Хөрмәтле укытучылар! Сезне чын күңелдән Укытучылар көне белән котлыйм! Сезгә нык сәламәтлек, күңел тынычлыгы, иминлек, хәерле бәрәкәт, бетмәс-төкәнмәс көч һәм дәрт, шатлык-куанычлар тулы озын гомер телибез. Әле бик күп еллар укучыларыгызның рәхмәт-ихтирамнарын тоеп, илhамланып һәм илhамландырып, тормышның- ямен, хезмәтегезнең тәмен белеп, башкарган эшләрегезнең матур нәтиҗәләрен күреп яшәргә насыйп булсын!

1 нче октябрь көнне Халыкара өлкәннәр көне – безнең өчен күп эшләр эшләгән буынга мәхәббәтебезне, кайгыртучанлыгыбызны, ярдәмебезне һәм хөрмәтебезне тагын бер кат белдерү көне. Бу бәйрәмнең максаты – җәмгыятьнең игътибарын өлкән яшьтәге кешеләренә юнәлтү. Алар үз вакытында җәмгыять үсешенә зур өлеш керткәннәр, шуңа күрә алар турында онытырга ярамый. Өлкәннәр көне – ул якты һәм күркәм бәйрәм, анда без әти-әниләребезне, әби-бабаларыбызны аеруча хөрмәтлибез. Алар озаграк яшәсен иде, аларның тормышы сыйфатлырак һәм күңеллерәк булсын иде дигән теләктә калабыз.

25 нче сентябрь көнне безнең гимназиядә кунакта Самара шәһәре вәкилләре булды.Алар якыннан музей,актлар залы,бассейн,спорт зал,хореография заллары белән таныштылар.Үзләрен кызыксындырган сорауларга җавап алдылар.Гимназиябезгә эшчәнлегендә бары тик уңышлар гына теләделәр.

23 нче сентябрь көнне,"Футбол в школу" проекты кысаларында безнең гимназиядә "Футбольный" дип исемләнгән сыйныф сәгатьләре үтте. Укучылар футбол тарихы белән таныштылар,футболчылар ,
командалар турында кызыклы мәгълүмат алдылар.

21 нче сентябрь көнне шәһәр көненә багышланган "Милләтләр кроссы" узды. Безнең гимназия укучылары да әлеге чарада актив катнаштылар.

Башлангыч сыйныф укучылары да, укытучы апалары белән бергә, яраткан шәһәребез туган көненә багышланган төрле чаралар оештырдылар. Рәсем бәйгесендә,квизда катнаштылар. Яраткан шәһәребезгә багышланган фильмнар карадылар.

Бүген, 20 сентябрьдә, гимназия укучылары Түбән Кама шәһәре Дәүләт автоинспекциясе хезмәткәре Ландыш Дамировна Фәрхетдинова белән очрашты.
6 класс укучыларын шәһәр территориясендә балалар катнашындагы юл-транспорт һәлакәтләре статистикасы белән таныштырдылар һәм юл-транспорт һәлакәтләренең төп сәбәпләрен билгеләделәр. Очрашу барышында инспектор укучыларга юлларда үзеңне ничек дөрес тотырга, җәяүлеләр кичүләре, үзйөрешле һәм велосипедта йөрү кагыйдәләре турында сөйләде. Балалар шулай ук үзләрен кызыксындырган сорауларга җавап алдылар.

Кичә, Бакый Урманче исемендәге 2 нче гимназиядә "Академик десант" узды. 2024 нче ел Татарстан Республикасында - фәнни-технологик үсеш елы дип игълан ителде. Масштаблы чараны «Татарстан - яңа гасыр» - республика иҗтимагый хәрәкәте оештырды. «Җир хартиясе» принципларын пропагандалауга, эко-агарту алып бару максатында яңа экологик фикерләүле кеше формалаштыруга юнәлдерелгән эшчәнлек алып барыла. Проект кысаларында күчмә сессияләрнең бай циклы үткәрелде. Шулай ук лекторлар «Безнең йорт - Җир» проектларын булдыру буенча мәктәп укучылары һәм мәктәпкәчә белем бирү учреждениеләре укытучылары һәм педагоглары өчен кызыклы презентацияләр, кызыклы тренинг-семинарлар әзерләделәр.

Бүген "Футбол в школу" проекты кысаларында, "Нефтехимик" футбол клубы уенчылары безнең гимназия укучылары өчен очрашу үткәрделәр. Балалар тупны ничек дөрес йөртү ысулларына өйрәнделәр. Балаларга очрашу бик ошады. Оештыручыларга зур рәхмәт.

Бүген гимназиянең актлар залында, 10 нчы һәм 11 нче сыйныф укучылары өчен Татарстан Республикасы, Түбән Кама районы һәм Түбән Кама шәһәре буенча Роспотребнадзор территориаль бүлеге начальнигы Изиятуллин Рөстәм Марат улы белән очрашу узды.