Буген бездэ зур бәйрәм-Әлифба бәйрәме булды. 1 нче сыйныф укучылары үзләренең яраткан дәреслекләре белән саубуллаштылар. Бәйрәмгә кунаклар да килделәр. Җырлар белэн үрелеп барган бәйрәм күңелле үтте. Уңышлар сезгә, балалар.

2024 нче елның 13 нче мартында Баки исемендәге 2 нче гимназия базасында "Оранжевая перемена" кысаларында Яшь педагоглар очен гамәли семинар узды.Гимназиянең башлангыч һәм урта звенода эшләүче укытучылар «Мәктәптә милли мәгариф» дигән теманы мастер-класслар ярдәмендә ачтылар. Семинарның максаты -яшь педагогларны туган тел дәресләрен үткәрү буенча һөнәри компетентлыкны арттыру.Яшь педагоглар белем формалаштыру буенча гамәли киңәшләр алдылар, үзлегеңнән белем алу һәм үз-үзеңне үстерү күнекмәләре белән таныштылар.Әлеге семинар бик җылы узды.

7 нче март көнне, гимназиябезнең актлар залында Халыкара хатын-кызлар көненә багышланган бәйрәм концерты узды. Язның беренче көннәре , гүзәл бәйрәм - Халыкара хатын-кызлар көне 8 Марттан башлана. Бу көнне игелекле, ягымлы һәм бик яраткан гүзәл затларыбыз өчен аерым сүзләр яңгырый. Хатын-кызлардан, әниләрдән һәм әбиләрдән күпме шатлык-сөенечләр алабыз! Алардан башка тормышыбызда яктылык, яхшылык, җылылык, мәхәббәт һәм якты төсләр булмас иде.Бәйрәм белән кадерле гүзәл затларыбыз!!!

20 нче февраль көнне шәһәркүләм "Смотр строя и песни" конкурсының йомгаклау этабы булды. Безнең гимназиянең кечеләр взводы һәм өлкәннәр взводы 2 нче урын яуладылар. Ә "Юнармия" взводы командиры Габдуллин Алмаз -лучший командир дип билгеләнде. Молодцы, котлыйбыз. Яңадан-яңа уңышлар телибез.

Тел – һәркем өчен бердән-бер һәм газиз рухи мирас. Шуңа күрә дә иң татлы – туган тел, апам сөйләп торган тел – дип юкка гына әйтмәгәннәр . Тел гөреф – гадәт булып , дөньяга карашыбызны , бөтен күңел байлыгыбызны үзенә җыеп килгән хәзинәбез. Гимназиядә бүген без Туган телләр көненә багышланган чара уздырдык. Бәйрәмебезгә ямь өстәп Бөтендөнья татар конгрессының Тубән Камадагы оешмасы вәкиле Ганиев Рөстәм Мәҗит улы , Түбән Кама шәһәре һәм районы җирлеге тарихын өйрәнү берләшмәсе җиткәкчесе Хамзин Айдар Наил улы Шәһәр администрациясе башлыгы киңәшчесе танылган архитектор Ханов Фирдәвес Гайнетҗан улы, шәһәр мәгариф идарәсе башлыгы Гарифуллин Айдар Хакимҗан улы килде. Укучыларыбыз туган телдә шигырьләр сөйләделәр, җырлар, биюләр башкардылар. Бәйрәм тирән эчтәлекле күңелле узды.

20 нче февраль көнне безнең гимназиядә фронтовик шагыйрь Ф Кәримнең оныгы Каримов Артём Гаврилович, Башкортостан Республикасы Ает авылы гомумбелем бирү мәктәбе укытучылары кунакта булдылар. Алар гимназия музейларында экспозицияләр белән таныштылар, актлар залында укучылар чыгышын тыңладылар.

Бик тиздән безнең ил үзенчәлекле көн - Ватанны саклаучылар көнен бәйрәм итәчәк. Исемендә Ватаныңны, халкыңны, якыннарыңны һәм туганнарыңны яклауга күркәм бурыч салынган. Чын сугышчы-яклаучы булу өчен, армия тормышының авырлыкларын үтәргә, заманча хәрби техниканы өйрәнергә, яхшы физик әзерлекле булырга кирәк. Ә тагын солдатка үз төбәгенең тарихын, мәдәниятен белергә, эрудицияле һәм булдыклы булырга кирәк. Бу сыйфатларның барысы да "Миссия выполнима" патриотик уенында катнашканда безнең гимназиянең өлкән сыйныф укучыларына кирәк булды.

21 нче февраль - Туган тел көне буларак билгеләп үтелә. Һәр милләт, һәр халык өчен бәйрәм көн. 2 нче Б сыйныфында (сыйныф җитәкчесе Маннапова Э.М.) "Халыкара туган телләр" көненә багышланган "Әкияттә кунакта" дигән чара уздырылды. Укучылар А.Алиш, татар халык, Г.Тукай әкиятләрен яратып укыйлар.

ГАЛИӘСГАР КАМАЛ ТУУЫНА - 145 ЕЛ  Бүген драматургның тормыш юлы һәм иҗаты белән танышырга Кол Гали исемендәге китапханәгә безнең гимназиянең 10нчы Б һәм 10 нчы В сыйныф укучылары барды. Шундый җылы, истә калырлык очрашу булды ул! Китапханәче апаларының "Ә хәзер белемнәрегезне тикшереп карыйк әле. Без сөйләгәннәрне аңладыгыз, истә калдырдыгызмы икән?" - дигән сүзләре дә куркытмады үзләрен. Викторина сорауларына эх тә итмичә җавап бирделәр.

Безнең гимназиядә бик эчтәлекле очрашу булып узды. Майор, Әфган сугышы ветераны Данилов Павел Борисович белән. 2024 елның 15 февралендә Әфганстан Демократик Республикасыннан (ДРА) совет гаскәрләре чыгуга 35 ел тулды. Шул кышкы көннән башлап утыз елдан артык вакыт узды. Шик юк, Советлар Союзының барлык халкы күз яшьләре белән, дулкынланып үзәк телевидениядән, Совет гаскәрләрнең соңгы төркемен Әфганстаннан чыгару мизгелләрен яктырткан тапшыруларны күзәтеп барды.