Платформа «Россия – страна возможностей» запустила проект «Цифровая гигиена детей и подростков»: «Проверьте, что делает ваш ребенок в сети!» (далее – проект).

Цель проекта: привлечь внимание родителей и детей к теме цифровой гигиены.

Шәһәр Укучылар советы фәрманы нигезендә безнең гимназиядә дә  яңа Спикерны инаугурацияләү тантанасы булып узды.  Фаик Фоатович җитәкләгән “Юнармия” егет-кызлары  башта марш астында Рәсәй һәм Татарстан Республикасы флагларыын алып керделәр, гимннар баәкарылды. Аннан гимназия директоры Нәбиуллина Лиза Рихман кызына сүз бирелде. Ул Спикер – Хәмәтгатин Әмирхан Ленар улына зур эш йөкләнүен, шулай булса да гимназия тормышын алга алып барырга кирәклеген әйтеп, уңышлар теләде. Үзенә ышанычлы команда тупларга кирәклеген искәртте. Соңыннан Спикер таныклыгы һәм истәлекле бүләк тапшырды. Әмирхан, үз чиратында, үзенең сайлау алды программасына тугры калачагын белдереп, ант бирде.

Бүген 2022 елның 17 нче сентябрендә  Татарстан республикасында “Татарстан йөгерүе - 2022” булып узды. Яр Чаллы шәһәрендә ул, елдагыча, «Яр буе» паркында уздырылды. Аның максаты: халыкның сәламәт яшәү рәвешен пропагандалау,  физик яктан савыктыру, хәрәкәтләнүне активлаштыру. Мулланур Вахитов исемендәге гимназия дә бу чарада һәрвакыттагыча активлык күрсәтте. Гимназиябезнең 6А сыйныфы укучысы Заһитова Мәрьям 1нче урынны яулады. Афәрин, Мәрьям! Без синең белән чиксез горурланабыз.

Гимназиядә «Куркынычсызлык айлыгы» акциясе кысаларында көзен сулыкларда бату  куркынычсызлыгын кисәтү  чаралары уза.
5-9 сыйныф укучылары ГИМС ГУ МЧС инспекторы Мостафин Зиннур Хазинур улы белән очраштылар һәм “Көзге чорда  сулыкларда куркынычсызлыкны тәэмин итү” темасына лекция тыңладылар, үзләрен кызыксындырган сорауларга җавап ишеттеләр. 

Уку елының беренче атналарында гимназиядә «Куркынычсызлык айлыгы», «Игътибар балалар» акциясе кысаларында янгын куркынычсызлыгын кисәтү  чаралары уза.

Быелгы уку елында беренче сыйныф укучылары МЧС хезмәткәре капитан Зиатдинов Флорис Фирдавис улы белән очраштылар. Янгын куркынычсызлыгы турында мультфильм карагач, бергәләп фикер алыштылар.

Гимназия укучылары янгын булган очракта  эвакуацияләнү тәртибен практикада үтәп карадылар.

«Куркынычсызлык айлыгы», «Игътибар балалар» акциясе кысаларында юл иминлеге кагыйдәләре хакында укучыларның исләренә кабат бер кат искә  төшерү өчен, ГБДДД хезмәткәрләре Нуриев М.А., Хәбриев Р.Р.,Талипов Р.М.  гимназиягә килделәр. Юл йөрү кагыйдәләрен дөрес итеп үтәсәң , үзеңнең дә, башкаларның да тормышларына зыян килми. Шуңа күрә, җәяүме, велосипедтамы, машинадамы – без бик җаваплы булырга тиешбез.

Ел саен 3 сентябрь 2004 елда Бесланда булган куркыныч терактта гаепсезгә корбан  булган 300 балаларны һәм аналарны искә алу көне.Шул уңайдан сыйныф сәгатьләре узды. Укучыларга тормышка куркыныч янаган вакытта үтәлергә тиешле кагыйдәләр турында аңлатылды.

1 нче сентябрь. Бу көнне кем  генә мәктәптәге уку елларына кайтып килми микән ?! Көләч йөзле укучыларның  кулларында чәчәк гөлләмәсе. Укытучыларына карата ихтирам хисе белән  ярату билгесе.

         Мулланур Вахитов исемендәге 2 нче гимназиядә 2022 - 2023 нче  уку елы тантаналы төстә башланып китте. Гимназиябезнең ОБЖ укытучысы Мугинов Фаик Фоатович җитәкләгән  “Юнармия”  егет – кызлары РФ һәм ТР флагларын дәүләт гимннары астында югары күтәрделәр.  Алып баручылар- 11 нче сыйныф укучылары - Абдуллин Рәсим белән Кәбирова Аделина,  сүзне гимназия директоры Набиуллина Лиза Рихмановнага бирде. Ул барлык укучыларны, укытучыларны, әти- әниләрне, килгән кунакларны яңа уку елы белән котлады. Укучыларны тырышып укырга, тәртипле булырга, ә укытучыларга эшләрендә зур уңышларга ирешүләрен теләде. “Иң мөһиме барыбызга да сау – сәламәт булырга язсын”, - диде ул чыгышын йомгаклап. Сүз бер-бер артлы чакырылган кунакларга:  Яр Чаллы Башкарма комитетының Комсомол районы җитәкчесе вазыйфаларын башкаручы Хабибуллин Фидарис Фәндәвис улына, Дәүләт Советы һәм шәһәр советы депутаты – Мәүҗитова Резеда Ришат кызына, КамАЗ запас  частьләр һәм компонентлар заводының персоналлар белән эшләү бүлеге башлыгы Сәләхетдинов Роберт Райф улына бирелде. Алар барысы да яңа уку елы башлануы белән тәбрикләү сүзләре әйттеләр. Ә Роберт Раифович 1 нче сыйныф укучыларын  3 комплект лего-конструктор һәм “КамАЗ – моя семья и я “ дигән альбом белән бүләкләде.

         Гимназиябездә танылган яшь көрәшчеләр, яшь шахматчылар, яшь артистлар,  кече яшьтән үк каләм тибрәтучеләр, көй язучылар белем ала.  Шулай ук төрле бәйге – конкурсларда, фәнни – гамәли конференцияләрдә дә  да сынатмыйлар гимназистлар.

         Татарча  җыр – моң, нәфис сүзләр, биюләр белән үрелеп барды бәйрәм тантанасы. Хәтта Кырлай урманыннан Шүрәле дә килгән иде. Кыңгырауны урлап алып китмәкче булган иде дә,  тик “Татар малае – 2022” конкурсында призлы урын алган Насифуллин Кәрим  аны акыллы сүзләр белән бу мәкерле уеннан кире кайтырга мәҗбүр итте һәм аңа бүләк итеп аң-белем ачкычы - “Әлифба” китабын бирде. Тантанада 6в сыйныфы укучысы Ишалина Адилә, 7А сыйныфы укучысы Имаметдинова Регина, 8В сыйныфы укучысы Ганиева Таңсылу, 5в сыйныфы укучысы Фәсхетдинова Ясминә,  Әлфия Тәүфыйковна җитәкләгән “Әллүки” вокаль ансамбле  матур итеп чыгыш ясадылар. Сания Маликовна әзерләгән 1 нче сыйныф укучыларының саф татар телендә  сәнгатьле итеп шигырь сөйләүләре, җырлаулары – милли гимназиябезнең рухи хәзинәсе. Милли мирасны дәвам итүдә алны-ялны белми эшләүче  тәрбия эшләре буенча директор урынбасары Нурисламова Энҗе Әгъзам кызының зур тырышлык нәтиҗәсе.

Дәрескә дәшеп тәүге тапкыр кыңгырау чыңы  яңгырады. Мулланур Вахитов исемендәге 2 нче гимназия белем иленә сәяхәтен башлап җибәрә.

Уку елы хәерле сәгатьтә башлансын, хөрмәтле укучылар, укытучылар!

Уку елының беренче атналарында гимназиядә «Куркынычсызлык айлыгы», «Игътибар балалар» акциясе кысаларында терроризм һәм экстремизмга каршы чаралар уза.

2 сентябрь – Россия гвардиясе көне. Илнең иминлеге сагында торган Росгвардиянең тарихы, аларның нәрсәләр өчен җавап бирүе, нинди күләмле эшләр башкарулары  хакында гимназия укучылары полиция лейтенанты Лотфуллин Альберт Илдар улы һәм  психолог , полициянең  кече лейтенанты Давлиева Айгөл Глүс кызы белән  белән очрашудан соң күбрәк белделәр. 

Хөрмәтле кунаклар тантаналы рәвештә Россия Федерациясе һәм Татарстан Республикасы флагларын күтәрү тантанасында катнаштылар.

Илнең тынычлыгын тәэмин итү өчен иң әһәмиятле вакыйгалар үзәгендә кайнаган, гражданнарның тормышларын терроризм, экстремизм куркынычыннан  яклаган росгвардиячеләр бүгенге тыныч тормышта да зур батырлыклар эшлиләр, үзләренең тормышларын куркыныч астына куеп, тынычлык хакына көрәшәләр.  Укучыларга шул хакта фильм күрсәтелде.

Лотфуллин Альберт Илдар улы  укучыларга янгын куркынычы, су басу, шартлау, террористлар тарафыннан басып алу очрагында тормыш иминлеге кагыйдәләре хакында җентекләп аңлатты. Очрашу бик файдалы булды.

Җәйге каникул вакытында мәктәп яны тәҗрибә участогында һәм хезмәт лагерендә эшләүче укучылар җәй буе тырышып хезмәт куялар. Июль, август айларында яңгыр булмады дисәк тә ялгыш булмас. Шулай булса да гимназия тирәсенә утыртылган аллы - гөлле чәчәкләр тирә – юньгә ямь биреп үсеп утыралар. Искиткеч матурлык! Бу әлбәттә безнең укучыларыбызның, җаваплы укытучыларыбызның күп көч куюы, тырышлыгы нәтиҗәсе. Август аенда эшләтүче педагоглар - Заһитова Зөлфия Мөхәмәтнур кызы һәм Маврина Рузилә Сәгыйрь кызы укучылар белән уртак тел табып эшлиләр, укучыларны хезмәт күнекмәләренә төшендерәләр, матурлыкны күрә белергә, сакларга өйрәтәләр.

Эшләгәнең кеше өчен булса, өйрәнгәнең үзең өчен булыр, диләр. Моның шулай икәнен еллар узган саен күбрәк аңлый башлыйсың, эш агачы бик юмарт җимеш бирә башлагач.