Ел фасылының кайсын гына алма, һәрберсе үзенчә күңелле. Көзгә генә күз салыгыз әле, меңләгән төсләр белән янып, күзләрне иркәли, муллыгы белән күңелләрне җылыта. Шундый матур көннәрнең берсендә гимназиябез актлар залына да “Сөмбелә” үзе аяк басты. Һич ялган түгел,  укучылар чын мәгънәсендә көзге тамаша күрсәттеләр. Әлеге бәйрәмдә Сөмбелә дә, Уңыш бабай да, Көз кызы да катнашты. Җыр-биюләр, кызыклы сораулар белән үрелеп барган бәйрәм кичәсе һәркемнең күңеленә хуш килде.

В нашей гимназии проводятся уроки, посвящённые месячнику гражданской обороны.

5нче октябрь көнне безнең гимназиядә Россия Федерациясе Дәүләт Думасы депутаты, Милли мөхтәрият рәисе Гыйльметдинов Илдар Ирек улы белән очрашу үткәрелде.
Очрашуның төп соравы — татар телен саклау һәм үстерү. Илдар Ирек улы бу мәсьәләдә булган актуаль проблемалар белән уртаклашты, аларны чишү буенча катнашучыларның тәкъдимнәрен һәм фикерләрен тыңлады.

 

5 нче октябрь – Укытучылар көне. М. Вахитов исемендәге гимназия бу бәйрәмне матур традицияләрен саклаган хәлдә билгеләп үтте. Гимназиянең Укучылар Советы мөгаллимнәрне, гадәттәгечә, иртәдән үк кызыл келәм җәеп, кулдан ясалган открыткалар, тәбрикләү сүзләре белән каршы алдылар. 8В сыйныфы укучысы Нурисламова Алия теләкләрен, шигъри юллар белән, укытучыларның фотолары куелган презентация аша җиткерде. Сәгать 13.00 дә бәйрәм концерты оештырылды. Гимназия директоры Айдар Хакимҗан улы Гарифуллин укытучыларны һөнәри бәйрәмнәре белән котлады. Ныклы сәламәтлек - бүгенге көндә иң мөһиме. Барыгыз да исән - имин булып яшәргә, эшләргә язсын дигән изге теләкләрен җиткерде. Гомерләрен мәктәп тормышы белән бәйләгән ветеран укытучылар да бәйрәм концерты кунаклары булырга чакырылдылар. Татарстанның атказанган артисты Равил Галиев, Айгөл һәм Ришат Шәйхетдиновларның җырлары бәйрәмгә ямь өстенә ямь өстәде. Кыска гына вакыт эчендә танылып өлгергән, гимназиянең элекке укучысы Вәлиев Марат Минсабирович оештырган “Ике яр” ансамбле чыгышын барысы да җылы кабул итте. Концерт Лилия Әхмәтованың думбра уен коралында нәзәкатьле итеп уйнавы, Лилия Вафировна җитәкләгән “Экспрессия” бию ансамбленең “Туган як” һәм “Кытай бизәкләре” биюләре, Зәйнуллина Әлфия Тәүфиковна җитәкчелегендәге “Әллүки” вокал ансамбле җырлары белән үрелеп барды. Төрле җыр бәйгеләрендә чыгыш ясап алдынгы урыннар яулаган гимназия укучылары Ишалина Әдиләнең “Әссәламегаләйкүм”, Сахапова Солтанәнең “Туган тел”, Мөхәммәтшина Индира башкаруында “Зәңгәр томан “ җырлары, бәйрәмгә чакырылган кунак егет - Салават Сакаевның аерым осталык белән башкарган “Казах кызы” җыры залдагы тамашачыларның күңеленә аеруча хуш килде.

Кеше күңеленә бер җылы сүз җитә. Гимназиядәге бәйрәм концертларының даими алып баручылары - Сәйдәш Галиев һәм Айсылу Ишалинаның мөгаллимнәргә карата гимназия укучылар исеменнән әйтелгән самими теләкләре, эчкерсез рәхмәт сүзләре – аларга яшәргә көч бирсен, эшләргә дәрт-дәрман өстәсен! Бәйрәмегез белән Сезне, мәрхәмәтле, киң күңелле, сабыр холыклы мөгаллимнәребез!

По итогам работы Школы наставничества педагог - психолог нашей гимназии Халилова Гульназ Флусовна занесена на Доску Почета Института развития образования  Республики Татарстан. Поздравляем, Гульназ Флусовна! Желаем дальнейших успехов!

Хөрмәтле укытучылар һәм ветераннар! Сезне һөнәри бәйрәмегез - Укытучылар көне белән чын күңелдән котлыйм! Авыр, әмма җаваплы һәм мактаулы эшегездә иҗади уңышлар, игелекле укучылар, саулык-сәламәтлек, бәхет, шатлык, озын гомер телим. Тормышның һәр мизгеленнән ямь табып, балаларыгызның, якыннарыгызның күңел җылысын тоеп яшәгез!

Гимназия директоры Гарифуллин Айдар Хәкимҗан улы

Көзнең үз матурлыгы булу белән бер рәттән, үз мәшәкате , үз эшләре дә бик күп. Бүген гимназиябез укучылары һәм укытучылары хезмәт дәресләрендә, иртә белән һәм дәресләрдән соң үзләренә бүлеп бирелгән участокларда җыештыру эшләре башладылар.

Хөрмәтле булачак беренче сыйныф әти-әниләре!

Без сезне 2 нче гимназиядә булачак ата-аналар җыелышына чакырабыз. Вакыты 30.09. 18.00

Дорогие родители наших  будущих первоклассников!

Приглашаем вас на собрание, которое состоится  во 2ой гимназии 30 сентября в 18 часов 00 минут.

Мулланур Вахитов исемендәге 2 нче гимназиянең Укучылар Советы 25 нче сентябрьдә Йөгерү көнен билгеләп үтте. Бу йөгерү бер яктан сәламәт яшәү рәвешен пропогандалау булса, икенче яктан укучыларның сәламәтлеген ныгыту да булып тора. 7 нче һәм 8 нче класс укучыларыннан торган йөгерешчеләр иртәдән гимназиянең спорт мәйданчыгына җыелдылар. Гимназия спикеры Усманов Фәрит аларга һәр спорт төренең, бигрәк тә йөгерүнең файдалы икәнлеген әйтте, күнегүләр ясатты. Аннан йөгерүгә старт бирелде.Укучылар спорт мәйданчыгын 5 тапкыр йөгереп чыктылар. Һәр укучы сынатмаска тырышты. Кояшлы һава торышы укучыларда күңел күтәренкелен тагын да арттырды. Йөгерү һәркем күңеленә хуш килде. Спорт чараларын ешрак оештырырга кирәк диде Спикер һәм укучыларга оешкан төстә килгәннәре өчен рәхмәтен белдерде.

В основе логотипа лежит октагон (правильная восьмиугольная фигура).

С графической стороны восьмиугольник олицетворяет промежуточную фигуру между квадратом и кругом, с духовной же, являет посредничество между « земным бытием и вечным», устойчивость и постоянство квадрата и целостность круга. Линии, пересекающие октагон,  представляются в виде путей развития и возможностей покорения жизненных вершин для учащихся. Вкупе с линиями пересечения, восьмиугольник образует черты огранки бриллианта – камня победителей и неоспоримого символа статуса и успеха.