулар бик актив һәм кызыклы узды. Тавыш бирү йомгаклары буенча мәктәп укучылары үзидарәсенең рәисе итеп күпчелек тавыш белән Хайброва Альмираны сайладылар.
1.Хайброва Альмира 149 - 42,33% 2.Салахиев Ралиф 116 - 32,95% 3.Гарифуллина Азалия 87 - 24,72% Сез безнең илнең киләчәге! Үсегез, өйрәнегез, актив эшчәнлек алып барыгыз, дус булыгыз һәм төрле-төрле чаралар үткәрегез, мәктәп тормышында һәм "Беренчеләр хәрәкәте" бүлеге проектларында актив катнашыгыз.

1 нче В (сыйныф җитәкчесе Кашапова Л.С.) һәм 1 нче Г (сыйныф җитәкчесе Гарифуллина Л.В.) сыйныфы укучылары музыка көллиятенә “Чебурашка, осторожно!” спектакелен карарга бардылар. Балаларга әкият геройлары аша юлда йөрү кагыйдәләрен өйрәттеләр. Спектакль укучылар өчен эчтәлекле һәм файдалы булды.

Бүген бөтен ил буйлап “Татарча диктант - 2023” дөньякүләм белем тикшерү акциясе узды. Акциясенең максаты - татар теле белән кызыксынуны арттыру, әдәби телдә дөрес сөйләм һәм дөрес язу күнекмәләрен камилләштерү, татар теленә, аның тарихи һәм мәдәни хәзинәләренә карата хөрмәт тәрбияләү. Гимназиябез дә бу чарадан читтә калмады. Акциядә 65 кеше катнашты.Алар арасында Мәгариф идарәсе житәкчесе Гарифуллин А. Х., укытучылар һәм 7Б, 9Д һәм 10В сыйныф укучылар бар иде. Диктант акциясе зур кызыксыну һәм яхшы кәеф белән узды. Акциядә катнашкан һәркем сертификат алачак.

10 нчы А психолого-педагогик сыйныф укучылары, башлангыч сыйныф укучылары дәресләренә керделәр. Алар педагог- психолог Лилия Фалиховнаның беренче сыйныф укучыларының адаптация чоры үтүен күзәттеләр. Югары сыйныф укучыларының кече сыйныф укучылары белән аралашу күп яңа көтелмәгән эмоцияләр тудырды.

11 нче А,психолого-педагогик сыйныф укучылары барысын да сәламәтлек көне белән котлыйлар.Исәнлек-саулык, бары тик шатлыклар телиләр.
Учащиеся психолого- педагогического 11А класса поздравляют всех с всемирным днём психического здоровья. Улыбкою желаем всем со стрессами бороться, Ведь после гроз на небе всегда сияет солнце.

Безнең гимназиянең 8 нче А сыйныф укучылары, "Ковер" яшьләр үзәгендә уздырылган "Что? Где? Когда?" интеллектуаль уенда катнашып, 2 нче урын яуладылар. Молодцы. Яңадан-яңа уңышлар телибез.

7 нче октябрь көнне, 29 нче мәктәптә, Армрестлинг (кул көрәше) буенча Әтиләр Советы әгъзалары өчен ярышлар үтте.
Безнең гимназия командасы әтиләре 1 нче урын яулады.Котлыйбыз.

Гимназиянең 9 нчы Г һәм 2 нче Г сыйныф әниләре, Дарья Николаевна белән бергә "Школа ответственного родительства" дигән курс тыңлап кайттылар.әлеге курслардан әти-әниләр күп кызыклы һәм кирәкле мәгълүмат алып кайттылар.

Безнең гимназиянең яшь укытучысы, Петрова Рамина Николаевна ,Түбән Кама муниципаль районы мәгариф системасының вокаль ансамбле составында "Наше время-Безнең заман" фестиваленең зональ сайлап алу этабында катнашты. "Вокаль ансамбль" номинациясендә 2 нче урын, "Музыка.Кече формалар" 2 нче урын яуладылар. Гомумкоманда нәтиҗәсе 2 нче урын.Котлыйбыз. Горурланабыз. Яңадан-яңа уңышлар телибез.